الحمدلله باقي لي ترم وأتخرج ,, قصه دراستي

السلام عليكم ورحمه الله وبركاته ... أخواتي اكتب لكم من باب الفضفضه والتعبير عن الانجاز اللي سويت والتحدي اللي قدرت عليه بعد فضل الله ثم وجود أمي ومساعده زوجي .. الحمدلله تزوجت بعد الثانوي وجلست سنه في البيت حملت فيها بولدي ولما درست السنه اللي بعدها داومت عمر ولدي شهر ماخلصت النفاس وقتها والحمدلله مرت اول سنه من الجامعه وفي السنه الثانيه أراد ربي احمل في بنتي لاني بصراحه جهل مني مااستخدمت موانع وحملت ولدي عشره شهور فقط وتعبت في حملي جدا جدا الرحم مفتوح من الشهر السابع واللي زاد تعبي ولدي مايمشي تعبني الدرج كل يوم اطلع وانزل مع اغراضه واغراضي طبعا الترم الثاني جاني نزيف واضطريت أأعتتذر عن الترم وبكذا خلصت السنه الثانيه من الجامعه معي طفلين ومادرست الا 3 اترام بس .. في سنه ثالث ركبت لولب والحمدلله على كل حال أمي تعبت جاها ضغط وسكر وقتها فجأه وبالاساس كنت اسهر عيالي للفجر وانومهم عند أمي عشان مايتعبونها وكنت أرجع الظهر شبعانين نوم واضطر اجلس معهم وكنت أكمل يومين مانمت ويجيني أرهاق وتعب واكيد النتيجه غيابي كثيررررر من عيالي لانهم طفلين بينهم اقل من سنه فرق تعبت منهم حايب وبامبرز وسهر والحمدلله عدت السنه الثالثه وفي سنه رابع الحمدلله انتظم نومي عيالي وزوجي كان يخليهم نايمين عنده بالذات اني اسهرهم وانومهم قبل مايجي السواق بربع ساعه عشان اضمن ارجع وهم نايمين والحمدلله اضطريت ادرس ترم صيفي بحكم اني اعتذرت عن ترم وماكنت اضغط نفس بالمواد عشان يطلع عندي ايام تفرغ عشان عيالي والترم الصيفي مالقيت سواق كان زوجي الله يحفظه اخذ اجازه شهر واسبوعين يوديني الجامعه ويرجعني وكنت أخلي عيالي نايمين في البيت الوقت اللي يوديني ويرجع عندهم وكنت على أعصابي الى مايرجع البيت مع العلم المشوار عشر دقايق بس بعد الترم الصيفي باقي لي مادتين اضطريت اضيفها هذا الترم وبكذا كملت خمس سنوات كفاح في دراستي .. الحمدلله على كل حال .. طبعا ماانسى فضل ربي ثم فضل أمي كانت تمسك عيالي واذا رجعت مسويه لي غداء وايام الاختبارت تاخذ ولدي عندها لاني ماقدر اذاكر بطفلين .. وزوجي الحمدلله مايضغط علي في شغل البيت شايف تعبي في الدوام وواجبات وبحوث واختبارت كان يراعيني جدا لان الغداء من امي والعشاء نفطر اي شي خفيف او من برى وكل اجازه يسفرني مكافاه لنجاحي .. بس كان دايم يقول اتغاضى عن كل شي الا عيالي تهتمين فيهم وماينقصهم شي والحمدلله ماقصرت .. ذحين ولدي عمره 5 سنوات والبنت 3 سنوات ... والحمدلله شهر 2 اتخرج وناويه أشتري طقم الماس او ذهب لأمي مع ان لو اعطيها عممري قليل فيها جنتي عساني ماانححرم منها ...وبالاخير صحيح تخصصي غير مرغوب ابدا في الوظايف وغير تربوي بس عندي امل في ربي كبيرر يعوضني على تعبي ويخلف لي الوظيفه اللي تريحني لأني درست وكافحت عشان الوظيفه لاني محتاجتها ظروف اهلي جدا صعبه وظروف زوجي الماديه صعبه كمان وان شاء الله ربي يعوضني واعوض اهلي وعيالي لان ولدي طفش يقول كل يوم ياماما تروحين الجامعه ماتخلصين هههههه وبنتي تفرح اني اداوم عشان اجيب لها حلاوه :a_smil08::a_smil08: .. الله يحفظهم لي .. كتبت من باب الفضفضه واقول اهم شي الدراسه ثم الدراسه ثم الدراسه سلاح في هذا الزمن ,, صحيح صعبه مع الزواج والاطفال بس صدقيني اذا عندك هدف وطموح اكيد تقدرين تتفوقين الحمدلله معدلي عالي واخر شي ادعوووووولي يتسهل اخر ترمم واتوظف ان شاء الله وكل من قال امين الله يرزقكم الجنه اجمعين ويعطيكم من خير الدنيا ماهو خير لكم ,,.. لاتنسون سوره الكهف اليوم الجمعه ,, استودعتكم الله