اعتذر عن الانقطاع بسبب ظروف السفر وها نحن عدنا

اولا مرحبتين اختي انقيج والله الشرف لي يوم مريتي على موضوعي وزادني شرف يوم رديتي

الحمد لله ان القصه اعجبتك وان شاء الله تعجبك الاجزاء اللي بعدها

رجاوي

مررررررررررررررررررررررررررررررحبا اختي كوت ودراعه


بصراحه اسمك يطرب يعني لو اجتمع الكوت مع الدراعه وش بيكون النتيجه ههههههههههههههه


الف شكر لك ع المرور والتكرم بالرد وان شاء الله تعجبك باقي الاجزاء

اختك

رجـــــــــــــــــــــ ام راكان ـــــــــــــــــــــــــاوي

مرحبــــــــــــــــــــــــــــــــــــــــــــــ ـــــــــــــــــــــــــــــا بكم جميعا


نظرا للتفاعل اللي لقيته مشكورين فاني راح انزل الجزء الثاني متمنيه ان يحوز على رضاكم


.................................................. .................................................. .................................................. ...............
......((((((((((((((((((((((((((((((((الجزء الثاني)))))))))))))))))))))))))))))))))
في بيت ابو جروح...
وهومعصب ............اووووووووووووووووووووف الحين انا مواعد الشله بعد المغرب ولاعاد فيني انتظر اكثر ..
ام جروح بارتباك ...قصر صوتك حرام عليك لاتسمعك البنت ..هذا بدال ماتقوم تشوف خاطرها.. كله علشان ذا الشله اللي ماوراهم الا الكدر
عصب عليها ابوجروح .. لانه مايتحمل اي شي منها وخصوصا ان العلاقه بينهم متوتره.. ولازم نعرف انه يحاول يكيدها بأي تصرف ظناً منه انه وسيله انتقام ..هو ماحط في باله ان الموضوع مو بيدها وان كله بيد الله سبحانه وله من كذا حكمه.......(((والسر اللي نبي نقوله هنا )))انه تزوج عليها وحده ثانيه من زمان وله منها بنتين وولد وام جروح واصلها االخبر من فتره **صحيح انها تضايقت حيل بالبدايه** لاكن ومع مرور الوقت وبعد ماقلت العشره والموده بينهم تجمدت احاسيسها وتناست الموضوع ولا عاد صار يهمها لو يتزوج وحده او اكثر..المهم عليها انه ساتر عليها ببيت يضفها ويسترها هي وبنتها في هالزمن؟؟؟؟؟؟؟؟؟؟ وبعد ماكبرت جروح علمتها امها بالموضوع لانها ماتضمن الدنيا واحوالها.. وان لها اخوان من ابوها لاكن جروح مااظهرت اي نوع من الاهتمام ابدا..
محمد..اسكتي شب ولا كلمه لاترفعين صوتك علي.
ردت عليه ...لاحول ولا قوه الا بالله الله يمضي هاليوم على خير وبس
محمد كان بأشد حالات غضبه .تسكتيني انتي **يقوم بيحاول يمد يده عليها..الا بصرخه بنته من فوق.**.
لااااا يبه حرام عليك الا اليوم الا اليوم لا تهدم فرحتي .. **بهذا الوقت ناظرها بنظراته الحاره كأن لسان حاله يقول ..
والله لو مانتي جنبي كان سنعتك.**. اخذ ابو جروح شماغه وتوجه للباب .. وام جروح تحاول فيه يرجع بس بدون جدوى ..
جلست الام تصيح والبنت انهارت على حالها بالدرج وانعفست الموازين وماتت فرحه بالقلب من هالاب اللي مافيه رحمه ..
تمالكت الام نفسها ومسحت دموع القهر !! قامت بتثاقل لان الهموم والاحزان هدت حيلها ولا عاد فيها تتحمل وكان هالموقف في هاليوم اللي المفروض تضبط فيه نفسها
علشان بنتها اللي طلعت بها على هالدنيا.. هنا لابد اننا نذكر ان الوضع اللي صار لهم ماكان من بدايه الإرتباط.... خصوصا لأم جروح اللي كانت ومن بدايه زواجها
من اسعد الزوجات بها الوجود .. كان ابو جروح يحبها ويحترمها ويقدرها اعظم تقدير...كانت ماتنام الا بأحضانه ولا تأكل الا من يده ..
غير ماكان يكسيها بالذهب واحسن وافخم الالباس ومايبخل عليها بشي ...
كان يحلم ان يربط بينهم ولد من شده حبها لها ...ومع تاخر الحمل كان يصبرها دوم ويشجعها تكمل فحوصاتها ويقدم لها العلاجات بنفسه ويلومها لو مااخذته بوقته..
.. بعد سبع سنوات ونصف قضوها بأحلى ايامهم مابين سفر ومتعه وسعاده الكل يحسدهم عليها ..اكتشفت انها حامل بس حملها كان ضعيف لمشكله نسويه... فرح ابو جروح فرح كبير حس ان الدنيا ماتملكه من السعاده رغم ان الدكتوره نبهتهم ان تعب ارحامها راح يأثر عليها بعد الولاده وانها ماراح يكون بأمكانها تحمل مره ثانيه لانها لازم تشيل ارحامها ..... صحيح هالامر ضايق زوجها بس من حبه لها .ماحب يبين هالشي.. اما سلوى فكانت متأثره حيل لاكنها لما تشوف زوجها وموقفه الكبير تصبر وتحمد ربها ..

**قبل واحد وعشريـــــــ 21ـــــــن سنه**
محمد ** هاااه سمعتي وش وصتك الدكتوره لا تتعبين نفسك و ترهقين عمرك اللي تبينه يوصلك لحد عندك خلي هالولد يجي تراني شفقان عليييييه حيل
ولا ارضى عليك تتعبينه .. ابيك تتغذين زين خليه يطلع كذا مدربح مدحرج على امه وهو يتلمس كرشتها ..
سلوى وهي خجلانه ..يوه يوه كل ذا الغلا لي لا ماعد اتحمل بس عاااااااااااااد يانور عيني ترا بعدين اتغلى عليك..
محمد وهو يضمها لصدره ..تتغلين ياحبيتي من حقك وانا محمد شبيك لبيك واكون بين ايديك..
سلوى.وهي تضحك على وضعها . ياعسى عمرك طويل والله لايخليني منك وتشوف ولدك وتربيه وتحضر عرسه قل اامين..
محمد.. اامين بس انتي ارتاحي الحين وانتبهي لعمرك..
مرت بعدها اشهر الحمل تعبت فيه سلوى ** ام جروح** اضطرتها تترقد في المستشفى ولضعف الحمل كانت ولادتها مبكره قيصريه ..
الممرضه عند باب التوليد جايه تبشره ..
مبرووووك sir you’v got a beautiful girl
محمد واللي صرف نظره عنها ..هااااه وش تقولين انتي .. مافيه احد يتكلم عربي.. وهو يتلفت يمين ويسار
وبها الوقت طلعت الدكتوره اللي كانت مشرفه على ولادتها ..
السلام عليكم ..
محمد..وعليك السلام بشريني دكتوره عسى كل شي تماااام
الدكتوره..ماخبرتك الممرضه
محمد.. الا والله رطنت علي بس مافهمت من حكيها شي
لدكتوره ..ههههه مبروك ياعم جالك بنت بس والدتها تعبت علينا فاضطرينا نولدها عمليه قيصريه مستعجله بدون مانخبرك خوفا على صحتها وصحه البيبي واللي تسبب منه نزيف حاد مما اضطرنا نشيل لها الرحم والحين هي بالعنايه المكثفه وان شاء الله تقوم بالعافيه ..اما البنت ...........
محمد خلااااااااااااااااااااااااااص مابي اسمع عنها شي..**ومن المفاجأه اللي ماكانت له بالخاطر ابد ..بدا يطلع حكي من غيروعي** انا ابي ولد مابي هالبنت انتم تلعبون علي انتم بدلتوا ولدي اكيد اكيد............هذا كله مدبر تبون تقهروني وتموتون الفرحه بقلبي...
الدكتوره. تحاول تهديه.اذكر الله ياعم مايجوز تقول هالكلام انت في نعمه ..
رد عليها وهو معصب اي نعمه انتي اسكتي بس..
الدكتوره ..لاحول ولا قوه الابالله العلي العظيم
بعدها طلع محمد بوجهه هيمان ركب سيارته ناسي او متناسي اجراءات مابعد الولاده من توقيع وتسميه المولود....
....................................
ووفي احد غرف المستشفى..
ام سلوى..الحمد لله على سلامتك يمه ..والف مبروك ماجبتي قمر والله قمر على امها بس ياحبي لها جسمها ضعيف ..
سلوى ..مبارك منها جت على كذا يمه بعد اللي شفته والادويه اللي كنت ااكلها طول فتره الحمل ..
اام سلوى .. الا وين زوجك محمد نبارك له انا وابوك حق وواجب..
ابو سلوى.. ايه والله يابنيتي انا دورته بالاسياب ويوم لقيته بعد ماسمعت عن ولادتك مال بوجهه عني وراح مسرع تقولين مقروص.... هو سامع عنا شي او احنا لاسمح الله ضايقناه بدون قصد..
سلوى والضيق يعتصر قلبها .. لا يابوي ماجاء منكم قصور.. لا انت ولا امي بس محمد مدري وش جاه من ولدت ماشفته الا خطوه حتى الحمد لله على السلامه ما طلعت منه..

ام سلوى والضيق والحزن بان على وجهها وكأن احساس الام يقول الله يعينك يابنيتي على مابيجيك منه ...
.................................................. ................................
بعدها بكم يوم طلعت ام جروح من المستشفى وقبل ماتطلع بشوي ..
جاء عندها بالغرفه ..
ابو جروح .. انا كملت اجراءاتك وبتطلعين الحين سيدا على بيتك ولا ابي لك زوار خصوصا أهلك ترا البيت يتعذرهم ..
ردت عليه بدهشه كبيييييييييره واستغراب مصدومه من حكيه .اهلي؟؟؟ اهلي؟؟؟. وليه؟؟؟؟؟؟؟؟؟؟؟ اهلي وش سوو فيك يامحمد هذا ماكتب ربي هم مالهم ذنب فكر زين قبل لا تتكلم كذا.. ولاتعترض على حكم ربي احمد ربك واشكره..ماتوقعت يطلع منك كذا وين اللي كان يصبرني ويهديني قبل **وهي تبكي بمراره من شده تفاجئها بموقفه من اهلها اللي بحياتهم ماضروه**
ابو جروح ..هذا اللي عندي ولا ترا البنت عندي من الآن وانتي في بيت اهلك يتحملونك..
كانت لازالت مو مستوعبه الكلام اللي يجيها والموقف كله .. محمد ارجوك فكر بحياتنامعقوله قدري راح بهالسهوله وين حبك وين مشاعرك وين الايام اللي قضيناها وانت تسمعني احلى الجمل كل هذا تبخر ..** ودموعها عيت توقف ..**وين قدر اهلي اللي احترموك واعتبروك زي ولدهم ..؟؟ وش موقفي لو يجون عندي واقولهم ان بيتي يتعذركم .. حط نفسك بموقفي ..يامحمد ارجوك راجع كلامك ..وبعدين بنتي هذي وش ذنبها من طلعت على وجه الدنيا وهي غير مرغوب فيها..هذي بنتي ماكملت يومين وتبي تحرمني منها حرام اللي تسويه فيني حرام **قعدت تبكي بكا بمراره وهي تشاهق .. كانت حرتها كبيره وصدمتها بزوجها شديده**
**محمد واللي كان متأثر بكلامها اللي مايشوبه شي ..لاكن كبرياءه وموقفه مستحيل يتنازل عنه.**.كلامي مااثنيه يابنتي وبيتي .. يااهلك وورقتك وبنتي معاي ,, تراهم شرطي مايدخلون بيتي بعلمي وبدون علمي فاهمه او اعيد.
ام جروح..لا تعيد ولا تزيد.. بس ابيك تعلمني شي وحيد وش اللي قلبك بعد ماكنت تعتبرهم اهلك ؟؟
ابو جروح.. سكري الموضوع ماابيه ينفتح من اليوم الى ماامووووووت وان فتحتيه لحقتيهم..
نزلت ام جروح راسها كانها تسلم بأمرها ومن ذاك اليوم وهي ماتشوف اهلها ((واللي كانوا ساكنين الشرقيه وتحديدا الخبر)).. الا بالمناسبات والاعياد او ان مروا على الرياض قابلوها بمكان عام..وكانت ام جروح ,,سلوى ,, قد شرحت لاهلها الموقف واللي كانوا متفهمين الوضع ..صحيح هم انصدموا من الموقف ومن نسيبهم اللي امنوه على بنتهم بيوم .. لاكنهم فضلوا السكوت كله علشان تستمر حياة بنتهم بسلام..
...............(((وعلى هالمنواااااااااااااااااااااااااال مر العقدين من عمرها مع بنتها اللي احسنت تربيتها))))........ .................................................. ..................**نرجــــع لزمنا**........................................... ...................................

***رن جرس الباب وراحت ام جروح علشان تفتحه لان البيت ماعاد فيه احد الا هي وبنتها **.. واللي صعب انها تفتح ووهي العروس----> برستيج سعودي اخلاقي والنعم به هههههههههههه**
من هنا اسالكم الحين وش راح تتوقعون يصير بالخطبه هل راح تستمر وتمر بخير وسلام ...؟؟؟
.................................................. .................................................. ..............................

في بيت جروح...
ام نواف ..وينكم الله يهديكم لنا ساعه نطق الباب وانتم سافهينا ياكافي؟؟؟
ام جروح.. وهي منزله راسها ..الله يحييكم هلا هلا.. اقول .. خلي سلطان ونواف يدخلون المجلس حياهم وانتي حياك انور البيت يام نواف!!
ام نواف.. منور بوجودك يالغلا . الساعه المباركه اللي خلتني اشوفك بعد هالغيبات وأخوي اللي يبطي عننا ومانشوفه الا بعرس او عزا اللهم ياكافي حتى الاعياد قطع فينا الله يهديه
ام جروح ..تعرفين اخوك مشاغل كثيره ووو...
ام نواف.. لا تدافعين عنه المفروض انتي ااخر من يقول هالكلام الطيب عنه بس والله هذا دليل على طيب اخلاقك ومعدنك الأصيل .. الا على طاريه وينه مااشوفه؟؟!!

ام جروح راحت تجيب العصير وبعد ماقدمته لعمتهم .. حكت لها عن اللي صار واللي بخاطرها كله وانها وبنتها مرحبين بالعريس وانه مايتفوت بس وش بيدها
تأثرت ام نواف بعد ماسمعت الكلام .. اثر السالفه كذا طيب كان قال لنا ان الموضوع منتهي من البدايه ولا خلانا نجي ونتحمس ونفرح ونخطط.. الله يهديه اخوي وبس..والله ماكان كذا ..مدري وش اللي غيره الله يكون بعونك **بدا جوالها يرن وكان المتصل سلطان من المجلس**..
سلطان .. ياااااااااااهوه يالربع نحن هنا من قالكم احنا جايين نتقهوى وين اخوي محمد..ماله اثر.. خلنا ننجز ولدك ناشب لي.. وبعد ماعرف لا يلتفت لا يمين ولا يسار من سطل النشا اللي حاطته بشماغه ..خخخخخخخ
ام نواف.. الله يهديك سليطين الحين انا وين وانت وين ؟ وبعدين انا ماكويتها نواف موديها للمغسله---->شايفين الحرص ما قدرت تعدي هالموضوع رغم همها اللي هي فيه خخخخخخخخخخ
سلطان .. سلامات وش اللي صار؟؟
** نواف التفت عليه ناسي النشا والشماغ كله بكبره حس ان الموضوع فيه ان**
ام نواف خلاص انت اطلع وانا اشرح لك الموضوع بالسياره!!
سلطان..الموضوع في اخوي محمد صح ..؟؟
ام نواف .. ايه بس لاتقول شي لنواف قل انه تعبان حتى مااطلع له واشرح له بهداوه اعرفك بأسلوبك بتطير عقله ...
سلطان.. طيب بس خلي جروح تطلع تسلم علي مشتاق لها اكثر من بعض الناس**ويخز بعينه لنواف**
ام نواف..ان شاء الله ,,,وتسكر الخط..
تدخل جروح على عمتها اللي كانت تغليها وتحبها على اخلاقها وحسن تربيتها واللي اجتمع معها جاذبيه وعلم وحسن تدبير.. هذا اللي خلاها تصر تاخذها لولدها وحيدها ونظر عينها فهي حبت تجمع اثنين من احب البشر على قلبها بالحلال لولا الله ثم الظروف..
قامت عمتها لها اول مادخلت عليها ..هلا بنيتي وش هالحلات وش هالنور اللي جانا هلا ببنت وخيي..
جروح **اللي كانت خجوله مره قدام الناس**..هلا عمتي **وتسلم عليها وتحب راسها الشي اللي كبرها بعين عمتها اكثر**..
ياجعلي مااسمع بيومك يالغاليه وش اخبارك واخبار الجامعه عساك بخير..
جروح ..بخير عساك بالجنه والجامعه زينه ..**جروح تدرس في قسم لغه انجليزيه وهذي السنه الثالثه لها بس للإشاده البنت كانت متفوقه علما واخلاقا بجامعتها وسمعتها زي المسك..
..اقول بنيتي.. انا جايه مع عمك سلطان وولدي نواف نبي نطلبك من اهلك وش رايك انا يهمني اسمع منك انتي ؟؟
جروح..**منزله براسها**اللي تشوفونه وولد عمتي نعم الرجال الله يخليه لك .....وتفز من مكانها تبي تطلع و تناديها عمتها ..
ههههه يازين الخجل وياحبي للي يخجلون.. اقول عمه روحي سلمي على عمك سلطان تراه بالحوش ينتظرك..
ام جروح ..ايه يايمه روحي سلمي حق وواجب عمك حسبة ابوك ..
جروح.. طيب بس ..
ام نواف اادري وش بتقولين ,, ولدي بالسياره ينتظرنا بس روحي انتي الله يكملك بعقلك..
ام جروح ..اللهم اامين الله يحسب جلالكم.. عنيناكم وتعبناكم من دون فايده بس الموضوع موبيدي .
ام نواف............ ردينا... انااعرفك واعرف وش نواياك الطيبه واخوي اذا ماقابلناه اليوم فيه بكره وبعده وبعده وان ماقابلناه فيه جوال ندق عليه احنا مو اجناب انا شاريه بنتك

ام جروح.. الله يجزاك خير بنتي ولك..
ام نواف.. سلمتي يله عاد استاذن**ولبست عبايتها وطلعت**
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,

في السياره واللي سيطر عليها هدوء بالبدايه بعدين بدا الحواربين سلطان واخته نوال في وقت فضل فيه نواف انه يبقى مستمع ولا يشارك,,,,

سلطان .. بصراحه من جد اخوي ماله حق يسوي فينا كذا ..
ام نواف .. لا اللي كاسر خاطري بنته.. اللي كان في وجها حزن اكبر من انه يتحمله احد بعمرها الله بس يعينها..
سلطان .. طيب وش السوات الحين تبيني اطب عليه بمكان عمله افاتحه بالموضوع هذا اذا لقيته مداوم والله انها باط كبدي ..
ام نواف .. لا ياوخيي .. احنا رحنا وعنينا له وهو عارف وش طلبنا .... ان حب الموضوع ورحب فيه فهو اللي بيجي لنا ..
سلطان ..الموضوع فيه خطبه مو المفروض احنا اللي نبادر ولا لا يانواف ؟ هييييييييييييه ياعريس ..؟؟؟
نواف وهو غارق بهمه.. اي عريس ياعم ؟؟ ورجع يناظر للدريشه اللي كانت بجنبه ..
سلطان ..ياولد اختي العزيز جروح بدالها افراح وتهاني وعبير ومزنه بس انت اشر....
نواف ..يابردك ياخالي سلطان فاضي تنكت..

ام نواف ..لا يانواف انا ماربيتك على كذا الاحترام ماله مناسبات ومواقف .. الموقف اللي صار لك .. كثير يمرون فيه صدق انه يحز بالخاطر لاكن مو درجه اننا نضيق على انفسنا ونكتئب ونقلل من احترامنا للي اكبر مننا ,,
نواف ..انا ااسف ياخالي والعذر والسموحه,,
سلطان .. والله انك ماقصرتي ياوخيتي ربيتي وأحسنتي دواااااااااااااااااااااااك يالشين **ويطلع لسانه **
نواف وأم نواف جلسوا يضحكون وغيروا بعدها السالفه باقي الطريق..

وبعد ماقريتوا الي صار ..من تصرف ابوجروح وش راح يكون حال طيور الحب** نواف.. وجروح ** ؟؟
.................................................. .................................................. ..............................................


يله ابي تفاعــــــــــــــــــــــــــــــــــــــــــــــ ـــــــــــــــــــــلكم معاي


:26:

بصراحة تسلمي على هالقصة الأكثر من رائعة
الله يعطيك العافية أكملي فنحن بإنتظارك