الرحمه ياناس باخوانكم من الاب 🌸🌸

السلام عليكم ورحمه الله وبركاته
كثير اشوف نماذج من الناس ي بنات كثير واتاثر من هالشي
كثيرر
كل وحده عندها اخ او اخت او اخوان او اخوات يرحمون
اخوانهم وخاصه لاصاروا صغار اتكلم عن اخوانكم واخواتكم
الي من الاب ارحمووهم حنو عليهم واصلوهم يمكن محتاجينكم وانتم ماتدرون يمكن محتاجين وقفتكم
وانتم ماتدرون يمكن محتاجين رحمتكم لهم وانتم ماتدرين
ترا الرحمه زينه ارحموا من في الارض يرحمكم من في
السماء اذا شفتوهم محتاجين ملابس و اكل و شرب
و فلوس اخذوا بيدينكم كيس ملابس لهم و اكل و فواكه وشرب
ماتدروون انهم بامس الحاجه لها وانتم ماتدروون
خاصه اليتامى الي متوفي ابوهم وهم صغار واخوانهم
الي اكبر منهم ناسينهم حرااام هذول لحمكم و دمكم
ارفقوا بحالهم تراهم تيتموا والله ماتدرون كم ليالي
تمر عليهم وهم جياع لاتقولون عندهم ضمان لا مايكفيهم
حق نص شهر الرحمه يابنات
واتكلم عن الي يكرهوون زوجه الاب طيب اخوانكم
وش ذنبهم بروا فأبوكم من بعده قوموا فيهم موعشانهم عشان الله عشان ابووكم
والله كثير اشوف الي ينظلموا هالصغار طيب وش ذنبهم
تقاطعونهم ولاترحمونهم مو كل ماشفت ناس على النعم
والخير والاكل والشرب ولايدروون عن هاليتامى الي ينامون
جوعانين وبردانين والي ترعاهم امهم يد وحده ماتصفق
تكفوون يالي متوظفه ومنعم عليك الله وعندك خدم وحشم وسواقين
طلي على اخوانك شوفيهم هم محتاجين شي
اتكلم على الاخ الدكتور ولا الضابط الي منعم عليه الله
ماقال امر واشوف اخواني هم بحاجه شي او انزل لهم مصرووف شهري حراام هذول لحمكم ودمكم
تدرون فكل كبدٍ رطبه اجر والله الي تسوونه اجر لكم والله
اجر اتصلوا عليهم مروهم شوفوهم والله اشوف ناس كذا محرومين
من اخواتهم واخوانهم ليش بسبب الكره لزوجه الاب طيب واخوانكم مالهم ذنب
وين حق الله ياناس ارحموا ترحموون
رساله اوجهها لكل وحده عندها اخوان واخوات من الاب
شوفي اخوانك زوريهم اتصلي عليهم واذا انتي مقتدره اعطيهم تراهم تيتمووا وهم بحاجتكم الحين
افعلوا الخير حتى لو استصغرتووه لاتدري ايها تدخلك الجنه
فمابالكم باخوانكم واخواتكم الي من لحمكم ودمكم
🌹🌹🌹
ادري كلامي ملخبط بس حبيت اوصل لكم رساله لان منقهره من داخلي عن الي اشوفه واسمعه من الشي ذا الي قاعد يصير ☹