الرجاء المساعده ضروري اختكم بورطه ومحتاسه عشرين حوسه

مشكورين ياجماعه ماقصرتوا علي التطنيش
كنت اتوقع لما ارجع اشوف الردود بس الي حصلته خيب املي والله:(:44:

:(:44::32: :mad:

هلا اختي الغاليه برجيس جبرتي بخاطري والله يارب يرزقك الجنه
اختي مشكوره علي الافكار الحلوه وياليت تتحفيني بالمزيد لاني محتاره شو اعمل من انشطه في باقي الاسبوع
اذا عندك افكار حلوه ياليت تسعفينا فيها
بالنسبه للازياء الفينه اقصد الي تخص المسرحية او الاسكتش شو ممكن البس الطالبات من لبس يناسب التربيه الفنيه
اختي بعد مطلوب افكار خاصه بيوم الام شو ممكن نعمل من انشطه للامهات بس تكون خاصه بالتربيه الفنيه
نفس الشيء بالنسبه ليوم المعلم ودنا نعمل انشطه خاصه بالمعلمات مقدمه من جماعة التربية الفنيه
وجزاك الله عني كل خير
كم اسعدتني زيارتك للموضوع
ومنتظرة بقية الافكار من البنات :27:

اشكرك جزيل الشكر غاليتي برجيس وجزاك الله كل خير علي اهتمامك
بس وين بقية الافكار (ماحد عبرني الا برجيس ):32:
خلص زعلتوني منكم:44:

عزيزتي الزهرة القاتلة .. الله يعينج أنا حاسة فيج .. وأنا اليوم بس شفت موضوعج .. وإنشاء الله أقدرأفيدج ...

1- أول شي لازم تختارين شعار .. مثلا .. موهبتي .. ريشة ولون ورعاية أو أي شعار ثاني .. وتطبقين هذا الشعار أو اللي بتختارينه على جميع المواضيع اللي طلبتهم المديرة .. بس أبغي أقولج شي لاتحسين إنه هذه المواضيع المديرة طالبتنهم منج لأنج بتحسين إنج مجبرة عليها .. خلي احساسج يكون إنه هذه الأشياء نابعة منج أنتي ومن إبداعاتج ..:21::21:

2- بعد ماتختارين الشعار اختاري logo
وهذا يكون على كل شي .. يعني إذا بتصدرين بروشورات أو بوسترات أو ستاندات ويكون بشكل بسيط وعبارة عن فرشاة وألوان مثلا .. أو أي تصميم من إبداعاتج .

3- حاولي كل شي في المدرسة خلال هذا الأسبوع يتحدث عن الفن .. يعني اللي يدخل المدرسة يحس أنه المدرسة فيها أسبوع التربية الفنية .

4- حاولي تخلين الثلاث الأمور اللي تبغين تسوينها في أسبوع واحد .. خارج المدرسة تحطين لافتة كبيرة فيها الشعار و logo ..

5- تحاولين تحطين لوحات ترحيب بالزوار .. وعلى فكرة حاولي تختارين لونين مثلا ويكونون على كل شي .. يعني سوي طقم .. وانتي أم الذوق طبعا ...

6- بالنسبة للأمهات ممكن تسوين لهم دورات عن الرسم على الزجاج أو أي قطعة فنية تجمل فيها المنزل .. وممكن يكون أكثر عن شي .. يعني كل طاولة فيها شي .. وممكن تخلين الطالبات المتميزات عندج يساعدونج في هذا الموضوع .. يعني كل طالبتين على طاولة .. وطبعا الأم بتفرح إذا شافت بنتها مبدعة .. وصح ممكن يكون على طاولة كيف ننظف السجاد أو الملابس من الألوان .. حتى يفرحن الأمهات .. ويفضل يكون فيه بروشورات مكتوب فيها الطرق وتوزعينهم على الأمهات.
وممكن تعلمين الأمهات طريقة صنع العجينة لأطفالهم بدلا من أنهم يستخدمون العجينة اللي تباع في المكتبات .. وانتي تعرفين إنه بعض الأطفال ياكلون قطع العجين .. فإذا كلوا العجينة المصنعة في البيت بيشوفون طعمها مالح ومابيقدرون ياكلونها وبالتالي ما بتضرهم .. في حين ممكن ياكلون اللي في المكتبات.

وعلشان يكون الأمر منظم يفضل إنج ترسلين استبيان للأمهات قبل بداية هذا الأسبوع وتعرفين بالضبط شو رغباتهم عشان تجهزين لهم كل شي .. وما تستوي فوضى ..

7- الحين يتني فكرة .. في يوم الافتتاح .. أكيد عندكم حد بيقص الشريط أقصد البداية أو الافتتاح .. إذا عندك باليته .. أقصد القطعة البلاستيك اللي يخلطون عليها الألوان بالفرشاه .. يفضل إنها تكون خشب وإذا ما عندك خلي النجار يسويلك وحده ويكون لها حامل .. مثل الحامل اللي يكون خلف البراويز اللي نحطها على المكاتب .. على أطراف الباليته تحطين ورد طبيعي ممكن تودينه عند محل الورد قبل الافتتاح بيوم .. وفي النص حطي شوية ألوان .. يعني الباليته ماتكون نظيفه .. وفرشاة في النص ومقص .. أتمنى أكون عرفت أوصل لج الفكرة .

:44::44::44: وبعد يا نالو .. لحظة أنا أفكر:44::44: