الدرس الثالث في وضع المكياج (3)

ياهلا بنات اعذروني على التاخير ........... نبدى بسم الله

اليوم بحط لكم طريقة المكياج الصباحي والمسائي وعدة طرق

الطريقة الاولى ...

اذا كنتي تحبين الهدوء والمكياج الناعم اللي يصلح للصباح والعصر

الالوان اختاري الوردي والمشمشي وعندج البرونزي وعندج البنفسجي الفاتح وممكن الصابوني الهادي هذي الالوان مناسبه جدا لهذي الفترة

الطريقة .....

1- بعد ما وزعنا الاساس ناخذ الفرشاة او قطنة الظل ونوزع اللون بالتساوي على الجفن الداخلي للعين ونحاول نخففه بالفرشاة عشان يكون طبيعي واذا تحبين يكون شويه واضح حطي على ذنب الجفن كمية اكبر
2- استخدمي الماسكرا الشفافه لانها افضل للنهار واخف للعين
3- استخدمي البودره الفاتحه للخدود ووزعي اللون عدل وخفيفه
4- نختار الالوان الروج الاثقل شوي من لون الظل ولكن بنفس الدرجه

عندج طرق كثيرة لتثبيت الروج

1- وزعي الاساس على الشفايف وحددي الشفاة بنفس الدرجة لروج ومن ثم ضعي الروج بكل سهوله ....
2- احضري ثلجه ومرريها علىالشفاة وحطي الروج لانه يثبته
3- وممكن تحطي الروج وتوزعي بودرة الاساس وتحطي طبقة ثانية
4- هذي طريقتي انا ودوم لفترة كبيرة ...
بعد توزيع الروج جيبي فرشاة الظل ووزعي الظل على الروج وعقب عندج الروج زيده شوي راح يعطيه تدرج رهيب وحلو