عواطف تركي :

كل قهوه لها طريقتها وريحتها كيف تبينا نكتب لك أي شي ؟! مع احترامي للناس اللي تشرب نسكافيه ما اعتبره قهوه لا طعم ولا ريحه الله يكرم النعمه خذيها قاعده كل ماكانت القهوه مطحونه طازجه ومحفوظه بطريقه جيده بعيداً عن الحراره والرطوبه كل ماكانت ريحتها وطعمها في المخ واذا زوجك يحب القهوه السوداء اشتري اي نوع قهوه مختصه من اي محل كوفي او اطلبيها من النت مع ادوات التحضير مثل موقع محمصة قهوة مجيد او محمصة خطوة جمل او غيرهم حسب السعر المناسب لك وقبل الاستخدام اطحني قد الحاجه فنجان صغير وحطيها بالفلتر باداة التقطير وصبي المويه والله ان ريحتها تخلي الواحد وده يشرب اكثر من كوب وتنتشر بالمكان انا اذا سويتها بالغرفه ورميت الفلتر اللي فيه بقايا البن بزبالة الغرفه المكان كله يصير قهوه واسألي اهل الكيف عن ريحة القهوة المختصه حتى القهوه العربيه اخذتها من نفس الموقع حبوب بن محمصه وجاهزه وبس اطحنها بالبيت قبل الاستخدام واجهزها بالطريقه العاديه مويه مغليه على النار ثم احط قهوه وهيل وزعفران واتركها تغلي 10 إلى 20 دقيقه ريحتها تملى المكان ماشاء الله اجلس اتقهوى فنجال ورا الثاني الى ان تخلص

كل قهوه لها طريقتها وريحتها كيف تبينا نكتب لك أي شي ؟! مع احترامي للناس اللي تشرب نسكافيه ما...

ميثــــــاء 💜 :

أهم شي عشان تكون الريحة قويّة ونكهتها لذيييذة تكوني توك طاحنتها وطريقتي أحط مقدار فنجان قهوة وزعفران وأصب عليها موية مغليه وتغلي 5 دقايق بس ع نار عالية شوي وأحط هيل في الترمس وبرضو مطحون طازج وشوي حليب سايل وقرنفل (مسمار ) مطحون أهم شي إذا تبين قهوة مضبوطة وريحتها فواحة القهوة تكون توها مطحونة يعني لها يوم يومين بسسسس بعدها سبحان الله أحس تروح نكهتها وريحتها عادية وبالعافية

أهم شي عشان تكون الريحة قويّة ونكهتها لذيييذة تكوني توك طاحنتها وطريقتي أحط مقدار فنجان قهوة...

نوروزهور11 :

بعطيك طريقتى كل من شربهاعجبته انااشترى قهوة حب واغسلها لين تنضف ثم اتركهايوم كامل واحمصهاعلى النار واحط معها شوى شيبه تعطيهانكهه حلوة لين تصيرشقرا واطحنها واجيب زعفران اصلي احط شوى في ابريق وسط واخليه يطبخ عشرادقايق ثم احط 3ملاعق قهوة وشوى حليب سايل وربع ملعقه عويدي واخليهاتطبخ على نارهاديه ربع ساعه واحط ملعقه هيل في الترمس واصب عليهاالقهوة وشرفي كيف الطعم والريحه خيال

بعطيك طريقتى كل من شربهاعجبته انااشترى قهوة حب واغسلها لين تنضف ثم اتركهايوم كامل واحمصهاعلى...

غريبة الدنيآ :

، إذا تبين تسوين نس كافي رغوة او كباتشينو حطي بالخلاط فنجال قهوة نس كافي فنجال قهوة سكر فنجال قهوة موية واخلطيها ، حطيها ببرطمان وبالفريزر سخني لكِ كوب حليب سايل وشوي سكر او حسب ذوقكِ وحطي ملعقة صغيرة من الخلطة اللي سويتيها واخلطيها مع بعض راح تجيكِ قهوة برغوة ، من غير الريحة والطعم جنان ، وبالعافية عليكِ

، إذا تبين تسوين نس كافي رغوة او كباتشينو حطي بالخلاط فنجال قهوة نس كافي فنجال قهوة سكر فنجال...