الدكتوره قالت ماتخلفي !! وبرود زوجي 😔

بنات انا ماحملت ورحنا حللنا زوجي سليم بس للاسف انا ماعندي تبويض يعني ماراح يصير حمل وماله علاج ذا كلام الدكتوره اني ماراح اخلف الا بقدرة ربي ورحت لثانيه ونفس الكلام وربي قادر على كل شي وطبعاً قلت لزوجي اعطيني كم سنه ادور لي علاج وبعدها مابمنعك من الزواج وانا فعلاً صادقه ماراح اكون انانيه بس اللي قاهرني احس زوجي عادي عنده جداً ! انا اللي ادور مستشفيات تعالج حالتي حتى مايسأل عن اي شي ثاني اخر مره قلت له حجزت موعد برا منطقتنا عشان ابر البلازما للمبايض يقولو فيه امل تعالج حالتي والله ماقال متى وبكم ولا اي شي قال طيب 🙂 احسه يفقدني الامل مدري هو متحطم زياده ولا مايبغى يجرحني ! يعني ي بنات تتأخر علي الدوره اسبوعين ماعمره قال طيب حللي مع انه عارف انها متأخره ! اول الزواج هو اللي قال خلينا نروح نحلل ! بعد ماقالت لنا الدكتوره انا قعدت تقريباً ٦ شهور ماسويت شي جاني وقال روحي لحرمه شوفي الوضع ! و يروح جاب لي وله عسل علبتين بدون طلب ولما قال روحي لحرمه رحت وصرت اهتم وهو صار بارد ! امه اعطته مرمريه انها كويسه للمبايض لي والله ي بنات جابها ولا قال لي خذيها واستخدميها حطها وبس ولما سألت وش ذي قال مرمريه 🙂 فيه دكتور بمصر يعالج حالتي اوريه مقاطع له اقوله شوف نفس حالتي وحامل يناظر يقول ايه ايه شفت وجيت قلت اروح اللي بالرياض ولا بمصر وش تشوف انت قمت افهمه ميزات ذا وذا قال امور حريم انتي افهم مني فيها شوفي اللي تبغيه وانا اوديك 🙂 انا عارفه انه مايعرف البلازما ولا حبوب الهرمونات بس اذا مهتم ياخي ابحث بقوقل اقرا !! واعطيني رايك ذا الشي يخصني ويخصك بتقولو طفش هو جداً كويس معاي بس بأمور الحمل احسه لا مبالي ابداً انا حابه هالشي عشانه مابغاه يضغط علي ويتعبني ومو حابته لانه احس فيه شي براسه زواج او شي عشان كذا مو مهتم لانه حاط بباله بيتزوج بالنهايه !! ذا اللي مخوفني من بروده ! او انه فاقد الامل ذا مخوفني كمان لاني فعلاً احتاج احد يعطيني امل يعني انا ماحب اشتكي لاحد ابداً من اهلي او صديقاتي احس لو بوضح ضعفي بذا الموضوع بوضحه له هو من بعد ربي بس مو قادره افضفض يعني الكلام اللي يقويني فعلياً احتاجه منه هو لان هالشي لي وله يارب وصلكم قصدي بتقولي طفشتيه بأمور الحمل ويشهد الله اني من وين لوين اتكلم معاه واللحين بطلت اتكلم احيانن افكر يمكن لاني موضحه له اني قويه ممممره مره عشان كذا مو مهتم ! ومعليش على كثرة الكلام بفضفض وش اسوي معاه هل اتكلم واقوله ليه انت بارد ؟ هل حاط الزواج براسك او فاقد الامل ؟ واطلع له كل اللي بقلبي او اسكت ؟ نفسي اعرف وش يدور براسه 🥺!