BINTalnoor @bintalnoor

محررة فضية

الخوف من الولاده ساعدوني

حبايبي انا الحين بس اليوم دخلت بالثامن حايشني هم وحزن وخوف ودي بحد يسولف معي ويخفف عني مادري مع اني بالعاده قويه وما اتكل الا على الله سبحانه وتعالى بس الوساوس بتاكل مخي كل لحظه افكر بالولاده مع اني فرحانه بالطفل والحمدلله ما عندي اي مشاكل بالحمل وبعد بشروني انه ولد ونا اساسا مب مهم عندي نوعه المهم يجي سليم معافى يارب ولادتي يتوقعونها باخر شهر عشرة يعني النصف الثاني من رمضان اذا الله كتب ياربي حاسه اني باختنق من ضيقة الصدر الوحده تفرح انها خلاص بتفتك ونا متكدرة خايفه طيب باسألكم شلون تقضون الايام الاخيره ما قبل الولادة عشان ما تفكرون بالولاده مع انه الوحده تكون مب قادرة تشيل حيلها من الدبه اللي فيها هل في احد مر بحالتي من ضيقة الصدر هذي؟؟؟؟؟؟؟؟؟؟؟:06::06::06::44:

يلزم عليك تسجيل الدخول أولًا لكتابة تعليق.

تسجيل دخول

BINTalnoor • 20 سنة

افا والله بس ما هجيتها منكم يا بنات احلى منتدى في قلبي هذا وانا متكله على الله ثمن عليكم......

عاشقة التصميم • 20 سنة

الله يسهل عليك يارب :26:

الأريج • 20 سنة

أترك هالشيء للمجربات....
وما أقول غير الله يسهل عليك الولادة وتقومين بالسلامة يارب..
تحيتي لك..:26: :26: :26::26: :26: :26:

متغليه 55 • 20 سنة

اختي بنت النور المفروض انك تكونين مبسوطه لانك قربتي تولدين يعني فتره وتشوفين ولدك بين يديك انشاء الله لا تخلين للشيطان مدخل يكدر عليك في هذي الفتره اقري القران على نفسك واستبشري خير وخليي زوجك يطلعك كل يوم لاي مكان يريحك وانسي اي شي يكدر صفوك حبيبتي والله يعينك :23::27:

راس المعزّة • 20 سنة

عزيزتي انتي توك في الثامن وشاله هم الولاده ..انتي لو مثلي باقي أيام لتولدين مثلي شو بتسوين؟؟؟؟؟؟؟؟ الحين انا ما أفكر في ألم الولاده كثر ما أفكر أني أربي وأفتك لأني تعبت ويوم من التاسع عن شهر لأن الوحده منا تحسه طويل وما له آخر......
اذا ما تبين تفكرين وايد شغلي نفسج بتجهيزات البيبي وتجهيزاتج حق المستشفى شوي شوي .وما بتحسين الا والأيام مرت وولدتي وولدج على أيدج...................الله يسهل على الجميع ان شاء الله...