Egypty :

السلام عليكم عايزه اعرف ايه افضل طريقه لغسيل الشيشان )الشبابيك( وانا عندي البيبان مدهونه اوستور عايزه انضفهاوالمفروض مايجيش مايه عليها التراب معلم فيها والزجاج الشبابيك والبيبان عندي سلسله ومعزبني الزجاج في المسح وحده في المنتدى قالت افضل طريقه مسح الزجاج بالمساحه بتاعت مسح زجاج العربيات الاقيها فين وبكام :mad: انا انجزت النهارده :angry: غسلت الثلاجه بس كان فيها بقعات صفره رشيت عليها كلور وبرده مراحتش :mad:وجربت طريقة شيماء في الطماطم وفرت مساحه كبيره في الفريزر اصلي كنت شيله الطماطم من غير عصر في الفريزر:39:ادعولي على ما اكمل البقيه:angry:

السلام عليكم عايزه اعرف ايه افضل طريقه لغسيل الشيشان )الشبابيك( وانا عندي البيبان مدهونه اوستور...

shaymaa-m :

ح اقول لكم ع النظام بتاعي :- الطماطم : وقت ما بتكون رخيصة و سعرها مناسب يعني السنة اللي فاتت اشتريتها تقريبا الكيلو من 50 قرش ل75 قرش مش اكتر باشتري قفص او قفصين و باعملهم بطريقتي الموفرة جدا صلصة و اخزنها في الفريزر "عايزة اقوللكم اني مش باشتري طماطم الا علشان السلطة بس" -طريقة الصلصة بتاعتي:1 1-اغسل الطماطم كويس و اشيل العنق بس بالسكينة و اسيبها كاملة و نحطها في حلة غويطة 2-نضيف عليها كوب ماء و نغطي الحلة و نشغل البوتاجاز 3-هي ح تصرد مايتها منها فيها و تغلي كام غلوة و ح تستوي و ما تاخدش غلبة و انتي بتقطعي و تضربي الاول و بنختصر كام خطوة 4- بعد ما تغلي غلوتين طفي البوتاجاز و لما تهدى اضربي في الخلاط و صدقيني بتحسي بفرق في المجهود و بعدين صفي و خديها غلوة ع النار مع ملح و لو عايزة تضيفي شوية زيت و ح تلاحظوا الفر بجد تقيلة و من غير غلي كتير " انا عندي خلاط يدوي من براون فبضربها و هي سخنه في الحلة و باختصر كمان وقت و مجهود غسيل الخلاط و التعبية و التفضية :angry: الخضار :باشتري كمية كبيرة من الخضار يعني احنا بنحب البسلة باجيب 10 -15 كيلو و باخزنها في اكياس على قد الطبخه و باحط في الفريزر و بتنفع جدا و باعمل كده مع باقي الخضار في الموسم بتاعه بس طبعا كميات اقل الفواكه: -الفاكهه في موسمها " فراولة -مشمش-جوافة ....." اللي ينفع مربى باعمل مربى و الباقي اعمل في اكياس مع سكر في الفريزر تنفع عصير بجد موفرة جدا جدا و لما يجي ضيوف على طول جاهزة من الفريزر ع الخلاط يا دوب دقيقتين في شوية مايه و عندك احلى عصير في الدنيا و بدون مواد حافظة . كمان المشمش باعمله قمر الدين بس دي طريقة ماما و بيطلع احلى من الاكياس واروع: بتقطعي المشمش نصفين ونشيل البذر و بعدين نحط عليه سكر في حلة غويطة و نسيبة شوية علشان ينزل مايته و بعدين حطية ع النار و سيبيه يغلي لحد ما يستوي و بعدين اضربيه في الخلاط و قسمي في اكياس في الفريزر كل اللي بياكله عندي في رمضان او بيشربه بيتجنن عليه و بيطلع و لا اروع . الارز و ابصل و التوم باجيب احتياجاتي سنوي في الموسم و لا اشيل هم الرز خلص و لا البصل غلي و لا الكلام ده كله البصل و الثوم في الشبك البلاستيك في بلكونة المطبخ او باشيلهم في المنور في الدور الاول و الرز علشان ما يسوسش اولا باخلط عليه كيسين ملح اول ما يجي و اربط ايدين جلابية قديمةواحطه فيها واسيبه متهوي علشان مايسوسشاللحوم: -اللحمة قطع و في اكياس على قد الطبيخ -اللحمة المفرومة تصنف: *الكفتة بانواعها و في الاطباق الفويل بتاعة الجنبة اغسلة و انشفها و احط فيها الكفتة جاهزة و متصبعة و كله على الطبيخ اللي ع القلي و اللي ع الفرن و اللي ع الشواية " شهريا" *العصاج باشيل في اكياس على قدالمرة و ساعات باعصج و اشيل جاهز -البانية متبل و جاهز ع القلي -الفراخ باشتريها بالاسبوع -السمك صابح علشان جوزي قال ايه بيقرف منه و هو متجمد:icon28::icon28: اعذوروني اهتميت باللحمة شوية اصل جوزي من اكلي بحوم البشر لازم كل يوم لحمة و لا زم الاكل صابح يوم بيوم لو الطبيخ بات ما ياكلوش و اضطر ادور على حد ابعتهوله علشان باستحرم ارميه .:mad::mad::mad: الفطا ر و العشا:-بادمس الفول في البيت لان ماما معوداني على كده انظف و احسن و اوفر و ما اضطرش انزل اشتري كل يوم خصوصا اننا مدمنين -الجبن باشتريها مرة واحد علب كبيرة يعني علبه جبنة اثنين كليو بتقعد معايا كتير جدا و كذلك علب المثلثات الحجم الاقتصادي و الجبنة الرومي طبعا فيران بتاكل فيها ما بتقعدش لازم اشتري تاني ممكن كل اسبوع بس مع الزيادة الرهيبة في الاسعار قللنا الاستهلاك شويه -البيض بالكرتونه طبعا -بواقي اللحوم و الفراخ شاورمة من غير كلام (بنت خالتي لما بيفضل معاها بواقي بتضربها في البروسيسور و تعملها كفته ولادها بيحوبها) -عجينة البيتزا باعملها مرة و احد و اكيس ع الفريزر جربوها بجد تلاقيها احسن من اللي بتعمليها حالا و كمان ما تاخدش وقد في انها تخمر بس على ما تفك- التنظيف:-كل يوم تنظيف سطحي اللي هو الغرف اللي بنستخدمها اطبق السرير و اكنس الارض -متعوده من ماما ان انا و بطبخ اغسل كل معلقة في ايدي و لما اخلص الاكل يكون المطبخ فله و الحوض فاضي -بعد الاكل بدل ما اغسل ايدي في الحمام باغسله مع الاطباق:3_13_12::3_13_12: الحكاية كلها كام طبق و الحلل استانلس علشان ما نوجعش دماغنا في الدعك -يوم الاجازة الاسبوعية باعمل فطار spcial ما لذ و طاب و اسرب البيه لحد الساعة قولي اربعة خمسة و هات يا مسح و تلميع و في الوقت نفسه باكون باجهز الغداء اللي هو اساسا حاجات من الفريزر و لو عاوز محشي يا اما اجهزة من اليوم اللي قبلها او اخلي حوسة التنظيف دي لليوم اللي قبلها بالليل و الله المستعان . -الغسيييييييييييييييييييييييييييييييييييييييييييييييييييييييييييييييييييييييل : اكتر حاجة بتزهقني اني انشر :11::11::11: بس مضطرة لحد ما اجيب غسالة بالمجفف او اجيب مجفف بس الميزانية ................... *متعودة اني و انا باطبق الغسيل اصنف لبس البيت لوحده و لبس الخروج لوحده و هكذا ايضا قمصان لوحدها بنطلونات لوحدها علشان لما رص بتبقى العملية سهلة كتييييييييييييييييييييييير *و انا بارص في الدولاب بارصهم حسب التصنيف و بكده باعرف مكان كل حاجة -الثلاجة و المطبخ : كل شهر او اسبوعين حسب حالتي المزاجية بس عادة دولاب المطبخ مرة كل شهر و الثلاجه وانا باحط فيها الحاجة قطعة قماش و خل و ماية دافية و ارص و تنظيف مرة في الشهر على اصوله

ح اقول لكم ع النظام بتاعي :- الطماطم : وقت ما بتكون رخيصة و سعرها مناسب يعني السنة اللي فاتت...