كيفكم ياحوائيات .... واحلى حوائيات كمان
فيه موضوع مهم الكل يشتكي منه .. وأكيد عرفتوا أيش هووا من العنوان
واسمحوا لي يمكن كلامي مايعجب البعض منكم لكن راح اتكلم
كلام واقعي ومنطقي ...
طبعاً للأسف إن كل النساء الآن ماخذين فكره إن الرجل هو الرُبان الحقيقي لسفينة العائلة
ما أقلل من قيمة الرجل لكن أحب اوضح لك نقطة مهمه غاليتي
الرجل هو القائد في بيتك لانه هو اللي موفر لكم كل سبل المعيشة
وهو اللي يأمر وينهى بالأشياء اللي يشوفها مناسبة لبيته
هو السند وهو عمود كل بيت
حلوو؟؟
طيب وانتِ ؟؟
أيش وظيفتك؟؟ نسيتي انك القائد الأول لبيتك.؟
زي ماانتِ اللي تختارين أثاث بيتك .. وزي ماانتِ السؤوله عن ترتيبه وتنظيفه
انتِ مسؤووله انك تحمينه من كل شيء ممكن يهدمه
الرجل مهما كان ماراح يحافظ على حياتكم اذا انتِ ضيعتيها
تجين تقولين لي كيف هالكلام اقول لك تعالي ناقشيني
أول شيء وأهم شيء .. عماد كل بي .. قولي لي عن الجانب الديني.؟
هل تحافظين عليه وتحصنينة من الشياطين؟
قولي لي عن التلفيزيون؟ مرتع المصائب والبلاوي
عندك قنوات؟ راجعي نفسك وقولي لي كم قناة وعن أيش تحكي.؟
كيف وضعك مع الأغاني والمسلسلات.؟
اذا جلستي انتِ وزوجك كم مسلسل وفلم تشوفينه؟
بالله مايعورك قلبك اذا جات الصورة على وحده حلووه؟ والا وحده جسمها يفتح النفس؟
حتى لو انتِ بيرفكت .. ماعندك غيرة.؟
كيف ترضين وجود مثل هالقنوات الهابطة في جنة الدنيا ( بيتك) .؟
نسيتي إن أي مكان فيه صوّر لاتدخله الملائكه فما بالك تلفيزيون؟
طيب اذا مادخلت الملائكه بيتك مين اللي حيدخله.؟
الشياطين.؟
يآإلهي بيتك منزل الشياطين وتلومين زوجك انه يخونك ؟ <- لاتنسين كلامي فوق.؟
اذا انتِ رضتي بوجود مثل هالقنوات في بيتك زوجك ماراح يرفضها ( الا من رحم ربي)
واذا انتِ رفضتيها .. صدقيني ماراح يهتم لوجودها
وبعد هالنقطة قولي لي .. ايش وضعك القيادي فيها.؟
طيب تعالي قولي لي كيف صلواتك تمام.؟
تدعين ربي يسخر لك زوجك كل يووم.؟ والا مشغوله بأشياء ثانية؟
الدعاء عبادة ترى .. منها تعبدين ربك ومنها تظمنين زوجك ان ربي حافظة لك
افلقوني اذ اغلبكم يدعون هالدعوة كل يوم
يعني من الآخر ياقلبي نظفي بيتك من الرجس واستبدلي الشياطين بالملائكة
لاتشيلين التلفيزيون بس فيه قنوات تغنيكِ عن غيرها
ابعدي عن الاغاني تراه وربي محد يستاهل حتى انك تنجسين مسامعك بسببه
خلي حياتك انتِ وزوجك وعيالك بعيدة عن الاثام ...
خلي حياتك نظيفة عسا ربي يرضى عنك ويبدلك عنها باللي افضل
اهتمي في عباداتك وصلواتك نفس الشيء زوجك .. للاسف فيه حريم يصلون الفجر وازواجهم
ماقاموا يصلون
:icon33:
نجي للنقطة الثانيه
انتِ .؟
اكيد اكيد الغالب يهتموون في انفسهم
ماعاد فيه وحده تهمل نفسها مستحيل
اناقه وريحة حلووة ومكياج هادي يفتح النفس
لوك جديد كل يوم.؟
صح والا لا.؟
طيب هذا من الخارج .. طيب داخلياً أيش فيه.؟
خواء.؟
فاضية يعني.؟
قولي لي تعرفين لغة الحوار.؟
عندك من الثقافه اللي يكفيكِ انك تسعدي زوجك بنقاش يغنيه انه يتكلم مع احد غيرك؟
فاهمة في شيء غير البيت وشغل البيت .؟ شيء غير الميك اب والعطور.؟
والا بس هذا مجالك.؟
وقت ماانتِ قاعدة تفتحين اقسام الطبخ والمكياج رووحي اقري في مجالات ثانية
اذا رحتي تشترين كتاب طبخ روحي ستاند الكتب الثقافيه وشتري لك كم كتاب
ماتحبين القراءة.؟
لاتروحين تشترين كتاب صعب التعامل معاه .. اشتري كتاب ع قدك وحبة حبة راح تطورين ذاتك
وتزيدين ثقافتك بكتب أكثر فائدة
وكل ماجلستي مع زوجك ابهريه بمعلوماتك اللي اكتشفتيها
واستدرجيه انه يناقشك فيها .. اقلبيها ساحة حررب لو تبغين ( من غير مايقوم زعلان):mad:
المهم انك تشدين اهتمامه وتركيزه فكلامك
ورجاءن ( من غير جغير ) تعرفون وشو الجغير .؟ الصوت العالي
خليكِ كلك عذووبة ورقة خلي ثقافتك تمتزج بأنوثتك ولاتنسين اهم شيء الثقل والرزة
وتكون ثقل ورزة طبيعيه تناسبك مو تثقلين الين تخربين الدنيا
وكذا تكونين ضربتي الضربة الثانيه وحطيتي زوجك في جيبك
مو عاجبك كلامي .؟
طيب تعالي قولي لي .؟ الرجل إذا خان زوجته يروح يكلم بنات غيرها صح.؟
طيب أيش حيلاقي معاهم.؟ صدقيني اقل من اللي يلاقيه معاها
سواليف ودلع وغنج
كل واحد ينصب ع الثاني وبس سالفة تلحق سالفة ويستانسون بوقتهم
واذا جاء عندك مايلاقي الا الملل ولطفش .. واذا تكلمتي ماتخلين احد في حاله
والا اهلك سوو واختك سووت ومدري وشو
وتقولين ليش زوجي دايم برى والا ليش مايحب يسولف معي
ماينلام مع احترامي اذا انتِ بهالشكل
طيب قولي لي اذا صار منه تصرف وحز في نفسك تقولين له؟؟
اللي تقول لا .؟ ليش ماتقولين له ليش تعدمين التفاهم بينكم
الصغيرة والكبيرة فقلبك ناحيته لازم يعرفها
سواء حب او ضيق او جررح او اي شيء
لازم الحوار والتفاهم على حل لمشاكل يكون طريقك مع زوجك
حلوو والا مو حلووو؟؟
طيب النقطة الثالثة .. زوجك:arb:
مااقدر اقول لك الا انك تكونين بالنسبة له كل شيء
زوجة وصديقة .. ام واخت .. خليه يشوفك العالم كله
متى مااصار متضايق مايجي في باله الا انتِ
الشخص المناسب انه يتكلم معاه عشان يرتاح
ولاتنسين الاسلوب الصحيح في الاستماع .. وهو انك تديرين نص ظهرك جهته وهو يتكلم
وتصغين له في كل كلمة يقولها
مو نص كلامه تطالعين مره فيه ومره في الي حواليكِ
لو حسيتي انه همومة اكبر منك قولي له انا معاك لآخر لحظه .. ماراح تكون لوحدك وانا موجودة
لاتروحين تقولين والله مدري شقول لك الله يعينك .. والا لازم تدبر عمرك
افلقيني اذا رجع يتكلم معاكِ
حسسيه باهتمامك فيه في كل شيء فحياته
والله ثم والله انك تكونين له كل شيء
تجين تقولين انا ماقصرت في شيء معاه اجي اقول لك الا مقصرة
لازم تكونين دقيقة في تصرفاتك .. دوري على كل شيء خطأ في حياتك وصلحيه
الحياة صارت صعبة والمغريات كثيرة .. زي ماراح تحافظين ع عيالك منها
حافظي على زوجك منها
وبعد هالكلام راح تتأكدين إنك الربّان الحقيقي للسفينة
يا أما إنك تتحدين العواصف والرياح وتقودين سفينتك لبر الأمان
أو تتركينها تغرق ..
وللمرة الثانية راح اقول لك .. زوجك اذا حمى بيته راح يحميه من الحرامية والا الاشرار<- تفكير بزارين خخخخ
بس انتِ تحمينه من الدُخلاء غير المرغوب فيهم
لا شياطين ولا حريم غيرك
وآخيراً أحب اقول لكم اني كتبت هالكلام عشان تعبت الفترة اللي راحت من هالقسم
كل مافتحت موضوع الا يتكلم عن الخيانة
وللأسف ردات الفعل سلبيه جداً وراح اتكلم عنها في موضوع منفصل ان شاء الله
اذا زوجك خانك عدلي حياتك واذا لسا انتِ واياه ع بر الأمان انتبهي
واعذروني إذا قصرت في بعض كلامي وأفكاري بحكم اني لسا ماتزوجت ومالي خبرة كبيرة في
الحياة..بس صدقوووني كلامي واقعي ومنطقي والكل يعرفه .. بس مجرد تذكير
واعتذر كمان عن سووء التعبير بس ظروفي مو مخليتني ارووق عشان اعرف اتكلم
تمنياتي لكم بدوام التوفيق
اختكـــــــــــــــــم
ريم
ما خذت بالي انك انسة يا صرقوعة
كلامك راااائع وعين العقل وان كنت ارى ان الاعباء الزوجية زادت كثيرا على المراة وخاصة العاملة
اتمنى من الرجل المزيد من الرفق وخاصة من تساهم في البيت وهم كثيرات في الوطن العربي
والا جلست في بيتها وتفرغت للمهام الجسام والمسؤلية الكبيرة المنوطة بها