الحمدلله ولدت يوسف ♥♡ / اكتفى من الردود

23/4/2018 الاثنين


الحمدلله انتهت رحلة وهن ع وهن


وولدت يوسف بعملية قيصرية بعد 8 ايام من دخولي المستشفى لأن السكر مارضي ينضبط
كان عمليتي السأعة ال 10 صباحا
ومدة العملية 20 دقيقة


طلعت من العملية تعبانة وموجوعة بس فدا عيون يوسف


ابني قيس كان بستنا ع باب العملية بشوف أخوة بس للأسف أخوة دخل الخداج


المهم فيس كان مسك أيدي بس طلعت من العملية وكان بعيط ويحكيلي خلص يا ماما ارتاحي لاتعيطي انا كنت اعيط من العملية بتوجع كثير
خلص يا ماما يوسف بكفي مابدنا محمد




كان حاط ببالو أحمل بعد يوسف وأجيب كمان ولد ونسمية محمد بس لما شافني خالصة بطل اقتنع بيوسف الحمدلله




المهم فكو القسطرة بعد ساعة ومشيت الحمدلله بعد 3 ساعات وبليل نزلت ع الخداج شفت يوسف صغير 3 كيلو و أحمر


بس مشاء الله بجنن شفتو من ورا الحاجز


ورجعت ع سريري
ونزلت كمان مرة ع الساعة 2 نص ليل وترجيت الممرضة احملو واصورو وصرت اعيط
وحزنت علي ووافقت كانو حاطين مغذي بأيدي وايدو زرقا


صرت اعيط كأني اول مرة اولد كان بعيط وهو بالحضانة


ثاني يوم من الصبح الساعة 7 ونص قعدت ع باب الخداج استنا دكتورو مشان يطلعو
وشفتو وترجيتو والحمدلله وافق عملو خروج يوم الأربعاء الصبح ونزلت ع الخداج لبستو ملابسو كان كبار كلهم بس الحمد لله هو بخير


وطلعت انا ويوسف يوم الأربعاء ب 25/4/2018




الحمدلله يوسف بالف خير بس عندو أصفار ادعولو






دعوة خاصة من القلب


ل كل الي دعولي
ل كل الي ساعدوني




الله يعطيكم ل حتى يرضيكم
الله يجبر خواطركم


يارب الي نفسها تحمل
تحمل من غير تعب وعلاج
والي نفسها بولد يرزقها ولد
والي نفسها ببنت يرزقها بنت
والمهمومة ربي يفرج همها


يارب يجبركم ولا يكسركم




يارب يارب يارب


ماخاب من قال يارب




شو رأيكم أعيد التجربة وأحمل


ههههههههههههههههههههههه هههههههههههه




بمزح معكم مع هاد الحمل صابني شلل رباعي
والسكر نشف دمي وانام ع خوف واصحى مهمومة
بس الحمد لله النا رب اسمو الكريم جبار الخواطر


بستنا اخلص 40 يوم واحد لولب




طولت عليكم مسسسيكم بالخير