السلام عليكم يا احلى بنات...
عزيزتي جبل قهوان ,, اذا كان الزوج صالح ففعلا ما تقدرين تستغنين عنه
انا عن نفسي وجود زوجي معاي يعني لي الامان ولما يكون بعيد احس ان كل الاعباء على وانتظر رجوعه بسرعه وبصراحه اقول الله يعين الرجل على هالاعباء تره ما نحس فيها إلا لما نكون لوحدنه والله لا يبعد زوج عن زوجيته قولوا آآآآآمين
العزيزه فداء
ماشالله عليج والله يزيدج قوه انشالله
شوكلاته
اشرايج يدربنه زوجج علىالكاراتيه ؟ وعاد خليه يخفض الاسعار
تحياتي لكل من رد على الموضوع
مع السلامه

والله يا الغالية ... صادقة .. وحتى احنا لما نغيب عنهم .. يطفىء سراج البيت .. الله لا يبعدنا عن احبابنا ولا غالينا .. اللهم امين ..


ويلا ترى نبى التخفيضات يا شوكلاته .. ما تنقصين عن 99% ... عشان خاطر الحبايب ..

السلام عليكم ورحمة الله وبركاته:
:::::::::::::::::::::::::::::::::::::
ياهلا وغلا حياكم وبدون تخفيضاااااااااااااااات لكم ببلاش(واسطه )
والله مافي احلى من التمارين الرياضيه تشد الجسم وتقويه ...
عاد تصدقون في بداية زواجي كان يترجاني (الحمدالله انه مو قاعد جنبي ) :32: :32:
علشان يدربني وكنت ارفض لين ماصار لي موقف تمنيت اعرف ذاك اليوم على الأقل ضربه
واحده ..
:21: :21:
::::::::::::::::::::::::::::::

مرحباااا ..

والله يابنات فتحتم لي جروحي ..

زوجي من النوع على حسب عمله يستلم بكثره ومرابطات الله لايوريكم .. بالذات ايام الازمات الله لا يعودها علينا وعليكم ,,اللهم آآآآآآآآمين .. اهلي بعيدين عني ... وصعب في كل مره يستلم زوجي بروح عند اهلي حتى لو انهم قريبين او انهم في نفس المنطقه او المدينه لان مدرسة بنتي لازم اكون متواجده ببيتي فصعب كل يوم وانا اسحب رجولي الين عندهم..... ياريتهم في بسسسسسس

المهم .... يوم استلامه طبعا يكون عندي خبر من قبل وعارفه انه زوجي الليله مثلا مستلم ... طبعا انا وعيالي بغرفه وحده ننام وبغرفة التلفزيون اقرب وغرف نومنا اقفلها .. ومن حسن حظي ولله الحمد ان مطبخي على نفس الغرفه ولها ابواب منعزله عن بعض ولكن سهولة الوصول الى المطبخ والحمام ايضا دون خوف ولله الحمد .. .. واغلق جميع الابواب باحكام واوصي على الشغاله بالنوم بجوارنا بالغرفه اللي قبالنا على المطبخ ايضا وهو مايسمى بالمقلط .. وبامان حتى هي يعني ممكن نتواصل لبعض دون خوف مني او منها لانه يربطني بيني وبينها المطبخ بابواب محمكه ومنفصله .. والتلفون جنبي والجوال ..واحط عندي بالغرفه ماء وترمس شاي وبسكويت للضرورة ..
واصلا النوم يطير مني واقعد اكلم اي احد من صديقاتي او جاراتي بالتلفون حتى الفجر..
.. واذا جاءني النوم انام بس بقلق والله العظييييم ..


مرة يوم من الايام قبل سنتين او سنه ونص كنا تونا جاين من السفر ولقينا الباب مكسور وداخل فييه حرامي وسرق بعض الحاجات البسيطه .. المهم طبعا كون البيت مدخول في واحد وسرق .... الخوف لابد منه ..
ومن حظي السيء انه ثاني يوم من جيتنا ولقينا اللي لقيناه انه دوام زوجي عنده استلام يومها ..
والله يابنات يومها صار عندي انهيار عصبي وبكاء لا شعوريا برعب ورجفة بجسمي كله بشكل خارجة عن ارادتي واحس ان البيت كله مليان حراميه .. وبس... اسمي على عيالي واحضنهم جنبي ..
لدرجة ان زوجي من كثر مازعقت عليه بالتلفون وانا اقوله انا خائئئفه والله لاطلع انا وعيالي بررره والا تعال عندنا الين الفجر على الاقل ... استاذن غصب وجااااء بات معنا الين الصبح ورجع عمله ..

فنعم الواحد الصراحه لازم ياخذ احتياطه للامور هذه .. الان والله اتسكن بوجود الشغاله معي وحركتها بالبيت واستفيد منها اذا بغيتها تروح تشوف ايش فيه هناك او هناك ..رغم انها بعد هي اخوف مني وجبانه .. بس على الاقل في احد معي ..

المشكله الحين بتروووح تسافر خلاص .... والله شايله هم الخووووووف ..
الله يحمينا انا وعيالي يارب ياكريم . :(

تحياتي لكم ..

:26:

بصراحه انا كنت خاف مره لان زوجي كثير خروج لاكن مع الايام تعودت اني اكون لحالي اغلب الوقت لاكن المشكله عندي اني احس بفقد حاجه عظيمه ومهمه في حياتي احس البيت ماله طعم لمايكون زوجي بعيد حتى لو انه خارج كم ساعه اكتشفت انه نور البيت الله لايحرمني منه:24: :24: :24: