الرجال اللي جاحدين ولا احنا اللي مانعرف نتعامل معاهم دعوة للنقاش شاركينا برايك وخبرتك

والله حسب فيه حريم عندهم جهل تام بمعامله الزوج
ولا عندها صبر
وفيهم اللي والله خساره
على بعض الرجال
الله يسخرللجميع
استغفرالله واتوب اليه

اقولك المشكله


ثقافه السعوديات الاناثي

هي نفس ثقافه نور و لميس

و لكن ثقافه الرجال السعوديين مو نفس نفس ثقافه مهند و يحي

رغم اني ماشفت المسلسلين لكن سمعت عنهم

ثقافه رجال السعودين ثقافه رياضيه

اتحاد و هلال و اهلي ونصر

مباراه رابح وخاسر و لا مجال و اذا اضطروا بلنتيات من النهايه لابد من ان يكون هناك شخص واحد رابح

فحليها انتي من يكون هو ولا هي

هزلت ابو شنب مو ولد ابوه ان ماكان هو

الا قله قليله و يسمون في عالمنا الذكوري المستبد رخوم و بعالم النساء طراطير :)

والله ياحلوه ماشوف بالسعوديين شي غير الناس الثانيه أدخلي بمنتديات للدول الثانيه نفس همومنا ومشاكلنا صح حنا يمكن النسبه أكثر بحكم الوضح عندنا المرأه أغلب وقتها في بيتها ,ومرتبطه بالرجال سواء زوجها أو أخوها وأبوها .وإلا أنا أعرف حريم من دول عربيه كل يوم وهي تبكي عندي مشاكل ومحاكم والله يستر على المسلمين ,,
لكن أقولك في حريم تصرفها مع الرجال هي تجيب المشاكل لنفسها ماتحسب للرجال حساب وإلا تكون خبيله وحاطه نفسها طيبة بالأخير إذا تعود الرجال على هالطيبة الزايدة بالأخير أنفجرت عاد من يحلها,,
أتمنى ماأكون أسأت لأحد ......بوسه لك ياعسل.

ياحبيبتي اذا قلتي لي ان المشاكل الزوجيه هي حصريه بس عند السعوديات بس انا اقولك ليش ؟؟؟؟؟؟؟؟؟؟؟


اذا تكلمتن بمشكله او فتحتن موضوع ابي اعرف تخصن ليش يعني هالحين مافيه مشاكل الا في بيوت السعودييات بس السوريين المصريين البنقاليين ماعندهم مشاكل حياتهم هادئه هنيه


اكيد لا لكن المشكله عندنا نحن ليش 0000 لاننا انطلع عيوب بعضنا 00000 لا والمشكله نزعل لو سمعنا ان في احد يسب السعوديات او الخليجيات عموما

طيب ليش تزعلون وانتم انفسكم معترفين ان هالشي اللي مو زين فيكم انتم وكان الله خلقها لكم انتم فقط وكان الناس الثانيه عايشين بحب وصفاء ووئام


لا مو كذا بس انتن يوم تتكلمن عن اي شي مثلا عن خيانه

الحوار اللي يدور : الزوجه : زوجي اكتشفته يخوني 000 الصديقه : اي كل السعوديين كذا 00 يعني انتي مو اول ولااخر سعوديه يخونها زوجها 000


صح مو هذا الحوار اللي يصير المشكله فينا احنا لما نخص المشاكل على الجنسيه واكيد ان هالشي ماله اي صله


بدال ماتقول كل الرجال كذا تخص جنسيته ليش ماادري

اجل ليش نلوم شبابنا يوم يسبونا اذا انتن معترفات بهالشي


بالنسبه لسؤالك اللي تسالين عن العموم وليس عن جنسيه معينه

ومعروف ان اغلب المشاكل الزوجيه تكون 60% لان الزوجه اتكبر راسها والا لو جت بالهداوه واللين كان اتقت شر اغلب المشاكل ولكن هذا يشد وهذي تشد فتكبر المشكله



بس وربي عن تجربه اذا خليتي زوجك هو همك وانشلغتي بزوجك عن ربك وصار الاهم عندك رضا زوجك بتشوفين المشاكل اتحذف عليك من كل مكان


واذا قربتي من ربي وقويتي علاقتك فيه وصليتي كل فرض بوقته وقريتي قرآن وقريتي وردك من الاذكار كل يوم وربي بتشوفين السعاده والهنا وزوجك يدور رضاك سبحان الله


بس خلي ربك اهم شي عندك وشوفي كيف تتغير حياة الوحده

والسعوديات على قولتك اللحين مافيهن شي ناقص كاملات والكمال لله وحده

تلقين الوحده جمال وذوق وذرابه وفوق ذا كله تعرف كل شي عن الزواج كلللللللللللل شييييييييييي اللي عمرها 7 سنوات اساليها اي شي عن الزواج وتقولك كل شي

انا اللي اشوفه انو بنات اللحين ماشاءالله تبارك الله عليهن يعرفن كيف يتعاملن مع الزوج وكيف فن الاستقبال واشياء كثيره تهوس

اللي كانت تربيتهن شوي قاسيه ومايعرفن شي لاعن الزواج ولا اي شي هذاك اول اما اللحين ماشاءالله رائعات بكل شي


والله يوفقك بحياتك ويزوجك وتكون حياتك سعيده بعيده عن المشاكل


امين انتي وبنات المسلمين

والله ياقلبي الرجال جاحدين وناكرين للمعرووووووووووف