شوفي يا اختي تأكدي انك مو اول وحده يتزوجها بعد زوجته
فيه كثير يتاخرون في الانجاب ويتزوجون بنات الناس يجربون ويطلقون
- تاكدي ان العيب مو منه
- تاكدي انه ما تزوج قبلك الا زوجته
عشان ما تكونين نزوة بالنسبة له

1 استخري الله بدل المره كذا مره والله يكتب لكي الي فيه الخير يارب
2 لا تربطي سعادتك بسبب معين زوجه ثانيه أو عيال أو شاب أو مطلق أو متزوج ومعدد ثقي تمام انه السعادة رزق من الله وهي مرتبطه ب الرضا والقناعة فقط
3 معليش حتى لو عمرك الآن صغير بس العمر يجري والمرأةمو زي الرجال هو حتى لو صار عمره 50 ممكن يجدد حياته لاكن الحرمه لها سن معين وخلاص تروح عليها وخصوصاً في مجتمعا
4 لا تبحثي كثير عن سبب زواجه ولا تربطي انه في عيب أو مشكله في رجال تبغى تزوج حتى لو مافي سبب أهم شي تأكدي انه سليم في موضوع الإنجاب
وأهم شي أدعي وستخيري زي ما قلت لكي كذا مره وخصوصاً بعد النظره الشرعيه وحاولي
والله يسخر لكي مافيه الخير يارب واذا كان فيه خير وسعاده يجعله من نصيبك يارب

الله يكتب لك الخير
استخيري ثم استخيري
وخذي وقتك بالتفكير
واطلبي تقارير تثبت انه ماعنده مشكله
عمره مقبول
لكن مشكلة الانجاب ينخاف منها
لازم تتأكديييين
هذا مستقبل مو لعبه
الله يعينك
كمان مو شرط كل المطلقين فيهم بلا
يمكن الله ماكتب بينهم نصيب
يمكن ماتقبلوا بعض
اعرف لك وحده تزوجت واحد مطلق مرتين
وهووو رجااال ومبسوطه معه ماشاء الله
ومايرضى لها الشينه
حرمته الاولى عاشت معه سنين
وخلفت له عيال وبنات
لكن ماتقبلت فكرة انه يتزوج عليها
وطلبت الطلاق
ورفعت دعاوي في المحاكم عشان تتطلق
وهو شاريها مايبغى يطلقها
ولا يشتت عياله
لكن هي خلاص ماقدرت تتقبل الفكره
وتطلقت من المحكمه
والثانيه سبحان الله كانت مطلقه وعندها طفلين
لكن مشكلة طلاقها الاولى سببت لها عقده من الرجال
ولقيت نفسها مو قادره تتقبل رجل بحياتها
وطلبت الطلاق
ولا عاااد تزوجت
رافضه المبدأ نهائيا
واخذ الثالثه بنت
بس كان واضح لهم وقال لهم كل شي بالتفصيل
وعطاهم وقت يسألون عنه
وهوو فعلا انسان متعلم ومثقف واهم شي عنده سمعته قدام الناس مايرضى بالغلط

انتي مرة متشوفة بالله تردين واحد عشانه يدخن !!!! كثر التشوف بيخليك توقعين على راسك الله يكتبلك الخير احنا بشر ياابنتي مافي احد كامل

انا انصحك تتزوجينه انا ولد خالتي متزوج من6 سنين وزوجته ما حملت الله يرزقها ويرزق كل محروم يارب بس هي فيها شويت لعانه ومرات تمر شهور ما تروح جمعت أهله الي هي في بيت خوالي بعدين تسنعت وهي مرات ما تكلم اخت زوجها الي هي بنت خالتي ولا تسلم عليها وتتزعل وتسوي روحها كأنها مغصوبه وهو متحملها قلناله بنزوجك وافق واحنا قاعدين ندورله بنت الحلال عشان نبي نشوف عياله وحتى لو انها مطلقه اهم شي ما عندها عيال وتقدر تحمل وللعلم كلهم سليمين لكن ما الله كتب تحمل والرجال كبر ويبي يشوف عياله لو انا مكانك أوافق اذا الرجال ما يعيبه شي ❣