Thanx dear for your perfect words

i really appreciate it

yours

rejawi

هلا وغلا اختي رموز

حياك الله يالغاليه واشكرك على كلماتك

اختك

اهليييييييييييييييييييييييييييييين ارجوان حياك وبياك وسلمت يالغاليه يمناك

مرحبتييييييييين حبايب..:26:

(((((((((((((((((((((((تتمة الجزء السابع))))))))))))))))))))))))))))))))



انتهت ايام المحاضرات وقربت ايام الامتحانات النهائيه .. كانت جروح تحس بطفش رهيب خصوصا انها معسكره بالبيت مقابله كتبها وملازمها.. فقدت الكليه باعتبارها المكان الوحيد اللي تنفس فيه عن روحها..

يمه وش رايك نطلع للحوش احس نفسي بأختنق .. مليت من المذاكره ومقابل الكتب ..
:(

كانت امها متمدد على الكنبه ومغمضه عينها ..والله يمه مالي خلق جسمي متكسر ..تعباااااااااااااااااانه.. خذي الفرشه واطلعي شوي ..غيري جو..


سلامتك يمه وش فيك ؟؟
:( وبعدين وش يطلعني لحالي زي الجني مااعاد ابي هونت ..بس انتي وش فيك؟؟


ام جروح..مافيني شي يمه بس من كثر الشغل احس ظهري مثل النار ..


جروح..سلامتك يمه ماتشوفين شر تبين اجيب لك شي ؟؟

لا ماابي شي بس قومي ذاكري الله الله بالعلامات اللي ترفع الراس .. ترا الشهاده بتكون سلاحك الوحيد في المستقبل .. لا انا ولا ابوك بندوم لك لاكن العلم بيكون معاك ويرفع شانك..

ردت جروح بعد ماحبت راس امها ,,الله يخليك لي ولا يحرمني منك لاتقولين هالكلام ترا انا من دونك ولا شي ..

رن تيلفون البيت ..قومي يمه شوفي التيلفون لايكون ابوك :42:..بسرعه يمه لا يشب علينا ..

ان شاء الله يمه الله يستر منه ..ردت على التيلفون بارتباك.:09:

سلااااااااااااااااام سليم ارق من النسيم لمن سكن القلب والوجدان..

جروح وهي تضحك ..الحمد لله والشكرهذا انتي .. الله يرجك زود على اللي فيك وبعدين من اللي ضاربك على ظهرك خلا الكلام يطلع دفعه وحده يالمرجوجه..

سارا..هذا جزاي يالدبه ..انا love انتي يا big cow..

جروح ..والله اللي دجينا دام ذي لغتك وانتي مابقى لك الا سنه وتتخرجين..وترا ما ال cow على قولتك الا انتي .. انا ماادري من اللي صاقعني على راسي ومخليني اصادقك..

سارا ..لك الشرف ياألبي .

جروح ..طيب لي الشرف وش تبين داقه ياللزقه..

سارا .. دقوا عظمك وباعوه لمجاعه الصومال قولي اامين,,يالعوبى ياام لسان طويل ..

جروح وهي رافعه يدها .. اقول يالهبله يالفاغره وش متغديه اليوم ..والله مدري وشلون عبدالملك بيتحملك اكيد امه داعيه عليه ..

سارا اشششششششش يلَه .. يتمنى ظفري ..

جروح.. ايه طيب اقول خلينا من هالسالفه ....ذاكرتي ؟؟؟؟.. اكيد.. لا.. كالعاده ..!!

سارا.. اقول ياقدمك الى الحين ماتطورتي .. الناس ماعاد تذاكر كل شي صار بالنيه ..

جروح تضحك.. بالنيه .؟؟؟ انا مخليه التطور لك ياالمتمدنه..اشبعي منه ..


سارا.. ماتبين ابقي لك منه ؟؟؟ خخخخخخخخخخخخخخخخخخخ اقول جروحه..؟؟

جروح ..اهاااااااااااااااااااااا وانا اقول هاالمقدمه وlove اكيد وراها بلا ؟؟ اهاااااااا وش تبين ؟؟


سارا .. ابي اجي عندك مشتاقه اشوف كشرتك والله فقدتك لي ثمانت ايام بلياليهن يوم ينطح يوم..

جروح مو مصدقه لان هذي اول مره تصير لها .. تجين ..؟؟ والله والا تستخفين دمك..


سارا ..لا والله باجي انا جاده ولاول مره من ولدتني امي خخخخخخخخخخخخ.. بس اول خليني اسأل عن شرشبيل.. ابوك فيه ولا لا .؟؟ اخاف اجي ومايردني الا حوش البيت تعرفينه يموت بطاريي ..؟؟

جروح ..هههههههههههههههه تطمني ابوي مسافر وماراح يجي الا بعد بكره يعني الدار اماااااااااااااااااااااااااااااااااان..

>>>>>>>>>>>>>:42:

بعدها بساعه ونص جت سارا عند جروح واللي كانت جيتها زي البلسم .. ام جروح حست بفرحة بنتها علشان كذا تشجعت رغم تعبها وقامت تجهز لهم القهوه والشاهي وخبزت لهم فطاير اللي كانت مثل القطن .. غير البيتزا اللي كانت من يدها لها طعم ثاني .. وام جروح عندها خبره كبيره وفن عجيب بالطبخ الكل يشهد له واولهم زوجها ..


سارا .. والله كلفتي على نفسك ياخاله ماكان فيه داعي تتعبين نفسك ..


ام جروح .. اللي غالي على بنتي احطه بعيوني ..وانتي بنت كلك ادب واخلاق وتستاهلين كل خير..

سارا منحرجه من المدح .. تسلمين خالتي استريحي معنا ..


ام جروح .. لا اخليكم تاخذون راحتكم وانا عندي شغل بالمطبخ بأروح اكمله..




جروح .. لا يمه لاتسوين شي الحين انا وسارا بنقوم وننظف المواعين اتركيها بس تراك تعبانه ..والا نسيتي ..

ام جروح .. والله انك منتي صاحيه بتكرفين البنت وهي اول مره تدخل بيتك اقول اركدي بس وانسي المواعين اليوم اجازه لك ..

جروح ..الله لايخلينا من هالوجه السموح ..

سارا ..تسلمين ياخالتي ماقصرتي ..

طلعت ام جروح من هنا .. وسارا قبصت جروح قبصه حاااااااااااااااااااره بغى يطير عقل جروح منها لاكنها بذاك الوقت كررررررررررررررتها ضحك لانها تعرف سارا ماتعرف تتصرف اذا انحرجت فكانت القبصه رد فعل متوقع..

اححححححححححححح هههههههههههههههههههههههه الله ياخذ ابليسك يالعجوز والله المفروض انك دلاله في سوق وشيقر على هالقبصه ياحرها وجع..ههههههههههههههههههه

سارا ..سااااااااااااااااد يالشينه يالمنتفخه ياحديقه الحيوان يملاهي الخيمه ياااااااااااااااااااااااااااااااسوق الخضار..

افااااااااااااااااااااا البنت خذرفت هييييييييييييييييييييييه وش تقولين انتي ..؟؟

ايه الله لنا انا اشتاق لك واعني وانتي ماخذتني بالاحراجات ..

جروح بهالوقت طاحت غشيانه من الضحك على شكل سارا كانت تتصنع يطلع شكلها زي البزر ...هههههههههههههههههههههههههههههههههههههههه والله انك نكته .. اقول خذي هالفطيره عربون محبه واعتذار..
..
هااااتي اشوف ...**وحطتها بفمها على طول**... اصلا مالك منه الله يعافي خالتي اللي مسويتها والا انتي لو حدك كان مقدمه لي كاس مويه وبس ....

هههههههههههههههههههههههههههههههههههههه والله يالدبا وسعتي صدري من شوي كان ودي انتحر من هالكتب اللي غثتني ..

سارا .. والله انها محومه كبدي بعد علشان كذا قلت اطلع واغير جو ..بصراحه هالسنه ماعاد لي خلق للمذاكره مدري ليه ؟؟

جروح .. من اللي ماخذ عقلك والا السنتين اللي راحت ماكان شاغلك احد وكنتي ماشيه زي الساعه..

سارا.. لا والله ملوكي ماقصر معطيني ركبه من اسبوع يقول مابي اعطلك ..

جروح تناظرها بنص عين .. يعني مشتاقه ..؟؟..

سارا ..منزله راسها وعاضه على اصبعها الكبير .. نص ونص..

جروح .. اقول خلي عنك الاصبع وكلي فطاير امي هذا خليه لليوم الاسود..

سارا.. خخخخخخخخخخخخخخخخ وش قالوا لك من اكلة لحوم البشر هههههههههه

رن جوال سارا نغمه عسكريه .. الداخليه يتصل ..

ضحكت جروح يوم شافت الاسم ..

الله يرجك من ذا اللي مسميته الداخليه ؟؟

ذي امي الله يسلمك ..اكيد هي عند الباب ..

جروح ضاق صدرها .. ليه والله تو الوقت .؟؟

سارا وهي تشوف في ساعة يدها ..وين تو الوقت شوفي الساعه عشر ونص..؟؟

لبست عبايتها وسلمت على جروح وقبل ماتطلع فتحت شنطتها وطلعت منه صندوق صغير مغلف ومعاه كرت ..

خذي ياجروح ولو انه مو من قدرك بس انا ابي شي يكون تذكار بيننا ..ولا تقرين اللي مكتوب بالكرت لين اطلع وعلى فكره ترا بطاقتك انتي وامك حطيتها جنب المركى في مجلسكم يمكن تتغير الظروف وتقدرين تجين ..

نزلت دمعة جروح وضمت سارا بكل قوتها لانها الوحيده اللي تقدرها وتحبها ..

سارا كانت مغطيه وجهها وتبي تصرف جروح لان العبره خنقتها .. هييييييه ابي اتنفس يله عاااد لااذنقلبه فلم هندي واتاخر على امي ..

طلعت من البيت وقبل ماتسكر الباب .. سلمي على امك وقولي لها ماقصرتي وتسلم يدك ..وانتي ذاكري زين.. بااااااااااااي ..

سكرت جروح الباب وراحت بسرعه للمجلس وفتحت الكرت والي كان مكتوب فيه

’’ الى دبدوبتي العزيزه مع التحيه ..اتمنى ان ينال ذوقي على اعجابك وان يكون بمثابة ذكرى تتذكرينني به دوما ’’
محبتك سارونه الحلوه..

فتحت جروح العلبه وكان فيها خاتم نااااااعم من الذهب الابيض جربته على يدها واللي اعطاها حلاوه كان منظره مررررررررررره حلو..

جروح .. والله المفروض انا اللي اقدمه لك في زواجك بس والله ان فيك الخير دايم ..

قعدت جروح ترتب المجلس من بعدهم ثم راحت توري امها الخاتم اللي اعجبت فيه بالمره وجلست تدعي لها ان الله يسخر لها ويوفقها دنيا وااخره..

في نظري ان الصداقه اعظم شي بالوجود خصوصا اذا لقيت شخص يبادلك نفس الشعور ..يكون لك مخلص ومحب وناصح..


...................................................................................................................................................................
وبمكااااااااااااان بعييييييييييييييييد عن بيت جروح

في الشـــــــــــــارع ..

.اول ماطلع سلطان من بيته سمع صياح وصراخ واصوات عاليه واللي كان مصدره بيت جيرانهم **اهل روان** .استغرب لان الاصوات كانت عاليه مره غير انها اول مره تحصل في حيهم .تقدم شوي يدفعه فضوله وقلبه قبل كل شي... مثل باقي الجيران اللي كانوا متجمهرين حول الحدث ...منظر حرمه كبيره بالسن وجنبها ابوروان جاثمه بالارض وهي تصايح تترجى رجال واقف فوق راسها وشوي الا تحب رجلينه.. هالرجال كان طويل وممتليء ومن وقفته يبين ان له هيبه كبيره.. معاه اثنين من رجال الشرطه عرف سلطان من السياره اللي موقفه عرض الباب إنهم تابعين لهيئة الأمربالمعروف والنهي عن المنكر...من الاصوات العاليه اللي كانت تملأ ارجاء الحي فهم انهم ماسكين بنتهم بمكان مع مجموعه من الشباب..
الهيئه كانت تراقبهم من فتره واليوم تم القاء القبض عليهم وبالجرم المشهود .. كانت الام في حاله هستيريه واضحه..كانت تترجاهم وتستعطفهم انهم يتركون بنتهم وانها بتكون ااخر مره وهي تحلف وتقسم .. مسئول الهيئه كان يبعدها عن طريقه و ماعبرها ولسان حاله يقول وينكم عنها كل ذيك الايام ..

..اما ابوها فكان منزل راسه من الفشيله والعار اللي جابته بنتهم ومابلسانه الا.....’’ الله لا يبارك باليوم اللي جيتي فيه هالدنيا فضحتينا وفشلتينا ’’شالوا روان واللي معاها وودوهم لمركز الهيئه في الحي.. حكم عليها بالجلد اما اللي كانوا معها فحكم عليهم بالجلد والسجن ..

سلطان كان مذهول من الموقف اللي شافه روان اللي كانت في قمة انكسارها وضعفها بين يدين الشرطه .. وهي ماتبرمت ولا بكلمه ولا نطقت بحرف من شدة الموقف عليها ..كانت ترجف من الخوف وتطالع حولها وحواليها من انكسار امها لذل ابوها الى نظرات الجيران اللي كانت عيونهم قبل السنهم تسأل وتستفهم عن اللي يصير ومن دون ماتحس طاحت عينها بعين سلطان وكانت الدمعه تغرق عينها الم وندم ..

سلطان ركب سيارته وفي خاطره .. ياليتني مت ولا شفتك بهالموقف .. هذي المره الثانيه اللي ينصدم قلبي فيك .. حسافه ضيعتي نفسك بيدك ..ياليتك حافظتي على نفسك وحافظتي على عفتك وسمعتك ..لاكن وش يفيد الكلام الحين ..وبعد اللي صار احمد ربي وأشكره انه انار بصيرتي وقلبي ..اللي كان مايقدر يتحمل يسمع عنها اي كلمه.. راحت ايامك ياروان .. مااتخيل ضعفي كل ذيك الايام ..قلبي اختار غلط لاكنه صحى بالوقت المناسب يالله لك الحمد والشكر والله يعافيها ولا يبتلينا بما بلاهم ..

حرك سيارته وهو حزين وقلبه مقبوض ماكان متصور انه بيوم بيشوف هالموقف ابدا ..لاكن المكتوب عالجبين لازم وحتما تشوفه العين..

رن جوالـــــــــه ..المتصل .ام نواف

كان متضايق مرررررره باللي شافه ..هلا نوال بغيتي شي ..

لا سلامتك بس وانا طالعه للحوش سمعت اصوات عاليه وصراخ من بيت الجيران قلت ياطب عليهم حرامي او احترق بيتهم.. ماشفت شي وانت طالع؟؟؟

سلطان .لا حريق ولا حراميه.... بس يمكن عندهم مشكله وطلعت اصواتهم بس** ماحب سلطان يتكلم عن اللي صار لانها فضيحه وماحب يتكلم عنها ..**

نوال .. الله يستر عليهم.. البيوت اسرار والله يهدي مابينهم ... يله دام مافيه شي.. مع السلامه..

سلطان.. مع السلامه ..

بعد ماسكر سلطان....بدت المكالمات>>>>> تيلفون البيت وجوال نوال ماسكت كلها من الجيران يعلمونها عن اللي صار وكأنه سبق صحفي الكل وده ياخذه له..والله يستر علينا وعلى بنات المسلمين..
%%%%%%%%%%%%%%%%%%%%%%%%%%%%%%%%%%%
الا ليت الزمــن يرجع ورا ولا الليالي تدور..
ويرجع وقتنا الاول ونــنعم في بساطتنا ..
زمن اول احس انه زمن فيه صــدق شعور..
نحب ونخلص النيــه وتجمعنا محبتنا..
زمن مافيه لاغيــبه ولاحتى نفــاق وزور..
ياليته بس لو يرجــع ونسترجع طفولتنا..
صغار قلوبنا بيضــا نعيش بعالم محصور..
ولا نعرف أبد اغــراب ماغير عيال حارتنا..!!

صحيح صــغار في التفكيرلكن ماعلينا قصور ..
نخطط نكسر اللعــبه وتسعدنا شقاوتنا..
نروح المــدرسه بدري ونضحك داخل الطابور ..
نحاول نزعج العــالم في روحتنا وجيتنا..
وعشان نأخر الحصه نخبــي علبة الطبشور.!!

نشاغب بس في الاخــر تميزنا برائتنا!!
نحب الضحك والهيــصه نحب ننط فوق السور..
نفرفش ليه مانفرفــش مادام الضحك عادتنا؟؟

ولكن دااااااااااااااااااااااااااااااااارت الايام وبان الخافي المستور!!
وصار الهم مــتعلي على قمة سعادتنا..
كبرنا وصــارت الدنيا تصف احزانا بالـــدور..
تهدينا الالـم والـهم غصـب عن عين رغبتنا..
تعبنا من بلاوينا احد بضـيق وحد مقهـور.
وكلن غــارق بهمه وفي الاخر تشتتنا..!!
وأنا ماقول غيرالا لـيت ان الزمان يدور..
ويرجع للورا فتره نعــدل وضع عيشتنا...؟؟؟
%%%%%%%%%%%%%%%%%%%%%%%%%%%%%%%%%%%%%%%%%%%%%%%
...............................................................................................................
((((((((((((((((((((((((((((((((((((((((((((((((((((الجزء الثامن)))))))))))))))))))))))))))))))))))))))))))))))))))

بيوم الاربعاء وقبل امتحانات الجامعه بيومين .اجتمعت العائله ببيت فوزيه ...هم متعودين يزورونها قبل ماينشغل عيال وبنات المدارس بالمذاكره استعداد للامتحانات النهائيه ..والشي الحلو واللي نادر مايحصل ان ام جروح وبنتها حاضرين مرتهم هدى مع زوجها بعد الحاح منهم .. ام جروح اخذت الاذن من ابو جروح ولا اعترض .. كانت رحلته بنفس اليوم لاكن متأخره.. يعني الوقت لسا بدري وفيه وقت ترجع ام جروح للبيت وتستعد لأستقبال زوجها.؟؟؟ اكيد استغربتوا ؟؟؟

((الحـــــقيــقه))..

ابوجروح متعود وبعد كل سفره يجي لبيته الاول ...((((حتى يلقى احد ينتظره ويستقبله يعني بالعربي احد يعطيه وجه))))) ؟؟
وانتم عارفين ان زوجته الثانيه ماتهتم بهالموضوع ولا تلقي له بااااااال.. وجوده وغيابه.. رجعته او روحته ماتفرق عندها!!.. اهم شي انه يتم شغلها اللي ترسله علشانه وبس وهو كم مره راح لهم بعد سفريه له وماكان يلقى اي اهتمام ..!!!اما تكون هي وبناتها برا البيت او يدخل عليهم وهم يتفرجون على فلم او يتابعون مسلسل واذا شافوه يكون سلامهم بارد ومافيه شوق.. ومن الجانب الثاني كانت ام جروح على الرغم من نفور زوجها عنها الا ان واجبها اللي بينها وبين ربها تقوم به على اتم وجه.. يعني مثلا..دايم تحرص انها ترتب غرفته وتنظفها وتبخرها بعد ماتغير مفارشها ..تجهز له القهوه والشاهي او ترتب له الوجبه اللي تكون على وقت وصوله .. الخلاصه كان فيه اهتمام وهذا اللي جذب ابو بنتها لبيتها ...


هدى طايره عيونها وحاطه يدها فوق راسها..لا والله احلفي عاد ..

نوال.. والله .. حتى انا مثلك انصدمت يوم كلمتني ام ياسر تعلمني بالخبر .. تقول اهلها بينهبلون وأمها المسكينه ماطلعت من العنايه بعد ماطاحت عليهم .. غير البنات اللي اعتفسوا يوم دروا عن سوايا اختهم الله لا يخزينا..

هدى بانت علامات التأثر بوجهها .. ياالله وابوها اللي معروف بالحاره انه طيب وفي حاله وش صار عليه؟؟؟..

نوال.. ماعاد يحضر صلاة مع الجماعه من الفشله.. ويقولون على ماسمعت انه عارض بيتهم للبيع ..

هدى .. ياقليبي .. والله انعفست احوال العايله كلها ..

نوال ...ايه والله اما روان حابسينها ..لا تطلع ولا تدخل ومانعين عنها الاتصالات وساحبين جوالاتها كلها عنها ..

فوزيه كانت تتكلم بصعوبه علشان الاكسجين اللي بحلقها.. لاحول ولا قوة الا بالله من متى اخواتي فيهم هالطبع ماخبرتكم من النوع اللي ينقل الكلام ويمشي بعيوب الناس الله الهادي ..**وقعدت تكح بصعوبه**

نوال حست بالغلط وانها تجاوزت الحد بكلامها حست بالاحراج من اللي حواليها فما قدرت تبرر الخطأ.. استغفر الله .. والله انك صادقه ماادري وش جاني يمكن الفراغ بحياتي السبب لا شغل ومشغله!!!.مالي الا اني اتتبع اخبار هالناس ؟؟

ام جروح .. صدقتي... والله ماعاد ننشغل الا بالكلام عن فلانه وعلنتانه او نكون قدام هالتلفزيون نتابع مسلسل ونضيق لافاتتنا حلقه ..الله المستعان!!

رجعت فوزيه تكح مره ثانيه بصوره اشد علشان كذا قطعوا سالفتهم وقاموا ينقلونها لغرفتها ترتاح..

بالجـــــــــــــــانب الثاني كانوا البنات مبسوطات فالينها سوالف وضحك وهيصه ..وجروح كانت مبسوطه على الجمعه وماكان يضيق خاطرها الا اذا تذكرت الامتحانات..
كانت علاقتها ببنات عمتها فوزيه ......علياء وعبير وعهود ..علاقه مانقول عميقه الا انها كانت على الرغم من سطحيتها الا ان الاحترام بينهم كبيروخصوصا عهود اللي كانت متقاربه بالعمر مع جروح ..
عهود ..عساك بس مستعده للامتحانات... على خبري تموتين بالدراسه او تغيرتي؟؟

جروح .. ومن شر حاسد اذا حسد ,,,قولي ما شاء الله اعرفك نضوووووووووول هههههههههههههههه

عهود..ههههههههه مشاء الله عليك يابنت خالي انتي احسن وحده في العايله محد وصل اللي وصلتيه بالدراسه ؟؟ حتى داخله قسم يخزي العين محد دخله...

جروح .. الحمد لله والشكر بس ماعاد بقى الا سنه وحده وارتاااااااااااااااااااااااااااااااااااااااح من الهم اللي كابس على قلبي ..

عهود .. دراستكم هالدرجه صعبه ..؟؟

جروح ..ماتتصورين ياعهود الدراسه مرررره متعبه محومه كبدي ومقرفتني حياتي.. اقول خلينا تكفين نغير السالفه ماعاد بقى الاهاليوم استانس فيه وانسى الكتب .. تكلمي لي عنك ياعروس؟؟ عساك تأقلمتي مع اللي حولك وحواليك بالدمام وكيفك مع ابو الشباب عساك متوفقه؟؟

عهود ..الحمد لله خالد انسان مافيه مثله متفهم ومحترم .. صحيح الزواج تم بسرعه علشان ظروف عمله لاكن الوضع معاه مستقر وماشي تمام..

جروح .. وش بسرعه وبس ماامدانا نحضر ملكتك الا قالوا ان عهود جا رجلها واخذها وسافرت معاه ..

عهود.. حتى انا مثلك ماكنت ادري اذكر اليوم اللي دخل علي اخوي عمر يقول اجهزي ترا عرسك بعد خمس ايام... بغى شعر راسي يشيب من الروعه بس اشوى اني كنت منتهيه من الجهاز وماكان باقي الا اشياء بسيطه..

جروح .. طيب عقب ماعشتي بالدمام وش تحسين مرتاحه ولا لا ؟؟

عهود....... اااااااااااااااااااه لاتذكريني تكفييييييييييييييييييييييين والله اني بضيق اكثر من اللي فيك من جد ماقدرت اتاقلم على الجو هناك..

جروح..تقصدين الرطوبه ؟؟

عهود..ههههههههه لا مااقصد الرطوبه ياحليلك بس ..اقصد الاجواء الاجتماعيه .. لا جيران لا اقارب ولا شي .. كل اللي اسويه هذا طبعا اذا لقى ابو الشباب وقت فاضي يطلعني .. يانطلع للبحر او نتمشى في الشوارع وبالعطل نروح الخبر ..تخيلي لحالنا لا معانا احد ولا نعرف احد هناك..

جروح .. طيب زملاءه بالعمل ماعرضوا عليه يتعرفون اهلهم عليك ..

عهود بحزن .. لا ..شفتي النحاسه ؟؟؟ حتى الجيران مالي علاقه فيهم ابدا . خالد منعني عنهم يقول ماارتحت لهم كل بيتهم شباب ..

جروح ..ياحرام عاد دايما مااسمع الناس يروحون للشرقيه يصيفون فيها ومايصدقون الاجازه تجي يروحون لها يقولون فله ووناسه ؟؟

عهود .. ايه مثل ماقلتي يروحون بالاجازات ويرجعون مو استقرار زي حالتي ولا اقارب ولا احد ..

جروح .. خلااص روحي زوري خوالي هناك بيفرحون بك ..

عهود.. صعبه ياجروح خالد مو من النوع السهل اللي يرضى على اي شي ..دقيق بكل حركاتي الحين اهلي بالحسره يجيبني وشلون لو اقول له باروح لخوالك ..؟؟

جروح قامت لانها سمعت امها تناديها .. والله احترت بك انتي ورجلك الله يعينك على مابلاك.. ههههههه بأروح اشوف امي اكيد بتقول يلله بنطلع تعرفينها من النوع اللي تشتق قيس بيجي اليوم .. تبي ترجع بدري ورحلته بنص الليل شفتي زي كذا حب وتضحيه ..ههههههههههههههه

عهود الله يرجك يالهبله خالي صار قيس هههههههههههههههه

يالله بأروح تعالي نطلع عندهم ..

خلاص روحي انتي انا جوالي يدق خالد يتصل بأكلمه وبعدها بأجي لكم ..

الله الله اموت انا على اللي يشتاقون ههههههههه شوفي انا اعرف امي مهب صابره بتخبنا لين نطلع ,,,,, انتي خليك مع حبيب قلبك وانا من الحين اقولك مع السلامه نشوفك ان شاء الله وكرشتك متر قدامك خخخخخخخخخخ

يالمرجوجه حشا باص مهب بطن باي وسلمي على امك مااقدر اسلم عليها ..

ان شاء الله..

طلعت جروح وامها مع خالتها هدى للبيت وجا ابوها من السفر


.. كان استقبال جروح لابوها بارد وابوها لاحظ هالشي لاكنه بالوقت نفسه ماقدر يتكلم او يقول شي ..


اكيد جروح ماتنلام على تصرفها ..لاكن الى متى يستمر هالوضع ؟؟؟


القاكم بخير وعافيه متمنيه ان هالجزء ينال على اعجاب الجميع:icon28:

وسامحوني على القصور


اختكم

يسلموا يعطيك العافية