الدورة الشهرية جننتني 😢😢😢

السلام عليكم حبيباتي و اخواتي المتأخرات و يارب يرزقني و اياكم بالذرية الصالحة عاجلا و ليس اجلا انا الحمد لله عندي بنت عمرها 5 سنوات المشكلة بعد الولادة القيصرية ب 7 شهور بطلت تجيني الدورة و طبعا راجعت دكاترة كتير من ضمنهم دكتورة ليلى اليان بالتخصصي و دكتورة كنانة حسو بمستوصف بطريق العروبة و ما تركت تحاليل ما عملتها اول شي قالولي انو في ارتفاع بهرمون الحليب و هو عم يلخبط عندي الدورة و عالجتو الحمد لله و بعدين عملت فحص للغدة الدرقية الحمد لله ما طلع معي شي و عملت فحوصات للهرمونات ما في شي الدكتورة اقترحت علي اني اعمل تحليل الصبغة الملونة و الحمد لله ما في انسدادات او التصاقات داخلية و من 4 سنوات و نص دورتي ما بتنزل الا بالدوفستون 😢😢😢😢 و لما بدأت احاول احمل مرة تانية عملت مراقبة اباضة قالتلي الدكتورة انو البويضات مش عم تنضج ووصلت بنهاية فترة الاباضة بويضتين لحجم 14و هو يعتبر حجم صغير تعبت كتير من اللف عالدكاترة يا رب فرجها علي و على كل المسلمات اللي بدي اعرفو حدا صرلو متلي و شو كان السبب لاني عنجد بلشت ايأس و دكتورتي بتقلي ما الك غير التنشيط و الحقن المجهري طب انا بدي الاقي الحل للدورة و عالج نفسي و ما لقيت حل يا رب اشفيني و اشفي امة محمد معلش طولت عليكو بس انا بغربة و ما في حدا اشكيلو و افضفضلو همي 😖😖😖😖