الرجال شوفوا وش يقولون عنا..

اه على حالنا
نحن معشر النساء:06:



اه على حالنا
نحن من جلبنا لنا الغباء:06:



اين ولى الدهاء
اين اختفى الذكاء



اقول اسمعن ياحريم ويابنات ويا عجايز:27:


الله يسلمكن هذا بعلي زوجي ماي هزبند مخلوقي( هذه تنقال عندنا احنا في قبيلتنا)


رجع البارح من الاستراحه متاخر ومو من عوايده
سالته ليش:mad:
قال لي اسكتي


اليوم قعد ت مع شباب الله لايوريك


وانصدمت في جارنا ابو مشعل

قلت ايش به

قال بيتزوج مسيار

وقاعد يسب في زوجته
انها دبيه ووسخه وعجوز قريح



وووووووووووووووووووووووووووووو ووووالخ:35:


قام الثاني قال صك بالثانيه وريح نفسك وجدد شبابك


قال ابو مشعل
والله ان المره كاسره خاطري والا التجديد حلو


المهم يقول بعلي اللي هو زوجي

انهم قعدوا يتريقون على الحريم تريقه مو طبيعيه



خذن على سبيل المثال


واحد يقول

انا بصراحه كلماشفت نفسي مضايق اقول لزوجتي ترقص

وافطس ضحك من قلب على بالها رانيا فريد شوقي:hahaha:


يقول والله احس البيت بيطيح من رجولها اللي تقول لحمة الشاورما



واحد يقول


تدرون عاد ان عند حريمنا تسمم فكري
يقول زوجته متسممه بالغرب

كل شوي طايحة له بليله روماننسيه يقول مره ادخل البيت القاه اخضر ومره احمر ومره اصفر

يقول لا ولا زم الاكل يكون فين نفس اللون اللي هي اختارته




يقول اللين ماقلت لها الله يلعن من عاد يعطيك فلوس:mad:

ومن وقتها قال ارتحت من جد ورجع البيت للونه الطبيعي


هههههههههههههههههههههههههههههه هههههههههههههههههههههههههههههه هههههههههههههههههه

قام ابو مشعل اللي هو جارنا قال


انا والله اذا ابغ اقهر زوجتي وكنت شايل عليها

ارجع البيت متأخر والاقيها متشيكه ومنتظره وعين مفقحه وعين مغمضه واول مادخل اقول لها ماعليش تعبان واخذ فراشي واروح غرفة ثانيه
هنا انتصر على زوجتي

موقف ثاني لابو مشعل

بقول اذا ابغ انقز بلوف الحرمه



اقول لها بطلع اتغدى عند الشيف اسامه
قصده بيطلع عند جاره اللي زوجته تعرف تطبخ زي الشيف اسامه




يقول وهنا تبدا المعركه

نصيحه سووها وتعالو بكره وقولو لي ايش صار


يقول انا زوجتي اذا قلت لها كذا


لازم احط في بالي

اني من بكره بروح اشتري مواعين
لانها بتحط حرتها في المواعين


والاولاد

بس كله يهون عشان استانس مع ذي المره وكل واحد يجيب موقف وماخفي كان اعظم لاني اخاف يشوتوني انا وعفشي برى المنتدى

وتتعالى الضحكات و القهقهات والشهقات











ام مشعل




اعرفها زي ماعرف اسمي وانا وهي مشرفات بقسم الطبخ في منتدى نسائي اخر

انسانه حبوبه طباخه تحب زوجها


تهتم فيه وبشكلها
مواضيعها كلها عن سعادة الزوج وكيف تكسبينه

وعن احترامه لو تشوفونها يابنات تحبونها


مسكينه موداريه عن الاعيب زوجها



يالله يابنات


كم واحده فيينا خلت زوجها كل شي بحايتها ونسيت نفسها وربها ودينها حتى في صلاتها تفكر في زوجها وايش تلبس له وايش تطبخ له وايش تقول له لما ينام ولما يصحى ولما يدخل دورة المياه الله يكرمكن



كم واحده خسرت صديقاتها وتساهلت تسال عن امها او اخواتها بسبة ذا الزوج

كم واحده لعب في حسبتها زوجها وهي باقي بتسوي له ليله صينيه وليله فرنسيه وليله مصريه


كم واحده فينا ارهقت نفسها وتفكيرها ومخها وعقلها وعظامها وقلبها وبنكرياسها وكبدتها وقولونها عشان تكسب ذا الزوج ومايتزوج عليها

ولو شفنا ايمانها وطاعتها لربها واهتمامها بدينها قلنا على الدنيا السلام


الله يهدينا كلنا ونعرف اللي لنا واللي علينا

lملاحظة
الموضوع منقول بحذافيرة من دون اي تغيير