السلام عليكم ورحمة الله وبركاته
شحالكم؟
شخباركم؟
لقيت موضوع في منتدى ثاني واايد حلو، بس طبعاً نقلته مع بعض التعديلات و لمسات مني عشان يطلع الموضوع حلو .. احم احم <<< واثقة البنت
المهم
اسمحوا لي اليوم بنزل لكم موضوع نتناقش فيه
موضوع خفيف وطريف
الزواج ام السيارة
وطبعا كلامي راح يكون من الواقع
يعني لا بألف من عندي ولا قصه خياليه
شاب موظف يحاول ان يتزوج
كم راح تكلفه مصاريف الزواج يا ترى ؟
خلونا نحسبها
المهر = 50 الف درهم
الدزه = 30 الف درهم
الشبكه = 20 الف درهم
حفلة الخطبة = 10 آلاف درهم
حفلة الملجة = 25 الف درهم
فستان العروس = 10 آلاف درهم
قاعة الرجال = 25 الف درهم
قاعة الحريم = 25 الف درهم
شهر العسل = 20 الف درهم
اثاث المعرس وغرفة نومه وملابسه وعطوره وكشخته والبشت والكنادير والعقال والغتره = 15 الف درهم
اعتقد ان الاسعار اللي حطيتها مناسبة ومتوسطه
خللونا نشوف المجموع الكلي
50+30+20+10+25+10+25+25+20+15 = 230 الف درهم
ولا اقولكم خلوني اسوي لكم خصم خاص
بنخليها 200 الف درهم
شو رايكم ؟
ولا اقول البعض راح يزعل ويقول لا وايد غالي
خصم خاص بمناسبة بحثي عن عروس
خخخخخخخخخخخ
العرس من طأطأ لسلام عليكم راح يكلف 150 الف
بعد الزواج ب 6 شهور طلعت عيونه لين ما طلقها وافتك منها
يعني خسر 150 الف درهم وبالنهايه طلقها وما استفاد اي شي
الحين خلونا نشوف السياره
لاند كروزر 2005 جي اكس آر فل ابشن سعرها 180 الف درهم
ناخذها اقساط على البنك
كل شهر 2500 درهم
بما اني اشتريت سياره من الوكاله يعني ماراح تخترب وماراح تحتاج قطع غيار في الوقت الحالي
السرفس او التشييك مالها ما يتعدا 300 درهم كل 3 شهور
وماعلي غير بترولي وبس
بعد 5 سنوات اذا طفرت منها راح ابيعها ب 100 الف درهم
طبعا راح اكون مسدد كل الاقساط
وفوق هذا ابيعها
يعني باخذ لي فلوس وبستفيد
وخسارتي راح تكون قليله مقارنه بخساير الزواج والعرس والطلاق
الحين بعد هالاحصائيات اللي حطيتها لكم
ايهما افضل ؟
الزواج ؟
ام السيارة ؟
مقارنه غريبه شوي
بس ماعليه
استحملوني شوي
و بلييز محد يزعل
يلا فمان الله
بسير المول و برد و أبغي أجوف ردود واايد منكم
و لا بزعل :30:
حصوصه و بس @hsosh_o_bs
محررة
يلزم عليك تسجيل الدخول أولًا لكتابة تعليق.
الياف :
اكيد الزو ج بدون طلاق وهو علية السيارة بعد >>>ياويل المعرس تسلمي ياعسل علي الموضوعاكيد الزو ج بدون طلاق وهو علية السيارة بعد >>>ياويل المعرس تسلمي ياعسل علي الموضوع
الله يسلمج إن شاء الله دوم
فوفـــه :
اقوووول لايقرونها الرجاجيل والا علووم محد يتزوج والله الزواج والسياره بعد مشكورهاقوووول لايقرونها الرجاجيل والا علووم محد يتزوج والله الزواج والسياره بعد مشكوره
اطمني ... بسويله تخفيضات ... بس عشان خاطرج ... عشان يعرس و يشتري سيارة كشخة و يكون باقي عنده فلوس ... ها شو رايج؟؟؟ :D
الصفحة الأخيرة
تسلمي ياعسل علي الموضوع