لسة الان كنت بتكلم مع اختى في هذا الموضوع وكل يم نحس بالضيق والخوف الالتزامات كثيرة ومابنلاحق و**** بنصرف الضروريات بس ايه الحل واساسيات المنزل التى لايمكن الاستغناء عنها اصبحت عبئ على الميزانية اخر شىء نقولة توكلنا على الله الذى لاينسىعبيده وبيقولوا ان الانسان لو بطل يشتكى 3 ايام مع استمراره بالحمد يفرج الكربه قولوا اميييييييييييينلسة الان كنت بتكلم مع اختى في هذا الموضوع وكل يم نحس بالضيق والخوف الالتزامات كثيرة ومابنلاحق...
حبيبتى Egypty .. عضوة هنا بالمنتدى كانت كاتبه طريقتها فى تنضيف الشيش وهى بتلبس زوج من الشرابات القديمه في ايديها وتحضر طبق فيه مبه وصابون .. تحط ايدها فى الميه وتمسح الشيش و تنشف بالايد الناشفه وطبعا الشراب عشان صوابعها تدخل فى الاماكن المستخبيه .. ومساحة الزجاج عند كل محلات الادوات المنزليه ومش غاليه خالص فى حدود خمسه جنيه وهى شبه مساحة الحمام بس على صغير ولها جلده زى اللى بتكون فى الجاروف ابو كاوتشه ... هاهاهاااااه يا سلام عالوصف .. ارجو اكون قدرت افهمك يا قمررررررررر .حبيبتى Egypty .. عضوة هنا بالمنتدى كانت كاتبه طريقتها فى تنضيف الشيش وهى بتلبس زوج من الشرابات...
ارجو عفو ربى مشاركه متميزه انا اشتريت معطر الملابس ذى داونى من بتوع المنظفات جبته سايب بس رخيص كذالك الكلور ب75قرش من بتوع المنظفات بس لو الازمه قويه ممكن نستغنى عن تعطير السجاد والملابس والله كفايه تكون نظيفه بس والميه كفايه ابنى لما كان يتبول ع السجاده او يرجع كنت احط عليه ميه وشويه مسحوق غسيل وادعك بالفرشه والله كانت بتنظف ومايبقاش لها ريحهارجو عفو ربى مشاركه متميزه انا اشتريت معطر الملابس ذى داونى من بتوع المنظفات جبته سايب بس رخيص...
على فكرة يا بنات .. التوفير كمان فيه بند مهم ماحدش اتكلم عليه .. ترشيد الاستهلاك فى المرافق والخدمات .. يعنى الميه والكهربا والبنزين والتليفونات وااااااااااه من الفواتير .. عالم فواتير فواتير .. نبدا بالميه ودي من غير كلام اهم نعمه من نعم ربنا علينا وغيرنا بجد مش لاقيها فلازم يا جماعه نحافظ عليها يعنى نعلم اولادنا يقفلوا الحنفيات وماتفضلش مفتوحه مثلا على ما نغسل اسناننا والحنفيات البايظه لازم نصلحها لان نقطه على نقطه بتبقى بحر .. ممكن نجهز طبق ميه كبير وتكون سخنه نحط فيها المواعين والصابون ونغسلهم وبعدين نشطف مش نسيب الميه مفتوحه عمال على بطال .. برده الناس الى عندها مداخل وسلالم مش لازم نستعمل الخرطوم لا ممكن نكنس ونمسح عادى .. لو الهدوم مش كتير كفايه قوي نصف دورة الغساله الاوتوماتيك رهيييييبه فى استهلاك الميه .. لعب الاولاد فى البانيو يوميا كارثه ممكن تقدرى حجمها لو عرفتى ان سعته حوالى 60 لتر .. طب نيجى للكهربا .. طبعا اللامبات الصفراء استهلاكها عالي جدا فممكن نستبدلها باللامبات الفلورسنت الموفره للطاقه وبجد نورها عالى ومريح للعين جدا .. الاجهزه العاليه الاستهلاك زى السخان اللى مش لازم نسيبه مفتوح لحد ما يفصل لان الميه بترجع تبرد وبعدين يسخنها تانى لازم نفصله بمجرد مايتملي بالقدر اللي احنا عاوزينه وكمان من باب الامان والسلامه الشخان لما مابيفصلش ممكن تحصل كااارثه ربنا يكفينا الشر .. فى الجو المعتدل مافيش لزوم للتكييف ومافيش كمان داعي يفضل نور غرفه الاولاد طول الليل وكفايه قوي سهرية صغيره .. طب والتليفون هاهاهااااه والكلام والرغى عمال على بطال اقولكم على سر انالغيت خدمة الزيرو وبقينا نستعمل الكارت للمكالمات الخارجيه والدوليه بجد ادب والتزام وكلمتين وبس والجواب على قد السؤال .. بجد لازم استعمالنا للتليفون يكون كده زى استعمالنا للموبايل .. اه وده كمان اللي بقى فيه منه 2 و 3 فى كل بيت برده كروت الشحن بقت فئات قليله وممكن قوى يا جماعه نستخدم الرسايل لكن هو مش معمول للت والعجن ومجايب سيرة الناس ده بس للضروريات .. تعبت من الكتابه بكرة نكمل باذن الله .على فكرة يا بنات .. التوفير كمان فيه بند مهم ماحدش اتكلم عليه .. ترشيد الاستهلاك فى المرافق...
ويالا مستنين افكار منك مش هنتنازل ابدا عن كدا