الخنفروش

أختي انا بعطيج الطريقه

طحين رقم 2
هيل
زعفران
ماء ورد
خميره
وماي

تخلطينهم مع بعض وتخلينهم كم ساعه بعدين تسوينهم

وبس

مشكوره اختي العزيزه ..ولكن في طريقه ثانيه فيها سميد تطلع لذيذه
اتمنى الي عندها الطريقه تتفضل مشكوره وتذكرها لي
<<<< حامل وخاطرها فيه

غزيزتى 2كوب طحين الحمص ( النخى ) مع 2بيض مع فلفل حار واحد اواكثرمع بصل اخضرمع1 كوسة مبروشة مع بقدونس وشبت قليل و ملحوفلفل اسود وكمون شوى يخلط ويقلى بالزيت ( هذا الصنف مالح) وارجوا ان افيدك :27:

:cook: طريقة : الخنفروش .

ملاحظة:
(المعيار بفنجان القهوه)

1- 2 فناجين طحين رقم( 2)+ 3 فناجين سميد....( وممكن كله يكون بالسميد لكن الخلطه بتكون غليظة)

2- 10 بيضات .( كل فنجان طحين له بيضتين)

3 - زعفران + هيل + نصف فنجان ماء ورد + نصف ملعقة خميره فوريه ( لان

بالاول كانوا جداتنا يبيتون العجينه لثاني يوم فلذلك تخمر بدون خميره)


4- 5 فناجين سكر ( واذا حابه تزين مومشكله حسب الذوق او حلاوة الخلطه)

5- اخلطي المقادير مع بعضها ما عدا الطحين , بعد ما تنخلط ضعي الطحين بالتريج وعجني .

6- اذا بتسوينها مثل اللقيمات فبتكون في زيت غزير اما اذا بتسوينها مثل الدائره o وتقطينها الى
اربا ع (مثل ما نقطع البيتزا) فهذي تجيبين مقلاه تيفال وتضعين فيها ملعقة طعام سمنة اصيل او كيو بي بي الاخضر وبس تسخن السمنه بالمغرفه اضع مغرفه وحده من الخليط وسويه مثل الخبزثم اقلبه على الوجه الثاني ثم اقطعه الى ارباع يعني 4مثلثات وامسكه بالملقط لاحمر الجوانب .


و ان شاء الله تكون هذي هي الطريقة اللى تبينها .

صحتين وعافيه مقدما.

:3_13_12:

المقادير :
كاس جبن كبير طحين عادي
كاس جبن كبير طحين عيش
كاس جبن كبير سكر
4 بيضات
ماء ورد تقريبا فنجان منقوع فيه زعفران
2ملعقه اكل كبيره هيل مطحون
ملعقه اكل كبيره بيكنج بودر
الطريقه :
اخلطي البيض جتيدا بالخلاط ثم اضيفي السكر واخلطي حتى يذوب السكر
ثم اضيفي المقايدي ر الباقيه كلها لكن اخلطيهم بالملعقه مو بالخلاط انزين
الحين حطي زيت بالمقلاه تقريبا سانتي ونص وصبي الخليط بالملعقه ووشيه بالزيت عشان ينضج من الداخل وبعدين قلبه على الويه الثاني وشيليه من الزيت للورق النشاف نسيت اقولج النار ا تكون حاميه بالبدايه بعدين قصري عليها عشان تضبط معاج
تر ذي الطريقه القديمه والمضبوطه وانا معتمدتها
وبالعاااااااااااااااااافيه