عارفين انتم لسه لافتين نظرى لحاجه انه فى الفرح المختلط حتى لو العروسه محجبه الواحد مش بيقدر يتحكم فى لبس المدعوين يعنى فى فرح بنت خالتى كان فيه مهازل مع اننا عائله والحمد لله ملتزمه حتى الغير محجب عندنا مش بيقدر يلبس الحاجات الى بتحصل انا بقى جات لى فكره وهنفذها فى فرحى انى هكتب على الدعوات شرط اساسى الالتزام بلبس لائق وتجنب العرى وهحط نفس الشرط على لوحه الاسامى بره القاعه وبكده اكون احرجت اى واحده ممكن يهفها عقلها على استعراض لحمها


نانى ودون يا جماعه اكتبوا لنا بالتفصيل شويه كل حاجه عايزكم تعملوا لنا لسته ستاندر لكل شئ تكون مرجع للعرائس من جميع الجهات

لا يا دون انا مزنوققققققققققققققققق هنا فى الشغل

يعنى يا دينا عمالاه تسالى على الملايات الى اشتريتهم فى كل الاقسام اما لخبطتينى وما بقتش عارفه انا فى انهى قسم
اما بانسبه للملايات فلما بقى يحصل ان شاء الله ما حدش هيشتريهم لى غيرك انتى ونانى بس ابقوا وافقوا انتو

أنا موافقه يا هبه إني أشتري معاكي الجهاز .. علي فكره ده التخصص بتاعي
في الأسره طبعا .. أي جوازه تحصل ..
يبقي الدور عليا ألف أشتري الطلبات ولسته طويله ..
يا دينا 12 ملايه كتير قوي ..
حقيقي أنا ما أحبش يكون عندي أكتر من أربع أطقم للسرير
أنا ما أحبش الجاهز لأني أفضل للطقم ملايتين إللي فوق بتكون مشغوله وإللي تحت أفضلها بالأستك + مخده بطول السرير + 6 تربيعات ( مخدات صغيره ) علشان بحب أغيرها كل يوم أو إتنين .. إنما الملايات أنا بأغيرها كل أسبوع ..
أما الفوط .. مهم يكون عند كل فرد أقله بشكيرين ..
يبقي علي الأقل 4 بشاكير بالفوط بتاعتهم
أنا لسه عامله طلبيه لعروسه في مشغل ..
أطقم بشاكير بالساتان والركامه مع وردات برودري .
ياللا ربنا يكرمك وأنا في الخدمه

كسفتينى والله يا نانى

كده يبقى فاضل لنا العريس