الرجوع الى المدرسة

امس اتذكرت اول يوم بدات الدراسة لما كنت سادس ابتدائي
طبعا زي دائما ما قدرت انام في الليل وما صدقت اذن الفجر
كان عندي اختي الصغيرة داخلة اولى ابتدائي بس مو نفس المدرسة
وانا مين قدي سادس هده مو اي شي.
المهم وصلنا الوالد للمدرسة والمفترض انه يوصل الوالدة في الثانوية اليي جنبنا .. بس شكلها قررت تروح مع اختي في اول يوم وادخل المدرسة عشان اتفاجأ انا وكل البنات ان المدرسة مبهدلة اخر بهدلة فيها اصلاحات والمفروض ان الدراسة تبدأ يوم الثلاثاء بدل السبت بس ما قدروا يبلغونا:confused:
الله على الورطة الوالد مشي خلاص وقالولنا نتصل على اهالينا يرجعوا ياخدونا .وفي البيت مافي احد.
تخيلوا بس ايش سوينا ؟ كيف ربي حفظنا ماادري ؟؟.
اتجمعنا حوالي 5 بنات وما خلينا لا بقالة ولا مكتبة ولا الحدايق الا ما رحناها ولا احد من المدرسة يسال عننا!!!
ورحنا للمتوسطة اليي جنبنا نكلم البنات من فتحة في الجدار وناخد منهم فلوس نشتري لهم من البقالة.
ولما تعبنا خلاص رحنا الثانوية عشان اليي لها اخت واليي لها ام ترجع معاها اخر النهار.
وانا واقفة عند المدخل الاقي اختي الصغيرة من ورايا تحكيني عن مدرستها والله ما ادري ايش قالت من الدهشة:eek:
حتى امي مافي طيب لو ما قررت تجي تطمن على اول يوم كيف كان ؟؟؟
ما اتذكر حكيت اهلي عن يومي كيف والا لا!!
وبعدين قررت العائلة اني ارافق اختي في الاسبوع التمهيدي وارجع مدرستي وقت ما تفتح
ويوم الاثنين سالتني مدرسة عندهم :انت ما عندك دراسة؟
انا خلاص:44:....... بكيت مقهورة مررررة
ورحنا اليوم المنتظر الا ونفس الموال :12:
بس هده المرة الواد عرف من زميله انهم مقفلين عشان بنته معايا في المدرسة الخايبة. تدروا اني اكرهها الى اليوم.
بس حسيت بحب كبير للوالد الله يحفظه كنت راح اطير لما شفته راجع
طوووووووولت:eek: