اللهم صلي على محمد و على ال محمد ،،،
يا بنات الحمدلله اختي انخطبت و احنا في البيت كلنا فرحانين ما شاء الله ، هي عمرها 33 سنة ،، و انا اصغر منها اتزوجت و عندي كمان 3 اخوات اصغر مني اتزوجو ،، و هي كانت بالمرة تفرح لنا و حتى في افراحنا تقوم فينا و تجهز معانا و تروح معانا الكوافيرة و تستقبل الضيوف في الفرح عمرها ما بينت لنا انها متضايقة ابدا ،، في كثير اتقدمو لها بس كلهم ما كانو كويسين اما عندهم سوابق او عاطلين ، و ابويا قال خليها تعيش في بيت ابوها معززة افضل من انها تتزوج و تتبهدل مع انسان ما يقدرها ،، و احنا في البيت عمرنا ما حسسناها ابدا انها كبيرة او ما اتزوجت و لا عمرنا ضايقناها بكلمة ،، ابدا ابدا ،، و سبحان الله اتزوجت واحد ما نعرفه حتى ،،
شوفو النصيب كيف ،، اختي الصغيرة تدرس في الجامعة برة السعودية وصديقتها في السكن ،، لما شافت اختي الكبيرة في الصور عجبتها و طلبتها لاخوها ،، و اختي كلمت امي و اختي الكبيرة قالت استخير و اشوف و استخارت و ارتاحت بس المشكلة انه الولد عمره 29 سنة يعني اصغر منها ،، و امي قالت لازم تقولو له على حكاية العمر بينهم اذا موافق ما عندنا مانع ، فقال خلاص اشوفها نظرة شرعيه و جاء على السعودية و شافها و ما قال شي ، و بعدها بساعتين امه اتصلت و قالت ولدي وافق و ان شاء الله نبغى زواج على طول بدون خطوبة ،، بس اختي استأذنت من ابويا و قالت ابغى اكلمه قدامك ابغى اسأله كم شغلة ، و كلمته و قالت له انا اكبر منك ، قال انا اعرف و موافق و قالت عجبتك و لا اخذتني عشان عجبت امك واخواتك ، قال لا انا اول ما شفتك في الصور عجبتيني و استخرت و لما شفتك على الطبيعة بالمرة ارتحت ،، و اختي كمان ارتاحت له ، بس خلينا فترة الخطوبة شهر ، لانه عمتي تعبانة في المستشفى و لما تطلع راح نقول لجماعتنا عن الخبر و نحدد موعد الزواج ،، بس هما دحين في فترة خطوبة بس بدون ما يشوفو بعض او يكلمو لانه لسه ما اتملكو ، وعقبالكم كلكم ، اختي ما شاء الله لو تشوفو وجهها دحين منور و فرحانة و الله كلنا فالبيت كنا شالين همها سبحان الله ربي فرجها من عنده ، وحدة من اخواتي اتزوجت قبل شهرين و عمرها 22 سنة ، و هي مسكينة ما اتكلمت و لا قالت شي بس كنت احس الحزن في عيونها بس الحمدلله ربي عوضها خير ، و كمان خطيبها شغال في املاكهم عندهم اراضي و بيوت و محلات يعني مبسوطين الحمدلله من الناحية المادية ، و امه بالمرة طيبة انا ما اعرفها بس اختي اللي في الجامعة تقول مرة جاءت في السكن عندهم جلست 10 ايام و ختمت خلالها القران 3 مرات ،، و تقول بالمرة طيبة و حنونة ،، و عقبال كل البنات ان شاء الله ، و سبحان الله ربي لو كاتب لكم نصيب راح يجيكم لو في اخر الدنيا ،، و انا كتبت قصة اختي ، بس عشان البنات يعرفو انه ربي ما راح ينساهم و انه كل وحدة ربي خلقها ان شاء الله راح يرزقها الزوج الصالح و يقر عينها باذن الله ،، و نصيبك راح يجي لك لو اتاخر بس في الاخر ربي راح يحقق لك امنيتك و تشوفي نفسك عروسة ،،
golden eye @golden_eye_1
كبيرة محررات
يلزم عليك تسجيل الدخول أولًا لكتابة تعليق.
الله يوفقها ويسعدها ..
ربنا كبير وقادر على كل شيء سبحانه ما أعظمه :)
وربي قال في حديثه القدسي.. ( أنا عند حسن ظن عبدي بي, فليظن بي ما شاء ...
سبحانه الرزاق ..
ربنا كبير وقادر على كل شيء سبحانه ما أعظمه :)
وربي قال في حديثه القدسي.. ( أنا عند حسن ظن عبدي بي, فليظن بي ما شاء ...
سبحانه الرزاق ..
الحمدالله ع كل حال ماتضيق الا تفرج الله يفرح قليبها وقلوب الجميع من الفتيات المسلمات اللهم امينالحمدالله ع كل حال ماتضيق الا تفرج الله يفرح قليبها وقلوب الجميع من الفتيات المسلمات اللهم امين
امين يا رب و عقبال كل البنات ،
الله يوفقها ويسعدها .. ربنا كبير وقادر على كل شيء سبحانه ما أعظمه :) وربي قال في حديثه القدسي.. ( أنا عند حسن ظن عبدي بي, فليظن بي ما شاء ... سبحانه الرزاق ..الله يوفقها ويسعدها .. ربنا كبير وقادر على كل شيء سبحانه ما أعظمه :) وربي قال في حديثه...
صادقة يا قلبي اختي دائما تقول انا واثقة انه ربي راح يعطيني اكثر من اللي اتمناه ،، امي كانت تقول لنا بدون ما اختي تدري اخاف كبرت يمكن يجيها مطلق او متزوج ،، بس سبحان الله هي كانت واثقة في ربنا و رزقها و احد اصغر منها و متعلم و رزقه واسع ،، سبحانه الرزاق
الصفحة الأخيرة
ماتضيق الا تفرج
الله يفرح قليبها وقلوب الجميع من الفتيات المسلمات اللهم امين