شكرا ليكي ياحنون الغلا فعلا في كل مكان بس في مصر المشكله في الرواتب ربنا يعين

فينكو يا بنات

ازيكو - أنا عايزة أسلم عليكو بالأسم بس خايفة أنسى حد -أنا متابعة الموضوع ونفسى أشارك لأنى حاسة انى بجد أعرفكو واستفدت جدا من كل الأقتراحات والطرق اللى اقترحتوها وابتديت أعمل حاجات كتير منها بس عايز أسألكو هو البصل المفروم مبيتغيرش لما يتحط فى الفريزر وازاى أشيلو بحيث انى آخد منه على قد الطبخة مش يفك كله عشان مايبوظش الفكرة دى حتسهل أوى أوى عليا لأن أنا بالنسبالى الطبيخ هو فرم البصل بعد كده أى حاجة تانية أسهل.

تعرفو أنا من أكتر من شهر وانا بحاول أقلل فى استهلاكى من كل حاجة وكل ما أسأل زوجى العزيز أقوله هنقدر نقلل مصاريفنا عن الشهر اللى فات يقوللى ولا الهوا ويقعد يعد ويقولى عالسلع اللى غليت ويقارنلى بين الفواتير اللى كنا بندفعها فى فى السوبر ماركت قبل كده ودلوقتى والبنزين وووووووووو -بس أنا بحاول أعمل اللى عليا و انتو معايا بأفكاركو -أنا مستنية أشوف كل الردود -سلام

om marioum ---شكلي لقيت حد اخيرااااااااااااااااااااا من اسكندريه عشان نعرف نتناقش على المحلات و الحاجه منين و كده

بس متقلقيش ممكن التوفير ولو حاجه بسيطه كل شهر

شكرا جداااااااااا على ردك يا عطر الشموع شوفى يا ستى أنا بجيب طلبات البيت من فتح الله دايما أكتر مكان أسعاره معقولة غير كده بشوف العروض اللى فى كارفور وعلى فكرة بدخل السايت بتاعهم عالنت واعرف فى عروض كويسة ولا لأ ودى فكرة ممكن الكل يعملها مش شرط تكون من اسكندرية وكمان موقع مترو و الفا ماركت وبيكون فى عروض حلوة الميزة انك بتكونى متابعة عالنت امتى بداية العرض وتلحقى تروحى فى أول العرض
قوليلى انتى بقى بتجيبى الطلبات منين وهل فى أحسن من فتح الله ماركت على فكرة أنا جربت مرة خير زمان بس كان غالى والمشكلة ان الخدمة مش سريعة
على فكرة أنا عايزة اقولكو على حاجة بديلة للكلور مع فيرى وهى كلوركس كلين أب منتج من كلوركس دى عبوة لونها أخضر بيكون عبارة عن كلور منظف برغوة أنا بستخدمة من زمان مش عارفة مش بتقولو عليه ليه لأن ده هيكون أسهل من انك تركبى بنفسك خلطة وأعتقد يعنى انه هيكون أوفر لأن الفيرى مش رخيص -أنا كنت بشيل الغطا بتاعة وأحط الغطا بتاع فيرى على أساس انها تنزل كمية صغيرة بس فكرة البخاخ أوفر بكتير هجربها أكيييييييييد
شكرا لمدام وائل عالموضوع الجميل دة -و شكرا تانى يا عطر على ر دك وأرجو انك تقوليلى على أى خبرات انتى مستفيدة منها فى التسوق فى اسكندرية -وكل البنات انتو فين انا نفسى ألاقى مشاركات كتير على فكرة أكيد فى ناس بتقرا المشاركات بتاعتكو وبتستفيد منها مش شرط انهم يكونو مشتركين هنا فى الرد على الموضوع مش عايزين نحرمهم من الأستفادة -وسلاااااااااام