الدكتورة أحبطتني !!أنقذيني دكتورة سارة أنا بال8والا بال9؟؟؟

أخيرا راجعتي مستشفى:26:

المفروض موعد ولادتج يكون 17 نوفمبر و انتي باقيلج يومين و تدخلين التاسع
الدكتوره على اي اساس حسبتلج انج في بدايه الثامن؟ بالسونار؟

خوفتيني بصراحه ،، اخاف اوصل التاسع و يقولون لي بعدج في الثامن

الله يسهل عليج يا رب

و تطمنج دكتوره ساره:24:

اختي انتي اليوم في الاسبوع ال 35 وموعد ولادتج المتوقع راح يكون في 16/11/2003

يعني بعد 32 يوم .... يعني توك داخله التاسع

الله يسهل عليك الولادة يارب وتبشرينا بقدوم النونو الصغير

وين البنات ؟؟؟

مشكورات أخواتي
رسل :
أشوف مش عاجبك إني راجعت مستشفى ؟؟؟؟ تعرفين إني مشغولة وأرد من دوامي الساعة 6 المساء يعني ألحق صلاةالعصر لحوق.

والمستشفى الإيراني اضطريت أروح عليه لأنهم يداومون للساعة 8 المساء .... ولما وصلت قالوا لي وايد أزمة ردي باكر .... طبعا أنا ما ترجيتهم ولا شي وكنت مضطرة أنتظر زوجي ييجي وياخذني عقب ساعة ونص !!! وبعد ساعة شافتني الدكتورة حامل وجالسة وقالت للسكرتيرة اسأليها شو تبي ؟؟ قلت لها أبي أفحص بس قلتولي ماشي مواعيد قالت لي الدكتورة خلصت ما أنت شايفة غرفة الانتظارفاضية ؟؟؟

قالت لي روحي ادفعي وتعالي !!

أول ما سألتني آخر دورة قالت لي انت بالأسبوع 31 ماأدري على أساس شنو ؟؟ وقالت البيبي ممتاز وصحته تمام والبيبي هيلثي ( متعافي ) والحمد لله وقالت إذا ما انقلب نسوي عملية .... قلت بيني وبين نفسي لو كنت أول مرة أحمل بصدق كلامها وبخاف من العملية ...
أستغرب من بعض الدكتورات المتسرعات في الحكم على الحالة .


يعني أكيد أنا بدش التاسع بعد أيام ؟؟؟ وأقدر أبدأ بالمشي ؟؟؟ وشرب القرفة ( الدارسين )