منذ القدم النساء يلدن في أي سن حتى ينقطع الطمث، لا تسمعي لكلام المعاصرين، المهم اهتمي بنفسك وجنينك، وربنا يف، ح قلبك، ولدت ابني الرابع بسن 42

شدني كلامك انك تركتي المنتدى سنوات طويله ورجعتي له😅حتى انا ما اصدق اني رجعت له،، نجي لموضوعك عادي احملي بسن الاربعين لازلتي شابه انا سامعه الدكتوره مها النمر تقول اوهموكم ان سن الاربعين تكثر به المخاطر تقول اول شي اهتمي بصحتك قبل الحمل وخذي فيتامينات زي حمض الفوليك وبرضو خذي فيتامينات لتحسين جودة البويضه وبعدها ادعي واحملي والله يرزقك الذكر السليم المعافى يارب🤲🏻

قريت لك موضوع وقديم بس نفسي اسآلك وش صار وش سويتي كنتي تعانين من نفس الكوره لاحظتيها بعد الولاده وش صار عليك اختفت

ولا فيه اي شي، الاربعين عز الشباب احملي وفكري بحمل بعده كمان 😂 بس اهتمي بصحتك واكلك وفيتاميناتك، وهذي النصيحة تقدم للكل لان الجميع لازم يهتمو بصحتهم حتى لو اطفال، وعشان تتجنبي مضاعفات بعد الولادة شوفيني انا اهملت نفسي وولدت قبل شهر وعمري لسه ع مشارف الثلاثين وتعالي دحين شوفي عظامي كيف توجعني، العمر مو مقياس للصحة الاهتمام هو المهم

اقول لك شي ، انت متشاءمة ومو واثقة من حالك .
افضل شي الحين انت ، انسانه واعبة وفاهمه لانك من جيل فاهم وناضج
ومدري من ماسح من مخ الحريم حال امهاتنا قبل وجداتنا يحملون الى ماتقطع عنهم الدوره ..
.
اقول لك انبسطي وفرحي زوجك بولدين حلوين مو ولد واحد .
روحي لعيادات الانجاب وسوس انابيب واطلبي تحديد جنس ويارب يجيك ولدين ولو صار واحد كرري مرة ثانية وثالثة ورابعه .. جيبي لك اولاد يسعدون قلبك وتأكدي ان اوك صغيرة ودام الدوره تجيك وش مشكلتك ؟؟!
بفهم اللي تجيها الدوره ليش تستصعب او تستكثر الحمل ؟
فيه بنات بالعشرين ولله انهم داجات وجسمهم ضعيف لا هم خرج حمل ولا هم خرج تربية . وانت ياشيخه الودود الولود فبلاش تشاءم .. يلله من تجيك الدوره ثاني يوم خلك بعيادة الانجاب وقولي للدكتور وش تبين .. ومن الحين خذي فوليك اسد وخذ فيتامينات برقناكير يصرفونها دايم قبل الحمل .. وبالله عليك صيري بشرينا وطمنينا
.
ثلاثة من صديقاتي حملن فوق ٤٢ الحين وماشاءالله كلهم جابوا اولاد يهبلون وكلهم طفل انابيب . وحدة ضبط معها من اول مرة ووحدة ضبط من ثالث مرة ووحدة جابت توم ماشاءالله ..
وتعالي شوفي الدلع هههههه . ايام ودي اضرب عيالهم . يقولون لي هذا ولد الكبرة . يجيبونه عشان يوم يكبرون يصير حولهم يملا عليهم البيت …
.
طولت عليك المهم بشرينا قريب وبلغينا نزورك بولدك ..
يارب احلى ولد .
وانصحك حمل من انابيب بلاش نومه عادية لانه بيجيك بنت