الروتين الاسبوعى لبشرتك الجافة ؟؟؟

لازم تعملى تنظيف لبشرتك اسبوعيا ودا عشان ما تظهرش اى مشكلة فى بشرتك وتكون دايما بشرتك صافية..

اول حاجة هتستخدمى بخار ودا ممكن يتم فى البيت بأنك تحطى حلة فيها مياة عالنار وتعرضى وشك للبخار والبخار مهم عشان يفتح مسام البشرة ولو عملتى اى ماسك من غير بخار بيبقه مالوش اى مفعول بعد البخار هتبدأى تحطى الماسك والماسك بيكون نوعين مكونات طبيعية او ماسك جاهز وبيكون فى ماسك صنفرة او ماسك ناعم..لو هتستخدمى ماسك مكوناته طبيعية يبقه هتكتفى بيه لو هتستخدمى ماسك جاهز يبقه هتعملى الاول ماسك صنفرة وبعده هتعملى الماسك الناعم ودايما التزمى بالى مكتوب عالعبوة انك تسيبيه محطوط اد ايه على بشرتك عشان لو زودتى المدة ممكن يسبب التهاب واحمرار فى البشرة..بعد ما انتهيتى من الماسك بتغسلى وشك بالغسول المعتاد وبتمشى عليه تلجاية او ماء ورد وبعده كريم النهار او الليل. والعملية دى بتعمليها مرة واحدة بس فى الاسبوع.
وعشان بشرتك تبقه ناعمة جدا ونضرة هتعملى الفكرة دى يومين فى الاسبوع تجيبى فيتامين ه وتفتحى الكبسولة وتفرغيها على وشك باليل قبل النوم بشوية واصحى الصبح اغسلى وشك او ممكن زيت خروع. وشك هيكون نضر جدا وناعم جدا جدا.