بالنسبة لي علاقتي بها ممتازة لولا بنتها الله يهديها دائما اقارن بها وانا احسن منها في نظرها دائما اللي لي مالي حق فيه بس ارجع اقول زوجي هو الغلطان لانه مافرض وجودي من الاساس بالنسبه لي حتى محاوللاتي للدفاع عن حقي تبؤ بالفشل عشان زوجي مهما كان الفعل يكون معهم ويدور العذر لهم عشاني قاعدة معهم في نفس البيت طبعهم غريب يخبون كل شي يبون يعرفون كل شي

انا حماتي ولله الحمد مثل العسل قولوا ما شاء الله وتحبني وايد وتموت في بنتي الله يخليها لنا

الحقيقة يا أم هوبي علاقتي مع عمتي زينة علاقة احترام متبادل
في بداية زواجي كنت أحاول أدخل فيهم عرض لأني أعرف أن علاقة زوجي بأمه وأخواته قوية جدا ما شاء الله وهو أحب أخوانهم.
لكن بعد مدة عرفت أنهم زعلانين مني طبعا الأخوات يقولون أني أرمي عليهم كلام يجرح رغم أني مو من الناس اللي أعرف أرمي كلمة وأقصد شي ثاني ويقولون أني مسيطرة على أخوهم (هاه عشان ما جربوه) يشوفونه حليل معهم وما يقول لا يحسبونه معي كذا ما يدرون أن كلمة لا قبل كلمة نعم عنده.
صراحة الغلط غلطي لأني كنت على نيتي أتكلم مع هذي وأمزح مع هذي من البداية
وزوجي كان يقولي من البداية خلي العلاقة رسمية وكنت أزعل وأقول ليش ايش فيها إذا صرت لهم أخت خامسة ؟ ياريت سمعت كلامه
لما سألتهم صح أنتو زعلانين مني عشان كذا وكذا قامت القيامة :30:
وزعلوا ووصلوا الكلام لعمتي وزعلت علي مرة طبعا زوجي ما رضي يخليني أكمل نقاش وأبين وجهة نظري وحسم الموقف معي ومع خواته وقالهم ما تبون تحبونها لاتحبونها لكن على الأقل احترموها علشاني.وأنا قالي أنا ما أبغى أغصبك على أهلي
تبين تروحين لهم روحي ما تبين براحتك المهم عيالي يروحون وطبعا أنا ما قطعتهم
واستمريت بنفس المعاملة بس رسمية شوي وهدايا وزيارات عااااااااادي
لكن اللي غير معاملتهم بعدين وصاروا الحمد لله يتمنوني معاهم في كل طلعاتهم ودخلاتهم وسفراتهم وجمعاتهم وقفتي معاهم في عزاء والد زوجي رحمه الله أسبوعين وأنا مع عمتي في بيتها أخدمهم وواسيهم حتى بعد ما راحوا البنات بيوتهم بعد اليوم الثالث أنا معاها. حتى زوجي يقول ما أنسى وقفتك هذي أبدا . وعمتي صارت تحلف باسمي حتى بناتها ما ترضى يجيبون سيرتي بالباطل :30: ياويلهم
وصراحة أنا الآن أحب وحدة لهم بين حريم العيال ومن ظمنهم أختي ما يحبونها قدي
بس وحدة من البنات تغار مني على أخوها رغم أنها متزوجة والثانية مزاجات مرة يازينها تسولف وتضحك ومرة :30: أعوذ بالله بس زوجي الحين عرف لأخواته
لكن عمتي يا حليلها أنا وياها اذا قعدنا مع بعض ما تخلص سواليفنا ما شاء الله
وسلامتكم :27:

ام وجودي ////// هذا حال الرجاجيل يهون يزعل زوجته بس امه لا وترى هذا من صلاح الزوج لان اللي مافيه خير الاهله مافيه خير لاحد ثاني واصبري وحاولي ماتقولي له اي مشكله لا بس اللي بنفذ صبرك عندها وتشوفيها كبيره في حقك
ومشكوره عمري


وسيمه 1 //// شكلك اسم على مسمى الله يديم المحبه ويزيدها
ومشكوره عمري على التفاعل



س من النساء ////// اللي صويتيه عين العقل واشتمري على شهامتك (حشي اكلم رجال )
والحمد لله على المحبه اللي بينكم والله يزيدها يارب
ومشكوره قلبي

وش اقول وش اخلى جربت اخدمها مانفع. هدايا.عزايم.ولاشيْ مااحد له قيمه عندها تحب تجرح وتقلل من قيمتي وانا جالسه اوغايبه مالها حبيب غير بناتها اذا زعلت من احد مايصفى قلبها عليه الناس بنظرها ولايسوون كل يوم حرب مع حريم عيالها وماتسمح بالمناقشه والتبرير دايم تدعي على عيالها قلبها قاسي فوق ماتتصورون هي رجال البيت تحاول تزرع الفتنه بين الحريم وعيالها انا اصغر زوجات عيالها قلت زياراتي لها انا بطبعي مسالمه مااحب المشاكل وهم بيتهم كل يوم مشاكل الكلمه في البيت لها ولبناتها يجيني منها كلام كثير واتحمل واصبر بالعكس كل يوم تزود اكثر تغار من كل شيْ حتى لو يادحني احد مايعجبها ابد والله مره بنتها الكبيره غلطت علي في بيتي وعندي حرمه مارديت عليها علشان زوجي راحت لامها وقالت طردتني رحت لخالتي اوضح لها قفلت الباب بوجهي حسبي الله ونعم الوكيل ويعلم ربي دايم اوصي زوجي بوصلها ولايقطعها عيالي اذا مرواعليها تطردهم وتتمهزأفي اشكالهم وانا اسمع يقولون نحسها ماتحبنا والله انها كرهتني بحياتي ماادري ليه تعاملني كذا حتى ولدها {زوجي} صارت تكرهه مع انه انسان طيب مع الجميع ويحاول يرضيها دائماً وانا والله اني ماقصرت معاها ولامع بناتها بطلت لااروح لها لان صحتي بدت تتعب وشعري كله شيب