ماشاء الله تبارك الله يام هوبي 00انا معجبه اعجاب شديد فيك0 وبردودك ومواضيعك0احس ان عندك خبره ولباقه في طريقه تعاملك مقارنه بسنك الصغير ليت كل البنات اللي بعمرك مثلك ناضجين كان الدنيا بخير0000تصدقين بنات اختى اكبر منك ولما جاء واحد وخطب الكبيره متنا ضحك لانها ما تعرف شي عن امور الزواج واللباقة وحسن التصرف مع الناس 00اقول الله يهني زوجك فيك وياسعد ام زوجك فيك والله يوفقك ويخلي لك زوجك وولدك وكل عزيز وغالي عليك00قولو اااامين0000

ام لياااااااان..

زوجي والله اول يصجني روحي لهم دقي على امي اقعدي معهم.....


يوم عرف طريقة اهله خلاص ما عاد يصجني..............

وهو علاقة معهم عاديه....يعني يحبهم مره ولا يرضى احد يخطي عليهم...

بس يعني مو لدرجة هدايا ويسفرهم ويطلعهم........الخ

على حسب اذا سافر يجيب لهم هدايا بسيطه...بس انا لي نصيب الاسد :)

انا ول اقول اخواتك هذولا لازم تشتري لهم....وتطلعهم.....

بس اكتشفت انهم ما يستاهلون احد يسوي شي علشانهم...

على فكره هم معتقدين اني انا وكذا وحده من حريم العيال....مخلين ازواجنا خاتم في اصابعنا..

:44: شايله وايد في خاطري عليها مع اني اعتبرتها مثل امي اول ماتزوجت وتعاملت معاها على هالاساس بس طلع زوجي معاه حق لما قالي هذيلا اهلي وانا اعرفهم اكثر منك لا تعطيهم وجه وايد لانهم ماتهمهم الا مصلحتهم وبسسسسسسسسسسسسسس !!!
عاد انا على نياتي من اول ماتزوجت اساهم بكل شي في البيت مع ان زوجي يعطيها مصروف للبيت وهو مبلغ كبير مب شويه ومع ذلك كل ماروح السوق اجيب للبيت واشتري لها الهدايا والملابس والذهب واهديها اكثر من امي وعمري ماسمعت ان في خاطرها شي الا وركضت اجيبه واشتريه لها هي وعيالها وكنت لها نعم مرت الابن وقفتي معاها ماوقفتها بناتها ولا حتى اولادها وزوجي
كنت معاها سواق خدامه ممرضه متحدثه رسميه كل شي تتصورونه حتى في امور عيالها وبيتها وسواقها وكلللللللللللللللللللللللللللللللللللل شي
بالنهايه :( شو استفدت ؟؟؟؟؟ ولا شي عمتي من النوع اللي ماتحب اي حد ينتقد عيالها او ينصحهم او يقول عنهم اي شي حتى لو كانت تعرف انه هالعيب فيهم وتشيل بقلبها علي وتقول عني اني اكره عيالها وماحبهم
وهي عندها ان لازم وواجب على زوجي يصرف عليها هي وعيالها وانا والله يشهد من اول ماتزوجت وزوجي يصرف على امه واخوانه مع انهم مب محتاجين ولا عمره صرف علي انا وعيالي وساكته ولا اقول شي
وصلت لدرجة كانت عندي وكاله من عمي الله يرحمه اتصرف باملاكهم واموالهم وامشي امورهم كلها تخيلو وعيالها اولاد وبنات نايمين في البيت ولا يدرون عن اي شي بس يتطلبون وينقدون ويتشرطون وانا خادمة الجميع علي تلبيت طلباتهم واوامرهم بكل محبه وانا ساكته :D لاني لو قلت شي على طول تقلب عمتي علي وتقول اني اعاير عيالها وامن عليهم !!!!
في النهايه وفي الفتره الاخيره صارت علاقتي بها زفت والسبب لما مات عمي الله يرحمه وكلو زوجي بما انه اكبرهم عشان الورث وتقسيمه وحب يراعي الله في هالشي وقام سال عن اخت لهم من ابوهم يقولون ميته وفي ناس تقول حيه ولما سال عمه وسال حرمه تعرف ام البنت عشان تتاكد منها قلبت البيت على راسي انا وزوجي وطلعت زوجي حرامي ويبغي يعقها هي وعيالها في الشارع وشالت بقلبها علي لين اليوم لاني وقفت مع زوجي مع الحق وتقول اني اكرهها هي وعيالها وماحب لها الخير ؟؟؟
ماساتي مع عمتي ماتنتهي الا بخروجي من بيتها ولما عيالها الباقين يتزوجون وتتعامل مع حريم عيالها بتعرف قدري :16:
المشكله زوجي يقولي صبري عشان وانا صابره عشانه بالفعل وقمت اشيل ايدي من وايد اشياء في البيت كنت دايما اتابعها واسويها بس اللحين خففت شوي من تدخلي بحياتها هي وعيالها
اما بناتها فالله الساتر منهن عسى ماقالت لهن امهن شي الا صارن بصفها وصارت كل وحده احن عليها من الثانيه مع انهن ماكانت اي وحده تدري عن امها اي شي ولا تهتم باي شي تحتاجه او تبيه
الله يسامحها ويسامح الجميع والله يعيني اصبر هالكم شهر لين اطلع في بيتي بروحي والله يعيني على الساني لاني ماقدر اشوف الغلط واسكت وهاي مشكلتي وما قدر اسمع حد متضايق او يبي شي وما احاول اساعده وزوجي دايما يقولي انتي عمرج ماتوبين على الرغم من كل شي سووه فيج الا انج بعدج ماتبتي وزوجي اصلا صار له فتره مايتدخل في اي شي شايل ايده من كل شي فيه فلوس ومصالح يقول بس علي ابر فيها واحسن لها وبسسسسسسسسسسسس وغير كذا مالي خص لا في اخواني ولا في اموالهم واموالها
انا مليت من حياتي وتقلبات مزاج عمتي وصايره نفسيتي زفت مادري يمكن عين وصابتنا لان الكل حتى خواتها واهلها وبناتها يحسدونها علي ويقولون عمرك ماراح تلقين مرت ابن مثل فلانه بس هي مادري شو بلاها يمكن غيره يمكن خوف مني لان علاقتي بزوجي جدا قويه مادري شو تبغي بالضبط حتى زوجي لما تزوجني كانت علاقته جدا سيئه مع امه بس حاولت معاه وهي شافت بعيونها كيف غير معاملته معاها ومره قدامها هزئته وزعلت عليه لما صارخ على امه وقلت له بالحرف اللي مافيه خير حق اهله مافيه خير حق اي حد وانا مابي اربي عيالي يشوفون ابوهم يصارخ على امه لاني باكر ان كبرت بيعاملوني وبيعاملونك مثل ماعاملت امك :(
واصريت عليه يعتذر منها ووالله يابنات انه من ذاك اليوم تقريبا ماقد صارخ بوجها ولا رفض لها طلب
انا مابغي مشاكل ومابغي كل ماتكلمت معاها تاخذ كلامي على ضن السوء وانا على نياتي والله بس هي الله يهديها مادري شو تبغي مني :icon33:

اخواتي الغاليات اشكركن عن شعوركن تجاه ام الزوج الغالية وجزاها الله خير صاحبة الموضوع اما عن نفسي فأم زوجي خالتي شقيقت امي ووالد زوجي شقيق والدي الحمد لله لم ارى منها ولا من بناتها اي تصرف يزعجني منهم بالعكس احبها واحب بناتها محبة ومعزة يعلم الله بها ماعندهم لقافه ولا فرض شخصية على احد اخلاق من احسن الاخلاق دائما يحثون على فعل الخير دايم شايليني فعيونهم وانا كمان شايلتهم على عيني وراسي ولابد من امور تفعلها زوجة الولد لتبقى معزتها عند ام زوجها وعند زوجها عالية لابد بين فترة وفترة ارسال هدية لها ولبناتها ما اقول هدية غالية لو شي بسيط تفرح فيه بالمقابل شوفي لو اهدتك هدية بسيطه جدا كيف وقعها في نفسك اكيد بتفرحين وتزداد معزتك لهاارسال طبق بسيط السؤال عن عنهم اذا فيه احد تعبان تهنئتهم بالنجاح اواي امر يخصهم وهكذا وأسال الله ان يوفقكم للبر بأمهات ازواجكم ولاتنسي اختي الكريمة انك اخذتي ابنها من عندها لنا لقاء معكم اخر

نونو وبس ////////// هذا مرض منتشر بين العجايز والله يسترنا منه اذا كبرنا وهو الفضول التدخل بحيات الناس
ولاتاكلي هم
وانا ماراح اقولك حسني علاقتك اكثر معهم لا اقولك سدي كل ثغرات زوجك حتى ةقت مايتبلوا عليك اهله مايستغلها ويدخل عليك منها ويصدقهم




ام ليان ///// لا ياعمري خذي راحتك ياقلبي انتي




ام فيصل ////// بصراحه ومن غير زوعل مافهمت عليك بسالفه اخته بس ترى ردت عليك ريح المطر كل اللي كنت بقوله كفت ووفت




ام فهد ///// اخيرا احد مثق فيه ومدحني عاد تصدقين انه من زمان احس ان فيني قدره لتحليل الشخصيات (تحليل على قدي )ةاحل المشاكل وباذن الله ابين هذا الشي في هالموضوع وترى اكصثر اللي اعرفهم يستشيروني قبل زواجهم وانورهم في حياتهم اليوميه بعد الزواج
واشكرك على هخالاطراء الجميل




غرشوب ///// اللي سويتيه عين العقل بس هاه لايصل حد الكره لالالالالا بس كوني رسميه معاهم واحمدي ربك على هالزوج اللي يعترف بغلط اهله
وكذا الحريم يستغلوا زوجه الولد الطيبه واللهى يعينك واحتسبي اجرك على الله




شامه /////// مشكورهخ عمري على الدرر هذا وانا هيك تماما معهم والا وش يخلي ام زوجي تحبني لاني مجرد زوجه ولدها لا والله انه المعامله الطيبه اللي تريح وتشرح الصدر وقبل كل هذا اللي يرضي ربي


وكلكم مشكورات على هالثقه