كل عام وانتم بخير .. وش أخباركم يا الطيبات ؟
من كم يوم هافتني نفسي أنزل موضوع في السوالف والواحه الترفيهيه .. وقلبتها في مخي .. خبزة بجبنة ولا أندوومي .. وشفت الأخيرة أصرف
.. << - - وساعة الوجه مالها حدوود .. بس كنت أستنى الصور .. وعجزت أشتهي الأندومي .. وكل يوم أقول بكره .. << = = يا أختي ما حدّ الله .. المهم اخيرن اشتهيتها .. نخش في الموضوع >>>> مدري وش بلآآي هاليومين هذري صـآير وآجد > مو مني من النسبهـ الشينه أنا وخشتي
أرفع قدري و ألوح بملاسي و أرمي بيزي تقديرا لجهووودك يا شيخ
.. Momofuku Ando مخترع الأندومي 
المقادير :
أكياس أندومي ( نكهة دجاج خاصة او خضار أو كاري الدجاج .. الأنواع الثانية اذا كنتِ منحدة )
مويه من البزبوز مهب من البرّادة .. << = = بتكثر كلام باللي هي به ..
خضار ( عاد ما يحتاج أعدد ) ..
دجاج ..
كاتشب , مايونيز , شطة ( على حسب الرغبة اللي مدري وش تبي ) ..
الطريقة :
الطريقة العادية : أندومي + قدر ( أجل بتطبخ على يدها ) + ميّة =
.. لا جد والله ذي أسهل طريقة وما تأخذ خمس دقايق .. ما يمديتس داخلة المطبخ الا طالعة بباديتس ودخاخين الأندومي تسبقتس .. ( صح الريحة دمار بس الطعم يكفي )الطريقة الثانية : صبي شوي مويه في مقلاة وبعدين اضيفي الاندومي وخليها تطبخ لين تشرب المويه .. عقب احمسيها جيدا .. وما يمنع انتس تضيفين خضار مطبوخة ودجاج .. تقدرين تطبخين شوربة خضار وقبل ما تغرفينها كبي عليها كيس أندومي وخليها تطبخ شوي وبالهناء والشفاء ..
انتظروني بمشروب تدزون به اللقمة .. عاد احتمال يصير فمتو ههههههههههه .. ( وجه يقول ع شحم )
تقبلوووا تحيــآآتي البـآآرده في هالبرررد > وحده نذله تبيكم تثلجون هع