الحمدلله ولدت بالسلامه و صرت ام أحمد, تعالوا احكيلكم.

سلام بنات, حبيت ابشركم, الحمدلله ولدت بالسلامه يوم الاربعاء الماضي و جبت احمد, ولادتي كانت قيصريه, و طبعا كلكم عارفين ان حملي كان صعب و مهدد عشان جاني ضغط جنين مبكر و في اخر شهور سكر الحمل و كان عندي شريانين في الحبل السري بدال ثلاثه و كنت مرعوبه, بس الحمد لله ربنا جبر خاطر و ما كسرني في ولدي.
المهم رحنا المستشفى الساعه عشره و طبعا زوجي ما قدر يحضر لانه في ابوظبي و انا في امريكا مع اهلي و ولادتي كانت مفاجأه, يوم الثلاث الدكتور قال بكره عمليه عشان الضغط خطير و كل مره يطلع, المهم انا كنت جاهزه من اول و مسويه كل شئ, و اهلي مجهزين البيت, رحنا المستشفى و الساعه واحده دخلوني غرفة العمليات, دخلت معي اختي الصغيره الله يجزاها كل خير. حسيت بخوف من منظر الاجهزه, بس كنت مسلمه امري لله, جاء طبيب التخدير و شرح لي كل شئ و اعطاني ابره العمود الفقري الجديده, و هده من جد رهيبه و كل صديقاني اللي جربوا ابرة الظهر قالوا ان هده احسن و مافيها مشاكل ولا الم, المهم, بعدها بدأوا شغلهم و كلها عشر دقايق و اسمع صوت حبيبي قرة عيني, تصدقوا انا كنت مره دايخه و فيني نوم, بس طالعت فيه و سألت اختي لو انه زين و كويس قالت اي و بعدها نمت لا تضحكوا. اختي الخبله اتاريها جايبه الكاميرا, و قامت تصور البيبي قبل ما يقطعوا الحبل السري و راحت مع دكتوره الاطفال و تصور حمودي و هم ينظفونه و يوزنونه و يلبسونه. بعدها اعطوني ابني, تصدقوا ما كان عندي اي احساس وقتها, بس حضنته و سكرت عيوني لان فيني نوم, ما ادري ليه, المهم, بعدها رحت غرفة الافاقه و جات امي و شفتها و سلمت عليها, يا قلبي دموعها مطر و كانت ترتجف من الفرح و الخوف لدرجه انها ما قدرت تمسك حمودي بعدها رحت الغرفه و خلاص, توته توته خلصت الحدوته. حبيت اشكر كل البنات اللي دعوا لي و انا دعيت لكم كلكم ربي يسهل اموركم. يلا ادعوالي ربي يحفظي لي حمودي و يقر بيه عيني.