مساء الخير
همي كبير وضيقتي لو توزع على من في الأرض لكفتهم وزادت
احس حتى بمجرد التفكير باللي صار يخنقني
وعندي امل تصير معجزه ويصير شيء
كان عندي موعد أشعه في مستشفى الولاده والأطفال
يادوب دخلت المستشفى
قعدت في انتظار النساء وعطتني موعد
ماصار على هالكلام حتى عشر دقايق حتى ماكان في زحمه
وأفقد جوالي وادوره كأن الأرض انشقت وابلعته
ماني حزينه على الجوال الله لايرده
حزينه ومهمومه على اللي بداخله
يدورون معي اللي بالامن والممرضات
لاحياة لمن تنادي
حتى عاملات النظافه ماكان ذاك اليوم موجود غير وحده ومسكينه تحلف انه مو معها
والله ان بقلبي غصه مايعلمها إلا فاطر السماء والأرض
شوي اقول استودعته الله مايصير شيء
وشوي أقول إن شاء الله خذته بنت حلال
يالله بانفجر
صوري فيه وصور خواتي وامي واهلي وزوجي وكل شي يخصني فيه
وذكرياتي وأرقامي
الرقم باأقدر اطلع بدل فاقد من الاتصالات
بس الجوال واللي فيه كيف ارجعه
تكفون ادعوا انه يرجع لي
كنت خايفه من ردة فعل زوجي لمن درى قال فداك الف جوال بس قعد شوي قال صورك وصور خواتك
انا انطميت وقعدت ابكي قلت مافيه صور مسحتها بس انا ابي جوالي فيه ذكرياتي
وللحين مايدري عن شيء
والله اني تعبانه نفسيا ومع الحمل قفلت النفسيه بالمره
الله يكفيني فيها اللي أخذته
ويجعله يكون لها سبب يحرمها دخول الجنه
يارب رحمتك ذبحتني الوساوس
قمت احط الحاجه بمكان وانسى مكانها
وش اسوي مافي حل الاقيه
تتوقعون يرد لي
والمصيبه ادق مقفل مقفل
ذبحني التفكير كاني قاعده انتظر شيء بيصير
وكلت امري لله
حسبي الله ونعم الوكيل
حسبي الله ونعم الوكيل
اللهم أكفني مااهمني
ري ــــــــــوف @ry_of_1
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
اللهم آجرني بمصيبتي وأخلف لي خيرا منها
قوليها بقلب صادق
ترى مفعولها سحري إذا أخلصتي بقولها