الحمل في سن الأربعين

السلام عليكم
رجعت الى المنتدى الرائع بعد انقطاع سنوات طويله كنت وقتها بسن العشرين واشارككم اشياء عفويه جد ايام جميله😄💖اللي صارت اعمارهم ٤٠ ان شاء الله تكونو بخير اكيد في منكم صارو التيتا الكيوت 👵🏻

بعرض لكم موضوعي باختصار قبل ٨ سنوات انجبت بنتي بعمليه قيصريه وصارت بعد ماانجبتها احداث كثيره صارت كورونا- ووفاة الوالد ( رحمة الله عليه) بعد صراع مع المرض -نقلي من بيت لبيت -مرض زوجي -
ضيوف رايحين جايين احداث وحاجات كثير حسيت بعدها اني احتاج الى راحه وهدوء وعزله. لاتسألوني وين كنت والله اني ماحسيت بالسنوات ي بنات احس متحسفه وندمانه ع السنوات اللي راحو لا اني نزلت وزني ولانتبهت لصحتي ولا اني سافرت ولاني انشغلت بشي ينفعني اعوذ بالله حسيت السنوات ذيك زي الحلم ولا انتبهت الا يوم صار عمري ٣٩ سنه كلها راحت طلعات للمول والا متابعة مسلسلات وافلام او ع الجوال 🥲 ولاكنت اعرف انو الحمل بسن الاربعين شي يحتاج انتباه وعنايه الا بعد ماشفت موضوع بالصدفه يتكلمو عن خطر الحمل بهذي الفتره مما زاد عندي الندم لكن الحمد لله على كل حال هذا شي ربي كاتبه لي .. المهم ي جميلاتي مين جربت الحمل بهذا السن !؟ وهل هو شي طبيعي ام الاعلام والدول الأجنبية مهوله بالموضوع صدق خفت والله لان عندي ٣ بنات وزوجي ينتظر خلفة ولد كل شي بيد الله لكن احس انا حرمته 😔💔احس بغصه وذنب.اذا تعرفو قروب او تجمع لحوامل سن الاربعين ياليت تدلوني عليه