الذوق ....والشياكه...تدخل بسررررررررررررررعه..........

داخله طمعانه في الدعوه:27:

والله لو اعرف كان قلتلك الله يرزقك اللي تجاوبلك على كل استفساراتك والله يقومك بالسلامه:26:

أهلين ................يا فتاة الأزهار2
.........................
مشكوره عطيتيني وجه...................
بس معقوله محد يعرف.......ومحد له خبره............
مشكوره للمره الثانيه.........لأني عرفة أنك ذذذذذذذذذذذذذذذذذذذووووووووووق في أخلاقك........

الله ييسر امرك ...حددي مين وين انت ؟؟

أأأأأأأأأأأنا في الرياض


ها نبدى كل وحده تقول عن خبرتها
وأنا أتبع جميع مايقال لي

الله يقومج بالسلامه يارب ويرزقج ويوفقج ويسهل ولادتج
اسمعي اختي انا ما اعرف محلاتكم بالرياض بس بقول اللي عندي
ويمكن تستفيدين يالغاليه ...
اول شي بتكلم عنج انتي
يبيلج دراريع ستان ( حرير ) ... اللي تجي بشرايط ودانتيل
والوانها فاتحه مثل الوردي والبيجي والبصلي والسماوي انتي عارفتها اكيد
ويبيلج ملافع ألوان فاتحه من الوان الدراريع .. ( لان الموضه الحين انج
تلبسين حريرررر بأنفاسج وملافع فاتحه ... يعني ماتلبسين دراعه عاديه او قطن الا
بالوقت اللي ما تتوقعين يجي فيه ضيوف لج .. يعني البسي بهالوقت اللي تبين )
بس بوقت العصر والضحى خليج لابسه الحرير ... وطبعا وانتي بكرامه النعل تكون من
نوع الخاااااام ( حراير او على فوطه ومن هالقبيل )
وانتي عارفته ياقلبي اكيد ... وطبعا اختاري الوان فاتحه !!!
نجي للسريررررر ... يبيلج ياعمري سريرررر تفصلينه مع سرير البيبي
يعني نفس الخشب او نفس الستاااايل سواء كان أي نوع .. واذا ماتبين تفصلين
وناويه على سرير لج عادي ... اوكيه ياقلبي عادي بس روحي واسإلي وين تقدرين تفصلين
ديباااااااج على ذوقج مع ديباج البيبي ... وهذي انا سويتها والكل اعجبته الفكره
يعني كنت مسويه ديبااج لونه سكري وفيه مثل الشرايط الكحلي وجاي موديله مثل المسرررح
على اطراف السرير ... وسويت للبيبي نفس الطريقه ... وماكلفني شي بالسعررر والله
وبعدين بقولج شغله طايحيين فيهااااااا هالوقت المنفسات اللي هي
انج لاتخلين الغرفه اللي تنفسين فيها هي مكان ضيوفج .. لا :)
روحي ياقلبي وحطي لج دار خاصه فيج للنوم انتي والبيبي وتاكلين فيها ادويتج
وعشاج وفطورج وغداج ( يعني ريحتها ريحة ادويه راح تكون) !!
وحطي غرفه ثانيه اللي هي عندكم غرفة الاستقبال او الصاله او الغرفه الكشخه
حقتكم .. وحطي فيها السرير اللي قلتلج مع سرير البيبي .. الكشخه ( الغرفه هذيك حطي فيها أي كلام
وتكونين موجوده دايم .. نومج واكلج وكله ) وماتجين للغرفه الكشخه الا اذا جوج ضيوف وتكون مستقبلتهم
امج او خواتج ومجهزين فيها الحلا والشاهي والقهوه وكللله ... وتدخلين عليهم وتجلسين على سريرج
ويكون معاج الجاهل او يجيبونه لج ... او طريقه ثانيه اللي هي بعد الغدا مباشره وبعد ماتنتهين من ادويتج
وكللللللللل شي ... تجين انتي والبيبي وتقعدون في الغرفه الكشخه عشان يمكن فجأه يجيكم أحد ..
وتكونين بهالطريقه حافظتي على ريحة الغرفه من الادويه وعلى نظافتها وبنفس الوقت طريقه حلللوه
وشي جديد وذرررب
:27:
ماعليج من اللي يقولون جذي فشله تتمشين قدامهم او لازم انج نايمه على السرير ومدري شنو
تراهااااا خرافات واحنا بعصر كل ماله يتطور وخليج اول من يستفتح بهالشي :)
ويكون بعلمج النوم الكثير والجلسه الكثيره على السرير مضره لج وتبي تنفخ لج كرشج
وتسمنج ... انتبهي اختي وتحركي كثيرررر وسوي رياضه وكل الدكاتره ينصحون بالرياضه
فترة النفاااااااس وماعليج من كلام الناس اللي يقول عكس جذي !!
الحين خلصناااااااااااااا منج عسى ربي يفرحج ويتمم عليج ويسهل ولادتج
الحين دور الدلووووووووع اللي في بطنج .. ^_^
مادري من وين أبدي بس اسمحيلي اختي واهم شي انج تاخذين فكره
يبيلج تروحين لملابس المواليد وتاخذييين له ملابس داااخليه ويستحسن
واريح لج ( التبّــان ) هذا اللي يجي شكله مثل المايووه :17: ويكون من تحت كباسات
وتشترين له افرولات ... اذا مو عارفه شنو الأفرول اختي .. قولي لراعي المحل
ورني الأفرولات ويوريج .. وهذي احسسسن شي للجاهل وادفا له ... وحتى بالمظهر احسن
واخذي بجااايم له للنووووووم ... ومهاداااااااات اطقم مع اللفاااااااات اللي تجي دانتيل وصوف
وهالحركاااااات اللي تلفينها فوق المهاد للمظهر والكشخه ... واخذي الوان مختلفه .. بيج . سكري
أبيض .. سماوي ... وردي ... !!
ويبيلج كيس البيبي .. اللي يجي مثل الديباج وفيه سحاب على الجنب وتسكرينه عليه
هذا حلو اذا بغيتي تطلعين من بيتج والبيبي معاج ... حلو للمظهر .. ويحميه من البرد
وتلقين عند محلات البيبي اشكااااال روعه
ويبيلج طال عمرج كبوسااااات للبيبي ومهمه حيييييل عشان راسه يتدفى .. وحتى لو ولادتج بالصيف
لان المولود بسرررعه يبرد ومايتحمل الهوى ... وكلهم تلقينهم عند تجهيزات البيبي .. قوليله ابي جذي
ويطلع لج ... ويبيلج وانتي بكرامه جواتي له .. بس اسمعيني اختي الجاهل يكون صغيررر حيييل
واذا شريتي جواتي صلبه ماراح تكون قياسه وانصحج باللس تجي على خام زي الشراب ..هذي انشالله تجي قياسه
وطبعا يبيلج من كل نوع تاخذين الوان مختلفه وتكثرين اعدادها بس مو كثيرررر مررررررره مرررررره
لان سبحان الله المولود بسرعه يكبر ومقاساته تختلف ...
الحين انا قلتلج عن وش تحتاجين من لبس للجاهل ويارب مو ناسيه شي
الحين بقولج وش تحتاجين لنظافة الجاهل
اشتري طقم لسبوح البيبي .. ( بيبي جونسون احسن شي )
يعني يبيلج شامبو وكريم مرطب للجسم وشامبو جسم وليفه تكون صغيررره وناعمه مره تلقينها
عند محلات البيبي ... ويبيلج حوض للبيبي اللي تسبحينه فيه ( ولاتنسين اهم شي اختي الاسفنجه اللي
تجي كبر البيبي مثل قياسه او اصغر شوي بس .. اللي تنحط تحته على الحوض عشان ما يعوره
الحوض او يكون فيه زوايد بالحوض تعور جسمه ومن هالكلام .. اسإلي عنها ويورونجياهاااا ومهمه حيل )
يبيلج كلونيا أطفاااااال وبودره أطفال تحطينها له بعد ما تنشفينه من الماي ... ويبيلج
فوووووطه للبيبي وتلقينها بقسم ملابس البيبي ويجي شكلها خاص للمواليد ... وفوط صغيره مرره
تجي جمله مع بعض اعداها كثيررره بكيس واحد هذي تحتاجينها تمسحين وجه البيبي فيها
واذا رجـّع وانتي بكرامه .. ولازم تكون معاج بالشنطه الخاصه للبيبي اللي راح تشترينها
وين مااااارحتي !!
وانصحج اختي العزيزه
انج ماتحطين للجاهل على وجهه من أطياب وخلطات تراهااااا تسبب حساسيه للطفل وماستحملها
لانها كلها كيماويات .. اذا تبين تستعملين شي يخلي ريحة ولدج حلوه لاتحطين شي غير كلونيا الاطفال على
جسمه والبودره حقت الاطفال ودهن العود الأصلي .. امسحي شوي منه على اطراف ارقبته وعلى وجهه
وظمااااااااان مني وعن تجربه انا وكل رفيجاتي وقرباتي مااااايطلع للجاهل ولا شي من الحساسيه
ولا يضر بطفلج .. ويكفي ان العود ريحته قويه .. يعني تخيلي تحطين كلونيا الاطفال وبودره بعد السبوح
ودهن عود شوووووي بسسس ... وشمي ريحته ؟؟؟ ياااامشالله ييييييهبل وكل من يشوفه بس يبي يبووسه
ويشم ريحته ... انصحج اختي بشكل يومي تسبحينه ترا السبوح يكبر المولود او يوم بعد يوم تسبحينه
ولا تخلين ريحته مو زينه ترا اللي يشمه اول مرررررره بريحه مو زينه صدقيني يبي ينفر منه وماعاد
يفكررر انه بيوم من الايام يبي يكون بريحه حلوه .. يعني تعوودي انج تكونين مميزه بنظافتج للبيبي
وخلي الكل يقوووول ماعمرنا شمينا ريحه شينه في ولد فلانه او بنت فلانه :27:
ويبيلج اختي مقراظ أظافر صغير مره للبيبي ولاتتركينه بدون ما تقرضين اظافره وهذا من باب النظافه أولاً
وثانيا عشان لو فتحتي مهاده ماااااا يشمخ نفسه بأظافره ويجرح وجهه ... ويبييلج اعواد أذاني عشان
تنظفين اذانيه باستمراررررررر .. وانتبهي تعورينه شوي شوي ... ويبيلج مناديل جونسون المبلله المرطبه
اللي تنظفين فيها البيبي سواء جسمه او ارقبته او مكان الحفاظه وخاصه اذاكنتي برا بيتج للحالات الحرجه
يعني البيبي لازم بين وقت ووقت تغيرين حفاظته عشان البول وانتي بكرامه يحرقه ويزعجه ويسبب له حساسيه
وهالمناديل تغنيج عن الماي في مثل هالحاله .. ويبيلج مشط ناعم لشعرالبيبي مو ابو سنون لالالا لان فروة البيبي
تكون لينه وماتتحمل ... اخذي الخاصه بالبيبي اللي تجي على شعر زي البروش :)
يبيلج رضااااعات ثنتين على الأقل وانصحج بالزجاج لانها بالغسيل انظف ووماتطلع لها ريحه اما البلاستك
تطلع لها ريحه مع الوقت وحتى لو غسلتيها ... الزجااااااج انظف حيييييييل ويبيلج بروش تنظيف الرضااااااعات
اكيد عرفتيه ... ويبيلج قوري خاص بتفويح ماي البيبي .. ويبيلج مطاره خاصه بالبيبي .. مطارتين وحده كبيره للبيت
ووحده صغيره تاخذينها بشنطة البيبي اذا سيرتي على احد وطلعتي ... ومايج دايم حاررررر فيهااااا ...
ويبيلج الله يسلمج المكياله حقت الحليب اللي تجي على طريقة طبقات بلاستك تحطين في كل طبقه حليب ولدج البودره
يعني لو اولدج تحطين له ملعقتين بس ... تحطين بكل طبقه ملعقتين .. عشان تحطينها بالشنطه اذا طلعتي
وماعليج الا انج تفتحين الطبقه الاولى وتحطينها بالرضاعه وبسسس لانج عارفه مكيالها كم وعارفه مقاس الماي
بالرضاعه ومطارتج الصغيره بالشنطه طبعا :)
والله مدري نسيت شي او كل شي واضح ... يارب اني مانسيت شي واذا تذكرت شي
بقولج انشالله .. ويارب يا اختي العزيزه اني قدرت افيدج بشي .. واي استفسار انا حاضره
وانصحج اختي بفترة النفاس بنظافتج ونظافة البيبي لانها اهم فتره .. وانتبهي على نفسج
وهالله هالله بالادويه الزينه والملابس الداخليه اللي تحميج من البررررد
انتبهي الهوا وربي لو يدخل لأرحامج .. يجيج عوار أقوى من عوار الولاده والطق بألف مره
والله صارتلي وبغيت اموت ... الحمدلله على كل حال ... تكفين انتبهي على نفسج
وابيج تدعيلي ان الله يوفقني بزواجي الجديد ... لاني فشلت بزواجي الأول
وعرسي مقرب يالغاليه ... بالله عليج ادعيلي بظهر الغيب ومن وراي لان الدعااء بظهر الغيب
مستجاب .... يالله استودعك الله اللذي لاتضيع وداعئه