الحمد لله حبيبتي غزالة ماشي الحال

على فكرة أنا كمان مرات بلخبط بالأيام مش بس بوجبة أو وجبتين وكنت بأنب نفسي جدا ولما قلت للدكتور قال أول 3 شهور بيكون فيها لخبطة لأن لسه مخك وجسمك ماتعودش على النظام الجديد

فماتأزميش نفسك لما تلخبطي مرة دا عادي لأنك وارد جدا بحياتك العادية إنك مرة تلخبطي

فماتأزميش الأمر

والوجبة لو لخبطتي مرة أو مرتين عادي مش هايأثر

إحنا بنتعود إن دا يكون أسلوب حياتنا الجاي فبنحتاج صبر على بال لما نتعود

فماتأزميش نفسك مش نهاية الدنيا لو لخبطتي بوجبة

لقيمات رمضان ؟!! في الريجيم! هههههههههه ما شاء الله

:26:

جزاك الله خيرا عزيزتي كلك ذوق تسلمي

التمر مسموح كلقيمة ((3تمرات ونصف كوب حليب)) كلقيمة

وممكن تكرريهم عادي كلقيمة طوال اليوم

أما الحد الأقصى فالدكتور ماذكرهاش ..هاسألهولك بإذن الله

بس انتي عايزة تخللي الوجبة المفرحة هي كمان من التمر؟!!!كدا جسمك مش هاياخد إحتياجاته اليومية من الفيتامينات من الخضار وولا من بروتين اللحوم

ونصيحة كمان عن تجربة

لو هاتبتدي يومك بلقيمة يفضل تكون لقيمة ربع رغيف بلدي وبيضة أو ملعقتين فول

ومن بعدها تبدي بلقيمات التمر عادي

لما بتبدي بلقيمات ربع رغيف وفول أو بيض فعلا بتحسسك بالشبع وبتكوني فايقة وقادرة طول اليوم

على غير لما تبدي بلقيمة سكريات زي التمر بتتحرق بسرعة وبتجوعي بعدها بسرعة وبتحسي بضعف باقي اليوم

دا لو التمر كلقيمة ببداية اليوم

أما التمر في وسط اليوم بيحسسك بالشبع وبالإمتلاء فعلا

القهوة العربي والتركي والشاي مسموحين كلهم

الشاي لو هاتحليه بسكر يبقى ملعقة

ومسموح ليك 5 ملاعق باليوم في 5 مشروبات وبيتحسبوا خارج اللقيمة

5 ملاعق سكر في اليوم كحد أقصي

من بعدها بتبدي تحسبي كل ملعقة سكر كلقيمة

وطبعا كل ماتقللي السكر كل ماكان النزول بالوزن أسرع

جزانا وإياك عزيزتي كلك ذوق

بالنسبة للجلدية الأول ..لأني واخده أجازة من الشغل الفترة دي

فممكن تراسليني على الخاص أو أكتبلك رقم تلفوني وأكلمك وتشرحيلي مشكلة شعرك أو حتى ترسليلي صورة علشان أعرف ايه مشكلة شعرك لأني الآن في أجازة مؤقتة لظروف خاصة

نرجع للريجيم ... انتي كدا ماشيه عليه ممتاز وبإذن الله تنزلي عليه كويس واصبري عليه

والتكيس فعلا محتاج وزنك ينزل علشان الحمل وعلشان شعرك أكيد من أسباب تساقطة لخبطة الهرمونات اللي مع التكيس

بإذن الله وزنك ينزل وهرموناتك تبقى مظبوطة ويبقى الريجيم دا أسلوب حياتك لدرجة إنك لو شوفتي حلويات هاتكتفي إنك تدوقيها بس ومش هاتعوزي تاكلي منها أكتر من كدا وعن رضا بإذن الله

حتى لو لخبطتي مرة ماتخافيش وماتأزميش نفسك

هو أول 3 شهور دا اللي بنتعود فيهم لسه على أسلوب الحياة الجديد فالجسم والمخ بيحاول يرفض الأسلوب الجديد دا لأنه مش متعود عليه فبتلاقي نفسك مرات بتلخطي كدا ودا وارد جدا لأن وارد في حياتك بعد كدا إنك أكيد هاتلخبطي مرة أو مرتين بالأسبوع ودا مش هايبوظ ريجيمك

فماتأزميش نفسك مش نهاية الدنيا لو لخبطتي في أكلة بس بنفس الوقت لازم تحسي بتأنيب ضمير علشان ماتلخبطيش كتير

وانتي لما تلاقي وزنك بنزل هاتتشجعي وتلتزمي أكتر بالريجيم وتتحملي

انتي علشان لسه أول أسبوع فقلة الأكل تاعباك لسه ..معدتك ماتعودتش على الأكل القليل والإحساس بالشبع

بالنسبة للقيمات الأحسن تثبتي نوعين لقيمات في اليوم علشان لسانك مايذوقش أكلات كتير باليوم

دي كانت نصيحة من نصايح الدكتور

من اللقيمات اللي فعلا حلوة وثبتتها ولقيت منها فايدة

لقيمة ربع رغيف بلدي و2 ملعقة فول في الفطار وممكن في منتصف اليوم كمان مرة لو حسيت بجوع

الفول لاحظت إنه بيسد النفس وبيشبعك

لقيمة التمر ((3تمرات ونصف كوب حليب)) تمر اللي هو طري زي الطحان والماركات دي بيتباع في السوبر ماركت

بتحسي بشبع وإمتلاء بعد اللقيمة دي وبنفس الوقت بتكفيكي من الحلو أو السكريات اللي جسمك محتاجها

وممكن تكرريها كل لقيمة

طبعا اللقيمات الغامقة زي الكرنب البنفسجي والعنب الأسود والفراولة حلوة وخفيفة وبنفس الوقت بتساعد في الحرق لما تستمري عليها هاتبدي تلاقي زيادة في الحرق بعد شهر من الإستمرار

في العزومات مثلا

لو فيه محشي ورق عنب مسموح ليكي في الوجبة المفرحة 10 - 12 صابع

وكلقيمة مسموح ليك 3 أصابع

محشي الباذنجان في الوجبة المفرحة مسموح حوالي 5 أصابع

وكلقيمة مسموح صابع بس خففي الرز اللي فيه شويه وخللي الصابع تخين علشان يبقى الباذنجان أكتر لأن الباذنجان الاسود من اللقيمات الغامقة

مثلا الحمام المحشي مسموحلك 1 حمامه

الرقاق مش عارفه مسموح قد ايه هاسأل الدكتور

يعني مافيش حرمان من حاجه هو فقط تقنين الكميات علشان نصغر حجم المعدة ونحس بالشبع بسرعة

وعلى فكرة انتي دلوقتي لأنك أول أسبوع بتقعدي تحسبي الكميات

بعد كدا لما تتعودي على النظام أصلا انتي هاتلاقي نفسك اتعودتي على كمية معينة وشبعتي ومرات هاتلاقي نفسك بس بتدوقي وخلاص ومش هاتقعدي تحسبي كل شوية بس اصبري وبإذن الله تلاقي نتيجة ممتااازة جدا بإذن الله

ودي مواضيعي بخصوص الجلدية لو احتجتي فيها شئ عرفيني لأكتبلك بديلها بمصر لأني كاتبه المواضيع بعلاجات سعودية

سلسلة العناية ..1.. علاج تشققات وخشونة الكعبين

http://forum.hawaaworld.com/showthread.php?t=2924692

سلسلة العناية ..2.. وصفات طبيعية معتمدة ومعالجة

http://forum.hawaaworld.com/showthread.php?t=2929185

سلسلة العناية ..3.. تفتيح المنطقة الحساسة, الهالات السوداء و مناطق الجسم المختلفة

http://forum.hawaaworld.com/showthread.php?t=2932446