السلام عليكم

اختي ريمي .. انا اقول بلا نادي بلا خرابيط .. خلي فلوسج لشي يفيدج ابرك لج

والله عن تجربه اللي تلتزم بالريجيم راح تضعف بشكل مهوووول و يطير العيون بدون رياضه
بس الاحسن انج تمشين كل يوم او يوم ايي ويوم لا علشان جسمج يشد و يتنسق

يعني انا اقول طبقي الريجيم حرفيا و اذا حذفتي شي لا تبدلينه بشي ثاني
و تمشي و وسعي صدرج و انشاء الله بتشوفين النتيجه اللي ترضيج... واذا ماتقدرين تمشين برا البيت ... عندج مليون طريقه تسوينها بالبيت و باي وقت باليوم انشالله نص الليل .. او من الفجر .. او عز الظهر .. كيفج مافي التزام و اي وقت تبين
رقص .. نط حبل ... او اللعب على اي جهاز بالبيت
و اصلا قلت لج انا نزلت 40 كيلو بدون رياضه .. بس ترهل جسمي

انا جربت النادي بصراحه يبيله التزام و ملل .

وبالتوفيق :)

سؤال للأخت الكيكة .. هل كثرة إعاة هالنظام ماتنزل خاصة وأن الشخص يكون توقف عنه لمدة 5شهورمثلاثم رجع له ..أتمنى تفيديني من تجربتك..

بنات الحقوني
اليوم السادس بالنظام وما نزل وزني غير كيلو واحد
مع اني ملتزمة بالرجيم ..وما خربته

الغالية يعتمد على وزنج :)

اختي راما ...

انا لاحظت اني كل مره كنت اعيد فيها الريجيم كان وزني ينزل اقل من الشهر اللي قبله
يمكن لان السوائل اللي بالجسم راحت و الشحوم قلت .. و كل ما قلت الشحوم اللي بالجسم قل النزول .. و اخر 5 كيلوات للوصول الى الوزن المثالي ماقدرت انزلهم ( صعبه جدا )

انا سويت هالريجيم سنه 2000 و كررته تقريبا 4 مرات متواصله

نزلت اول شهر 15 كيلو
ثاني شهر 10 كيلوات
ثالث شهر 8 كيلوات
الرابع سويته بس اسبوعين و نزلت 5 كيلوات
و تركت الريجيم
و حافظت على وزني الجديد لسنه 2003 .. بعدين مليت من التحفظ بالاكل و فكيتها عالاخر و خذيت راحتي و اكل بشراهه .. فزاد وزني تقريبا 10 كيلوات خلال سنه .. حاولت ارجع للكيميائي ماقدرت ارادتي ضعيفه و ما التزم ...فبديت اخذ ريجيمات من المنتدى و ما التزم فيها .. و بديت اراجع عند اخصائيين تغذيه و ما اكمل معاهم .. و اشتركت بدايت سنتر شهر و نص . و جربت حبوب و خلطات و كريمات .
كنت ابي انزل هال10 غصب او طيب و النتيجه من كل هالمحاولات اني زدت فوق ال10 .. 5 كيلوات زياده يعني المجموع زياده 15 كيلو.

الريجيم الكيميائي .. ينزل الوزن الزايد بغض النظر اول مره او ثاني او ثالث... بشرط الالتزام فيه حرفيا و الاستمرار عليه للاسبوع الرابع .


اختي مرشده .. لا تستعجلين .. ترا مو سحر ... كملي ...ان الله مع الصابرين ... النزول اكثر شي بالاسبوع الثالث .

وبالتوفيق