الحمدالله ابشركم الرجيم ماشي ولله الحمد بكرا بيوم اخر يوم من الاسبوع الاول

بشرينا عنك بكرة أسوووووووووومة

الكيكه صراحه ريجيمك رائع بس عندي اسئله ممكن ::
انا وزني 70 وطولي 160 وابغى انزل 17 كيلو تقريبا هل يكفيني اسوي الريجيم شهر واحد
وخلاص ...
وانا عندي خمول بالغده الدرقيه واخذ حبوب الثيروكسين (وهو اللي مسبب لي تاخر الحمل ست سنوات ادعي لي ) هل ياثر الريجيم علي .. وهل يرجع الوزن بسرعه ؟؟؟
واسفه كان ثقلت عليك عزيزتي ...

معليش نسيت اسئلك هل ياثر هذا الريجيم على البشره والشعر ؟؟؟

ابرار .. الدكتور يقول بالكتاب ممكن تبدلين البيضتين بقطعتين صغار جبن قليل الدسم .. بس للحالات اللي تعاني من حساسيه البيض .. و الافضل حذف البيض دون تبديله
و انا بصراحه ماجربت الجبن .. دايما احذف البيض

فوفو الحمد لله عالسلامه و مبروك اللافي ... نعم ممكن حذف اي شي
و ماشالله وزنج حلو و مافيج شحم وايد .. سوي فحص نسبة الشحوم .. و تعرفين بالضبط وزن الشحم بجسمج .. يمكن مافيج الا 5 كيلو شحوم .. فشلون بتنزلين اكثر؟ ماعندي ريجيم ينزل العظام :)


مرام الله يرجعه لج سالم و غانم .. لكن يا حبيبتي اشعلاقة زوجج بأكلج؟ .. لا تخلين رجوعه سبب تخربين فيه ريجيمج و تضيعين تعبج عالفاضي ... كملي ريجيمج بوجود زوجج .. ترا ماله علاقه .. قوي ارادتج ولا ادورين اعذار .. احنا مسوين الريجيم معاج و ازواجنا مجابلينا ماسافروا .. و كانا مستمرين .. خلي هدفج واضح انج تبين تكونين مميزه بالعرس و تاكدي انج ماشيه بالطريق المختصر و الصحيح لان الريجيم الكيميائي حلو و تأكدي انه ينزل الوزن .

نهر الجنه هالمره عديناها لج .. و ياحبيبتي لا تحرمين نفسج من وجباتج علشان يستمر جسمج بحرق الشحوم لا توقفين التفاعلات بالتجويع .

عيني عليج بارده اسوووووووومه .. سيري و نحن ورائك :)

نبض السكون ..حياج الله حبيبتي لا ثقلتي ولا شي .. سلامات و ماتشوفين شر ... ما اقدر احدد لج اشكثر تنزلين .. جسم عن جسم يفرق .. بس اتوقع تحتاجين شهرين علشان تنزلين 17 كيلو .. لسببين اولا وزنج مو وايد زايد ... ثانيا خمول الغده الدرقيه يعني ما تضعفين بسرعه
الريجيم ماراح يأثر على المرض ولا العلاج .. لا تحاتين ... و ابدا الوزن ما يرجع بسرعه .. كاني جدامج مسويته سنة 2000 و ماشاء الله للحين ما رجع.

تاثيره عالبشره .. يصفيها و يخليها ناعمة
بس شعري من الشهر الثالث صار يتساقط بالهبل فاضريت اخذ علاج ... و السبب مو من الريجيم .. السبب اني كنت احذف السلطة لاني ما احبها

فاذا تبين تحافظين على شعرج و بشرتج اهتمي و لا تحذفين اي سلطة من الجدول و كثري فيها الجرجير والطماطم و الفلفل الاخضر البارد ( يعني هالشغلات المفيده )
و نفس الشي بالنسبة للفواكه لا تحذفين شي من الفواكه ... و كثري من شرب الماء علشان تتجنبين القبض
و صدقيني الريجيم متكامل روووووعه لو مشيتي عليه صح