ربي يحفظهم يارب بناتك ويفرحك فيهم يارب . الآن تغير الوضع في جميع للمستشفيات ممنوع استخدام الصناعي ويجب على الأم أن تحضر ثلاث مرات يوميا الرضاعة وان لم تستطع الحضور يجب عليها أن توفر الحليب من صدرها للطفل لأنه يساعد على شفاء الأطفال سبحان الله وتعالى وهو أقوى مضاد حيوي ربي كتبه للإنسان.

بالنسبة ابنتك ربي يحفظها لك ويرزقك برها وصلاحها أنصحك بحاجة وحدة ارقيها بالقرآن . بتقولي كيف بقولك علميها ترقي نفسها وتحصن نفسها واحضنيها وقربيها لك واعتبريها توها مولودة جديدة تحتاج نفس العناية اللي تحتاجها بنتك أم الأربع شهور . ووشوفي كيف عصبيتها ونرفزتها بتخف عنك . عندي ولد عمره أربع سنوات الحمدلله نفس وضع بنتك جلس بالمستشفى فترة وكان عصبي ويتنرفز أخذت طريقة امي الله يطول بعمرها ويخليها لنا أتذكر كانت تنام بيننا يا عيالها وبناتها وتعلمنا القرآن والتحصينات لدرجة الواحد ما يخلص ثلاث سنوات إلا حافظ المعوذات والأذكار وأواخر سورة البقرة .
صرت تطبق نفس الفكرة على عيالي وأنام بعض الأحيان معاهم وبعض الأحيان اجيبهم بغرفتي وننام انا وابوهم بالنص وهم حوالينا.

والله ثم والله ولله الحمد والمنة يارب
كل عيالي الآن حتى أبو أربع سنوات حافظين جميع الأذكار وجميع التحصينات ودعاء الخروج والدخول والمسجد والسفر والاستيداع للنفس والاهل عند الله وما في أحفظ من ربي لنا والكبار ختموا جزء عم غيبا مع حفظ سورة الملك لهم كلهم حتى الصغير ، وهذا من فضل ربي وحده انا طبقت الشي اللي تعلمته عليهم وهم ماشاء الله تبارك الله أحسن مني .

والله مافي عندي وقت أسعد وأغلى من لحظة اني اجي أخرج من بيتي عيالي يحضنوني ويسلموا علي وكل واحد فيهم يجري عشان يقولي يا ماما ودعتك الله الذي لا تضيع ودائع. حتى ولدي الصغير أبو أربع سنوات وهو لسى ما كملها يعني عمره بالضبط 3 سنوات وسبع شهور

الله يجززاك كل خير على كل كلمه كتبتيها ويجعلها ربي في مواززين حسناتك


المجتمع اللي احنا فيه صاير ضد الرضاعه الطبيعيه ماادري اش مشكلتهم لما جبت بنتي وكانت بعمليه اصريت ارضعها طبيعي وكل اللي حولي عارضوني وطنشت كلامهم ولله الحمد والمنه رضعتها سنه ونص

الله يجزاك الجنه أختي موضوعك جاء في وقته
كملي الموضوع لا فض فوك عزيزتي

انا بكره أخلص الأربعين وارضع ولدي طبيعي الحمدالله لك يارب
بس مره حزنت ع بنتي عمرها سنه ونص رفضت الطبيعي بتاتا حاولت معها شتى الطرق ورفضته دحين عمرها سنه ونص ينفع اعصر لها واحطلها برضاعه خفت من أضرار الصناعي لها ع أقل اعطيها رضعه لو مره باليوم ولو حتى قليل أهم شيء يفيدها ولو مل وايش رايكممم شجعوني لأنه باقي لها 6 شهور وتكمل سنتين

جزاك الله خيراً.