اهلييييييييييييييييييييييييييييييييييييييييين ام شهد

حيا الله من جانا

ياحبي لك تسلمين على الرد واتمنى تحوز على رضاك باقي البارتاااااااااااااااااااات

الف شكر لك

اختك

رجـــــــــــــــــــــــــاوي ام راكان

الله يعطيكِ العافيه ع الأجزاء الحلوة ..:26:
وبداية قويه لظهور المآاااااااسي ..:(

بإنتظار التكمله ..

اهلين اختي انقيج

مشكوره على الرد وعساك بالجنه

تحياتي لك

.................................تتمة الجزء الرابع.............................
بعد تلك الليله ..

..الساعه ثلاث العصر ..كان تيلفون الغرفه اللي بالفندق ماسكت وهو يرن ..في وقت كان نواف نايم ولا حس فيه الا بالاخييييييييييير .....

نواف بتثاقل .افففففففف من ذا اللي يدق الحين الواحد بيرتاح مو قادر ..رفع راسع من المخده واللي حس ان ثقل الجبال عليه مسك سماعه التيلفون وبدون نفس.ااااالو
..
عمااااااااد ..ياخي وين انت ..من بكرة الصبح وانا بحاول اكلمك بس ماكنت بترد ...

نواف ..واللي قعد على حيله حس ان فيه شي حاصل ..خير من انت ..؟؟؟وش تبي اخلص ؟؟

عماد.وهو مستغرب من ردة فعله.انا عماد مدير المطعم اللي كنت فيه امباارح ؟؟

نواف بعصبيه ..شف اذا كان نويصر مرسلك يبي يتعذر قل له لا عاد ابيه ولا ابي اسمع طاريه وخله يفكنا من شره يكفي ماجاني منه ؟؟

عماد..ياليت هيك بيصير ..بس انا بدي ااول لك ان ناصر صار لوه حادس بالامس؟؟

نواف وهو مو مستوعب الخبر وبانت عليه اثار الربكه..نعم وش تقول انت تستهبل امس كان معاي مثل ابليس مافيه شي انت فيك شي او مكثر من اللي تبيع ؟؟

عماد ..ياخيي انا شو عم بأولك انا سمعت الخبر وطوالي الت بخبرك وانت تصطفل .. وبعد ماعصب من طريقته معاه **سكر الخط بسرعه**

نواف كان مو مستوعب اللي قاله له ..خصوصا انه موموضع ثقه.. غير كذا كان شاك انه مكيده مدبره من نويصر او او ا ...هنا انشل تفكير نواف وقال لازم اتأكد بنفسي بس من أدق عليه من بيعرف عنه ..انا مااعرف احد من اهله ..وفي وقت تفكيره ..رن جواله واللي كان رقم صديقه فهد .. كان يجتمع معاهم بالملحق.. هوالوحيد اللي يعرف بأن نواف رايح مع ناصر للبحرين ..
فهد ..الو نواف السلام عليكم ...

نواف وبارتباك غريب وكأنه تاكد ان الموضوع فيه ان..الو هلا وعليكم السلام هلا فهد وشلونك وش احوالك ؟

فهد ..بخير عساك بخير بس انا ماكلمتك الا بسألك سؤال واحد ..؟؟

نواف ..خير اامر وش بغيت تسأل ؟؟

فهد ..اقل نواف انت مادريت عن ناصر ؟؟

نواف خير وش صار عليه امس بالليل كان معاي في مطعم وطلعت من عنده وهذا ااخر علمي به ؟؟

فهد مستنكر عليه الجواب ..غريبه مسافرين مع بعض ولا تدري وش صار عليه؟

نواف باستغراب ..وش تقول يافهد مافهمتك ؟؟

فهد ..معليش راح فكري بعيد شوي ..اخو ناصر كلمني من شوي يقول لي ان ناصر صار عليه حادث امس بجسر الملك فهد قبل مايوصل الجوازات السعوديه كان مسرع وطلعت عليه سياره كان يحاول يتجنبها ولف بسرعه بعدها انقلبت عليه السياره واحترقت واحترق هو ..ولقوا جثته متفحمه داخل السياره ..

نواف **وهو مومستوعب هوول الموقف وفجأته واللي تزايدت معه ضربات قلبه وانهمرت معاها دموع **..اعوذ بالله من الشيطان الرجيم لااله الاالله محمد رسول الله كيف تعرفوا عليه .. ؟؟
فهد .. من حسن الحظ ان الشنطه اللي كان محتفظ فيها بجوازه وباقي فلوسه طارت لمسافه بعيده واللي منها قدروا يتعرفون على شخصيته ..

نواف حاس بخنقه ورجفه تهز كل اجزاء جسمه.. لااله الا الله سبحان اللله امس كان معاي فالين الحجاج بس صار بينا خلاف بسيط اضطريت اني اترك المكان..صح اذكره كان يقول انه بيمشي لاحد من اقاربه قي الدمام بس شف وشلون القضاء والقدر ** وبدأ يبكي معاه بصوت عالي **..

فهد ..الحمد لله كلنا ماشين بهالطريق عظم الله اجرك . اذكر الله هذا وانت مؤمن وتعرف القضاء اذا جاء مايرده شي ..

نواف وهو يحاول يوقف عن بكاه ..واجرك ان شاء الله اعذرني بس الموقف قوي شوي وهو صاحبي مهما كان ؟؟ ..الا بسألك كيف بياخذون جثته ومتى بيصلون عليه و

فهد ..والله كل اللي اعرفه ان اللي زي حالته يحاولون يجمعون رفاته ويصلون عليها او اذا تعذر صلوا عليه صلاة الغايب ..والله العالم ..اما متى فانا بتأكد من احد اخوانه علشان نحضر الصلاه والدفن ..هذا اقل حق نقدمه له

نواف واللي رجعت له الصيحه ..الله يرحمه انا بأحاول القى لي حجز بالطياره الليله تعرف انا جاي بسيارة ناصر الله يرحمه..وان شاء الله يمديني اصلي عليه .. الله يرحمه وبس ..


سكر بعدها نواف والدنيا ضايقه به مايدري لوين يروح ..كان زول زميله ناصر يطل له بكل ركن من غرفته ..تذكر فيها كل موقف كان بينهم خلال هالاسبوعين اللي مضت ..
وبعد مااانفجر بالبكاء دعا له ان الله يغفر له زلاته وخطاياه الللي سواها معاه .. وبنفس الوقت ذكر أمه اللي ياما نصحته وقالت له تبعد عن هالدرب اللي كأنها حاسه بنهايته ..ضاقت به الدنيا وتمنى لو يكون بين احضان امه اللحين اشتاق لها واشتاق لدعواتها ..اشتاق لكل حياته اللي تركها بكل مافيها ..وتحسف مليون مره انه ماسمع كلامها وتحسف انه تركها في وقت كانت هو السند الوحيد لها ..

بعد ماحجز بالتيلفون ..واللي كان من حظه انه لقى له رحله متوجهه للسعوديه **الرياض** الساعه عشر ونص ..قام ورتب اغراضه علشان ينهي اجراءات الفندق ويوصل لمطار بوقت مبكر.. وكله شوق وحنين ان يرجع للوطن واللي امتزج مع حزنه وضيقه على زميله المتوفى :(
.........................................................................................................................................................

وفي الرياض وتحديدا في بيت سلطان ..
كان سلطان نازل مع الدرج وبدون ماتحس فيه اخته. نوال واللي كانت مسترسله بحديثها مع ام راكان ..

نوال وهي تمد بياله الشاي لهدى..ايه والله اني شايفتها بعيوني هذي اللي بتاكلها الدود ..

هدى مطلعه عيونها.. مرتاعه من اللي سمعته..رووااااااااااااااان معقوله ماصدق مستحيل ..

سلطان بربكه بعد ماسمع اسمها وبفضول شديد وقف يسمع عن اللي خذت عقله وقلبه وتفكيره حتى احلامه ..تراجع ووقف يسمع وش فيها روان ؟؟ووش اللي شافته نوال لانها يعرفها صادقه ومستحيل تتبلى احد ؟؟وهو بنفس الوقت مايقدر يسألها لانها بتقول وش لك فيها تسأل ..؟ علشان كذا فضل انه يوقف ويسمع..

نوال ومعها بياله الشاهي ..ايه والله العظيم وبكل وقاحه العالم وقف عند بابهم ونزل وفتح لها الباب وهي بسرعه ركبت معاه وراحوا.. وانا والله العظيم ماهدا لي بال ولا أسترحت حسيت ببراكين داخلي.. المهم اني قعدت على اعصابي.. انتظر وخايفه بنفس الوقت على البنت..انا حسيت ان الموضوع فيه ان ..لان الوقت كان متأخر وانا اعرف انها الوحيده اللي بقت من البنات مع امها وابوها .. واخوها اللي لاهي عنها مايجي الا بأخر الليل وهي الله لا يفضحنا لاحسيب ولا رقيب ..

هدى حطت البياله على الطاوله وعدلت جلستها.. اعوذ بالله من الشيطان الرجيم الله يستر علينا ياوخيتي والله البنت من شفتها ااخر مره في زواج اختها وهي تتمايل بحركاتها وولبسها الله يهديها وانا جاظه منها يااختي اللي فيه خير يبين عليه واللي فيه شر بعد يبين عليه ..

نوال.. الله يستر عليها وبس اقول لك واقعد انتظرها لحد ماسمعت حس سياره موقفه وانا اللي اطل من شباك غرفتي الا واشوفها مع ذاك الرجال اللي بطول وعرض شايل لها اغراض وتفافيخ حمر وكرتون كبير وطلع له ظرف من جيبه وعطاها ذاك البوسه اللي كش منها جلدي.. استحيت اني اشوف ونزلت ومدري وش صار بعدها ..

هدى ..اعوذ بالله من الشيطان الرجيم ...الله بس يستر علينا ويحمينا من كل شر ولا هذولا اللي يسمون الذياب البشريه ..

نزل سلطان وهو يحس ان الدنيا تلف فيه من اللي سمعه ..بدا يتنحنح..وهو مستقصدعلشان يسكرون السالفه ..
هدى ..هلا هلا سلطان وشلونك وش اخبارك يالقاطع ..؟؟ وسلموا على بعض..

سلطان ..بخير عساك بخير وشلونك وشلون راكان وريان ..وينهم ماجبتيهم معاك ؟

هدى ..لا والله بس عبدالعزيز حب انه يسلم على ابوه وفضل انه ياخذ عياله معاه ..عاد انا قلت له مادام انك بتروح اجل حطني عند اختي نوال اقعد عندها شوي ومنها نشووفك يالقاطع ..

سلطان.. وهو حاس انه مخنوق ماوده يحكي اكثر.. اللله يسلمك بس مشاغل الله لا يشغلنا الا بطاعته..الانوال نسيت اقول لك ان نواف دق علي وقال انه جاي الليله عاد قلت لك لانك من زمان وانتي تحاتينه ..

نوال بفرحه ..صدق والله الله يبشرك بالجنه الله يهديه ان شاء الله ويعصمه عن هالسفر ولا طريق او مره يمشي فيه ..

سلطان .. لاتحاتين انا ان جاء لي تصرف معاه زين..

نوال ..لا ياسلطان لاتشد معاه حاول تنصحه وبالحسنى..

سلطان ..ايه دلوعت امه .. لاتخافين انا بأكلمه بهداوه ..لاتنسين انه صار رجال طول بعرض ..

هدى.بابتسامه. الله يخليك لنا وانا اختك .. والله انك رجال ينشد الظهر فيك ..

سلطان .. احم احم ..

نوال وهي تضحك لاتزيدين ينفجر علينا الحين ههههههههه..

هدى وسلطان ...هههههههههههههه

سلطان .. اقول انا استأذن .واحد من العمال مريض وطايح بالمستشفى بأروح ازوره ويمكن اطلع للشباب شوي ولا راح اطول تامرون بشي ..

نوال .. عسى عمرك طويل مانبي شي ماقصرت وانتبه لنفسك يالغالي ..

سلطان ..يله هدى سلمي على عبد العزيز وقولي له اني بأمر عليه ان شاء الله بكره اذا ماعنده شي بعد المغرب ..

هدى ..الله يحييك بأي وقت ..ماعندنا شي ..

سلطان .. خلاص تم ان شاء الله ومنها أشوف الثنائي المدهش مشتاق لهم حيل..

هدى وهي تبتسم ..اشتاقت لك العافيه..

طلع سلطان من هنا وهدى التفت على نوال ..

هدى .. وش تتوقعين سلطان يبي بعبدالعزيز الله يستر مو بالعاده.؟؟

نوال .. مدري والله انا مثلك مستغربه ..تتوقعين بيحكون بأمر نواف!!
هدى .. مدري والله يمكن !!بعدين مالاحظتي وجه اخوي ماعجبني لايكون بس مريض

نوال مستغربه. لا والله مالاحظته والله انه دايم كذا يمرض بينه وبين عمره في هالغرفه ولا يعلم احد .. ماقول الا الله يرزقه ببنيت الحلال اللي تضفه وتداريه ..

هدى .اللهم اامين.
........................................................................................................................................
**وش تتوقعون رده فعل سلطان اللي سمع عن اللي اختاره قلبه وحبها ((روان)) ..وش راح يصير عليه ؟؟

**كيف بتكون حال نواف بعد وفاه زميله ناصر وبعد مايصلي عليه ...؟؟ وكيف راح يقابل امه بعد هالوقت ..؟؟
.........................................................................................................................................


(((((((((((((((((((((((((((((((((((((((((((الجزء الخامس )))))))))))))))))))))))))))))))))))))

............................................................................................


وبعد ماطلع سلطان من بيته كانت الدهشه والحيره عاميه قلبه وكابسه على انفاسه .. معقوله !!معقوله!! قلبي اختار خطأ؟؟ البنت اللي ظنيت انها بتكون شريكه معاي بالحياه بحلاتها وبمرارتها .. اللي بتكون سند لي في الشدايد ..والملاذ وقت ما تضيق بي الدنيا .. الله وأكبر عليك ياقلبي ..ماعرفت تختار صح ؟؟.. حس بالضيق وفتح كل شبابيك السياره يحس انه مخنوق ولا كل الهواء بالكون يمكن يبعد عنه اللي هو فيه ..
صار يدور في الشوارع ويهيم بوجهه من حاره لحاره مايدري وين يوجه نفسه ولا هو داري لميييييييييين يمكن يبوح له بسره اللي كتمه لأقرب المقربين له ..صديقه **مشعل ** واللي كان معاه في كل وقت صديق الطفوله والدراسه .. كانت بينهم جيره الا ان افترقوا قي المنازل وكبروا والتهى كل منهم بشغله وظروفه.بس مانو يلتقون ببعض من فتره للثانيه**. أو اخواته اللي كانوا أقرب له من روحه وخصوصا نوال .. كان ينظر لهذا الموضوع من زاويه معينه حب فيها انه يحتفظ بهالسر في قلبه حتى أشعار آخر وماكان يدري ان هالوقت ماراح يجي بكل الاحوال ..التفكير كان يوديه ويجيبه ..ماكان عارف يصدق مين ..؟؟ يصدق قلبه ومشاعره اللي احتفظ فيها سنين وعاش معها افضل اوقاته او يصدق أذنه اللي سمعت حقيقه كان غافل عنها...؟؟؟

وفي وسط حيرته دق عليه هاتفه الخليوي * كما يناديه البعض -----> نوع من التغيير في استعمال الالفاظ واظهار نوع من الفشخره المعرفيه خخخخخخ.. المهم دق عليه السابق الذكر صديقه مشعل :

مشعل ..مرحبا ابو الشباب وش اخبارك وش علومك ؟

سلطان ..يسرك الحال بخير انت وش الدنيا بك ؟؟

مشعل ..الحمد لله ..انا توني جاي من مكه رايح بالوالده تعتمر ..بعد جهد جهيد يارجال اذنوا ذا الدوام لي بأجازه ((مشعل كان ضابط في الامن الجنائي وكان انسان يشهد له بالاستقامه والانضباط بالعمل ..كان انسان جاد لابعد الحدود في عمله لذلك كانت توكل له أصعب القضايا الجنائيه واللي بحنكته ومهارته يقدر يحلها ..علشان كذا ماكانوا يأذنون له بسهوله أنه ياخذ اجازات حتى اذا جتهم أي قضيه يكون حاضر لها ))..

سلطان ..مشاء الله العمره مقبوله ..والله ماكانت على البال ابد خصوصا منك..معقوله عتقوك شغلك ..

مشعل .الله يقبل منا ومنك صالح العمل .شفت وشلون والله ماتتصور فرحة الوالده لما قلت لها انهم وافقوا لدرجه انها تحملت تعب الخط بالسياره بس علشان تروح لها وانت تعرف امي وكيف تكره ركوب السيارات.. لاكن وش الواحد يبغى غير رضاهم ..

سلطان .. رايتك بيضاء مشاء الله عليك كل يوم تكبر في نظري زووود .. بصراحه يوم انك كنت غاطس كل هاالايام قلت ياانتداب او ماسك له قضيه من هالقضايا اللي تخليك ماتفضى حتى لو تسلم ..

مشعل .. مايحتاج اوصف غلاك ياسلطان لو غبت جسد ماغبت عن بالي ابد ..

سلطان ..والحين وش عندك ؟؟؟

مشعل.. عاد اللحين تسمح لي توني جاي من السفر ودي انااااااااااااااااااااااااااااااااام علشان الدوام بكره..

سلطان ..الله يقويك بس انا قلت نجتمع ونشوف وش عندك ؟؟

مشعل.. لا خلها بيوم ثاني ان شاء الله ان بس حبيت أسلم والشوفات بيوم ثاني ..

سلطان .. صار ..ان شاء الله ..يالله سلام ..

**سكر سلطان الخط من هنا وراح فكره لسالفة روان .. ماكان مستوعب الصدمه اللي سمعها اليوم عنها ...ولازم نقول هنا ان سلطان ماحصل وصادف روان برا البيت او داخله كان يسمع بأسمها بس اذا حصل وزارت اخته نوال مع امها في البيت وهذا مايصير الا بالنااااااااااااااااااااااااااااادر. العلاقه بين العائلتين سطحيه للغايه..**ماحس بنفسه الا بصوت اذان العشاء وقف بمسجد بطريقه وصلى فرضه بعدها توجه للمستتشفى علشان يزور العامل ..وبعد مازاره رجع للبيت ونسى امر زملاءه لان نفسيته ماتسمح يقابل احد غير كذا كان وده ينام ويصحى مبكر لان عند موعد تسليم بضاعه لاحد التجار.. .
......................................................................................................


نلتقي بكم في الاجزاء القادمه

اختكم

رجــــــــــــــــــــــــــــ ام راكان :26: ــــــــــــــــــــــــــاوي

ماحد يتابع قصتي تحطمت !!!!