الخطبووووووووووووووط

انا ودي اصير مثل الاخطبوط لي عشر أيادي ..

يد امسك فيها كاسة الشاهي

ويد امسك فيها فنجال القهوه

ويد امسك فيها تمره

ويد امسك فيها الريموت ..

ويد امسك فيها الجوال ..

ويد امسك فيها قلم اخضر علشان اكتب الرقم اللي يبي يعطيني اياه

اللي معي على الخط <<< بس على فكره تراي انا اللي متصل عليه

ويد أحك فيها رقبتي

>>>> هالحين كم يد قلنا عدوا معاي ..

ويد اقلب فيها صفحات الجرائد ..

ويد احطها على خدي اذا ضاق صدري

ويد اطقطق فيها اصابع رجلي

بصراحه والله مالقاها الا الاخطبوط

هذا لو يلعب كورة يد والا كورة طائره كان يفوز بالراحه

ويهبل بالفريق الثاني

لكن المشكله علامة الكبتنيه في اي يد يحطها

وعنده مشكله بعد في اي يد يلبس الساعه

وبعدين لو كنت مثل الاخطبوط وشلون ابعرف يدي اليمين علشان آكل فيها

واذا كنت قاعد مع صديقي وجبت فكره صح وقال والله انك رهيب ثم قال

لي كفك ياشيخ بالله اي كف اعطيه

هذا غير اني اذا بغيت اتوضا لصلاة المغرب هل اغسل كل اليدين العشره

والا اغسل ثنتين بس والمشكله الثانيه اذا ماكان فيه ماء وبغيت اتيمم

وبعدين عندي مشكله اذا بغيت البس الفنيله لأن الفنيله مالها الا يدين

بصراحه ان الاخطبوط متوهق اشوى اني مو مثله

لكن ترى عنده مزايا ثانيه ماقلناها

عندكم مثلا الاخطبوط يقدر يخم الاخطبوطه و يصطرها من راسها الى ساسها

بس يبي يتوهق اذا بغى يشتري لها خاتم

يقولون ان فيه أطقم ذهب خاصة للاخطبوطات فيها تعليقه وحده وفيها

عشر خواتم وعشر اساور

والاخطبوط يقدر يقعد ياكل شاورما في يد وبالثانيه يمسك السفن

ويمسك باليد الثالثه الشطه وبالرابعه يمسك المنديل علشان يمسح

خشته من الكتشب وباليد الرابعه ياكل حمص وباليد الخامسه يسلم

على صديقه اللي شافه صدفه بالمطعم وباليد السادسه يحاسب

وباليد السابعه ينقش سنونه ويغسل اليد الثامنه اللي مااستعملها

اما اليد التاسعه واليد العاشره فهو شايلهم لعوزه

والمثل عند قبيلة الاخطبوط يقول احفظ اليد البيضاء لليوم الأسود

معليش ياجماعه على الهستره .. السموحه ..
( م ن ق و ل)