الحنـه والنفاس مايـتـوافـقون!! صـج هالحجي واللي يعافيكم ردوا علي؟؟؟

:time:

شخسرانه اذا صبرتي ورا النفاس مو عشان ريحة الحنه
بس الخطر ان الحنه تبرد الراس واذا غسلتيها بتطولين بالغسيل واخطر شي غسل الراس بالنفاس وخصوصا اذا طولتي فيه .. وبرد الحنه وغسل الشعر بيدخل هوا فيج وبيصيبج خوا بالراس وبتجيج دوخه وطنين بالاذن وبيدشج هوا ويمكن تنسد شهيتج وبتعانين .. وكل هذا ليش ؟؟ عشان شعرج ؟؟
اصبري ورا النفاس ان الله مع الصابرين والحنه ماراح تطير
حياج :26:

اختى لاتنسوا اسرانا الله يعافيك ابغى اسالك اكل السلطه بكثره فيى النفاس يضر لانى احبها ومع كذا ودى انحف ودى اعرف كميه الطماطم اللى احطها بالسلطه لانها يقولون هى اللى تخرب ؟؟والخس هل له اضرار لانى احبه مره؟

انا بالنفاس الاول كنت مااستغنى عن المعرقه((دجاج مع مرقه)) احيانا اتغداها واتعشاها وش قولتك؟؟

ردى على بسرعه لانى على وشك ولاده

ورقه ذابله

شكرا على الثقه اختي
بالنسبه لي ان شاء الله بنفاسي باكل سلطه بالغدا والعشا بدون خيار ولابصل اخضرولا ليمون وبس بحط شوية طماط يعني نص طماطه صغيره وماتكون حامضه ... والخس مايضر لان فيه الياف تلين الامعاء .. يعني حطي جزر وشوية طماط وخس وملفوف شوية عشان مايسبب غازات وبقدونس بس لاتكثرين لاني سمعت انه ينشف الحليب ونعناع اخضر وزيت زيتون.. واذا بتنحفين اخذي منقوعة العنزروت بتلاقين طريقتها في موضوع ( نظام فيافي بعد التعديل ) لانها تنظف البطن وتضعف لان المره معروفه تشيل البطن

اما المرق بالعكس مفيد واكليه مع خبز بر او خبز اسمر .. بس لاتكثرين الطماط ولاتحطين ليمون او صلصة طماط او ليمون اسود وكثري الفلفل الاسود.. اما الخضره لاتحطين كوسه ولا باميه ولاملوخيه ولاقرع ... حطي ماش وبطاط وجزر وباذنجان ولوبيا وبزاليا وسبانخ وعدس ومرق الشبزي مفيد لان كله خضره وفيه ورق حلبه ومرق بطاط ونخي يابس مجروش ومرق فاصوليا حمرا بس مو معلبات .. يعني خلي الخضره كلها طازجه .. واذا تبين اشتري الخضره من الحين ونظفيها وقطعيها واسلقيها سلقه وحده مع شوية ملح وخليها بمصفاة لين يروح الماي وحطيها بأكياس وفرغي الهوا منها على قد ماتقدرين .. اهم شي قسميها على قد المقدار اللي تبينه .. بس طبعا مو تخلطين كل هالاتواع انتي اختاري النوع اللي تبينه ... ونوعي بين مرق لحم ومرق دجاج مع اني افضل اللحم للغدا والدجاج للعشا عشان ماتملين ولاتنسين السمك والربيان

وان شاء الله تولدين بالسلامه :26:

اختى معليش ضايقتك بكثره اسالتى ؟

انا قالتلى اكثر من شغاله اندنوسيه اذا تبغين تصيرين ضيقه مره

اشربى زنجبيل مدقوق ومنقوع فيى مويه مع ملعقه عسل وشوى ليمون باليوم ثلاث مرات؟؟تقول كويس مره
وغبر كذا تاخذين الزنجبيل وتدقينه وتلفينه في شاش ولا قماش خفيف بعدين تحطينها على الفوطه كل يوم تقول يحرق شوى بس مره ممتاز انا بصراحه مفكره اسويها بس اقول حرام ولا وش رايك؟؟