السلام عليكم ورحمة الله وبركاته..
صباااااااح الخيرللجميع:biggrin2:
يسعدني اليوم ان افتتح ملف قروبنا الجديد
قروب
الرابح الاكبر 2014
وبهالمناسبه احب اشكر كل خواتي البنات اللي كانوا معانا بالقروب القديم..
ان شاءالله يابنات راح نكمل كلنا المشوارالين نحقق حلمنا بالوزن المثالي ونكسب صحتنااولا ثم رشاقتنا:7_5_122:
هدا القروب سميته الرابح الاكبر لانه بيكون فعلا مثل البرنامج الشهير اللي كلنا شفنا المتسابقين فيه
وكيف انهم بالاراده فقط حققوا المستحيل وقدروا ينزلوا اوزانهم من خلال إتباع الاكل الصحي وممارسة الرياضه فقط وبدون تدخل اي عوامل اخرى مساعده ..واكيد هالطريقه مثل محناعارفين هي الافضل والأمن من بين كل طرق انزال الوزن ..
وايضا بيكون قروبنا مشابه للبرنامج في عدة اموراخرى ان شاءالله بيتضح لكم الموضوع يابنات بس تقرئون شروط قروبنا الجميل..
الفرق الوحيد بين قروبنا وبين البرنامج هو عدم وجود الجائزه الماليه في نهاية المسابقه:7_5_122:
لكن بالتأكيد الجائزه الكبرى في قروبنا هي اننا كلنا بالاخيربنكسب صحتناورشاقتنا بنفس الوقت..
واظن هدي جائزه لاااا تقدر بثمن وأعظم بكثير من الجوائز الماليه..
بالنسبه للتسجيل بالقروب اناراح افتح باب التسجيل اليوم الخميس وبكره الجمعه فقط
مع ملاحظة انه راح تكون الاولويه للبنات اللي وزنهم كبيرجداا لانهم أكيد الأحوج لإنزال اوزانهم .
ويحتاجوا فعلا انهم ينضموا لقروب يشجعهم على الاستمرار بالدايت والرياضه..
وبيكون العدد محدد من قبلي مسبقا يعني ماراح اقبل اعداد كبيره من العضوات الجديدات ..
وبالنسبه لنظام الدايت في قروبنا بيكون للجميع الحريه المطلقه في إتباع اي نوع دايت مناسب .المهم فقط انه يكون صحي ومتنوع وهدا موشرط لكن نتمنى انه كل البنات يتبعوا نظام صحي مريح يضمنوا معاه الاستمرار ..
قروبنا مثل ماخبرتكم له شروط مهمه جداااااااا وهي كالتالي:
1_ستكون هناك عقوبه تتمثل في الاستبعادالنهائي من القروب لأي عضوه تتهاون في إلتزامها بالدايت اوبالرياضه على النحو التالي:
_في حال عدم ممارستهاللرياضه لمدة اقل من ثلاثة أيام بالاسبوع.(باستثناء طبعا اي بنت ممنوعه من الرياضه لاسباب صحيه لاسمح الله..)
_في حال عدم التزامهابنظام الدايت الخاص فيهاوتكرار التخبيص لمدة ثلاثة أيام بالاسبوع ..(طبعابإستثناء اليوم المفتوح ..)
التخبيص يكون بتناول المقالي اوالحلويات (ويسمح فقط بتناول قطعتين من بسكويت النخاله دايجستيف اوحبتين صغيره معمول بر.(أسمر).....خلال فترة الاسبوع الواحد.....
2_ستكون في نهاية كل أسبوع فائزه وهي العضوه التي حققت اعلى نسبه في خسارة الوزن
وهده العضوه ستحصل على الحصانه حيث ستضمن تواجدهالمدة اسبوع كامل بدون ان تتعرض لعقوبة الاستبعادفي حال لم تلتزم في يومياتهابيوم من الايام..وستحصل بالتأكيد على شعارالحصانه حتى يتم تمييزها من بين باقي عضوات القروب.
ملاحظه هامه/(بنات مومعناته اللي تاخد الحصانه تلعن ابوالرجيم وتخبص على كيف كيفها:icon29: لااااااااا احنا هدفنا اننا نتشجع ونتحمس فرجااااائا يابنات خلونا نكون مميزين واي بنت تجيب الحصانه تأكد للكل انها قويه وارادتها من حديد من خلال يومياتها المشرفه اللي ترفع الراس ..كفوا حبيباتي لاتفشلونا بين العربان هههههه )
3_سيقسم القروب الى ثنائيات ..كل مشتركتين متقاربتين في الوزن سيكونون ثنائي ويقومون بمتابعة بعضهم البعض يوميا من خلال التعليق على اليوميات والنصح والمتابعه فيمايخص نظام الدايت والرياضه..
4_يوم الميزان سيكون بمشيئة الله يوم السبت .
وترسل الاوزان لي على الخاص بالشكل التالي:
الوزن السابق ..............
الوزن الحالي ..............
مع ملاحظة ضرورة كتابة الوزن بالكيلو وبالجرام ايضا حتى تتضح لي الفروقات في الوزن وعليه يتم تحديد الفائزات الثلاث لكل اسبوع..
5_اتمنى من جميع العضوات الالتزام بوضع شعار القروب في تواقيعهن..
شوفوا يابنات هدا شعار العضوه اللي بتفوز بالحصانه الاسبوعيه:7_5_122:
وهدا الشعار الخاص في جميع عضوات القروب.
اخيرا يابنات اتمنى من كل قلبي ان قروبنا هدا يستمر بنجاح ويارب نحقق فيه كلنا حلمنا بالرشاقه ونوصل للوزن المثالي واحنابكامل صحتنا وعافيتنا..آآآآآآآآمييييين يااااااارب
أبدئن خواتي في كتابة يومياتكم من اليوم لوحبيتوا مع العلم انه المسابقه الفعليه لن تبدأ الا مع بداية يوم السبت
فالكم التوفيق يابنات
لايكون بس مضيعين العنوان ههههههههههههه
الين وبحر وباقي البنات وينكم
تعالوا نوروا قروبنا الجديد بطلتكم
ايه قبل لا انسى يابنات بالنسبه لشروط القروب لوشايفين انه في اي شرط موعاجبكم قولولي وان شاءالله بنغيره لمافيه مصلحتنا جميعا
انتظركم يادبدوبات