والله الفارق الكبير قوى متعب للغايه
ده تجربتى الشخصيه

تحسى كل واحد فى وادى

قد إيه فارق كبير قوي يا هبه .. أكتر من عشر سنين ..

انا رايي ان الفرق في السن يكون من سنتين ل 6 سنين يعني مش اكتر من كده ده رايي من زمان
بالنسبة لان العريس يكون في عمر العروسة انا ما بحبذش ده لان عقلية البنت بتكون سابقة عقلية الولد فهتكون هي اكثر نضوجا من الناحية الفكرية و في نفس الوقت البنت بيبان عليها الكبر اسرع من الولد يعني هتحسن انها اكبر منه و هما في نفس السن

صباح الخير

بما انك يا نانى ما بتجيش الصفحه فانا جبتها لك هنا دى مشاركتى وعايزين نسمع رايك
عايزه اسالكم سؤال انا كمان بس بتاعى اجتماعى زواجى على الاخر وعايزه اسمع اراء حتى المخطوبات الى لسه ما اتجوزوش

تقعدى فى البيت ولا تشتغلى؟؟

بصراحه السؤال ده محيرنى جدا ساعات بشوف ستات بيوت زى دون كده يا عينى مش ملاحقه على البيت تحسيها بتنهج كده على طول ما يعرفوش يلمسوا الكرسى بجسمهم وفيه ناس بتصحى الظهر وفيه ستات ممكن تنتحر لو ما اشتغلتش

النهارده كان عندى طبيبه خوجايه عندها انهيار عصبى - والله العظيم بمعنى الكلمه - قاعده قدامى بتسح ووشها بقى زى الطماطمايه لانها عايزه تشتغل وحاسه ان القعده فى البيت ممله للغايه؟ تتصوروا انها بتقول لى لو استمر الوضع على كده هرجع بلدى وانها هتسيب بنتها الى عندها 7 سنين وتسافر - انا انفجرت فى وشها - لانها مش لاقيه نفسها.
ايه ده بقى؟

انا طول عمرى حلمى انى ااقعد فى البيت - مع انى بحب شغلى جدا - بس بحس انى لما يبقى عندى بيت له احتياجات هبقى عايزه اققعد فيه انظفه واطبخ واشتغل برودرى زى ام يوسف مملكتى بمعنى الكلمه انا بحوش الكتب والمجلات عشان بيتى - والله خايفه ابيعهم بالكيلوا زى الستات ما بيعملوا - هو انا خياليه شويه؟

بس بلاقى ستات مصريات صغيرات فى السن هيجننوا ويشتغلوا!!
مش عارفه بقى انا مش طبيعيه ولا ما دخلتش التجربه وعيشتها - ويمكن لما اعيشها اجنن انا كمان واعوز اشتغل- بس انا بحب اوى انظف البيت واهتم بيه تلاقى ودى حاجه ما بقدرش عليها لما ببقى بشتغل.
ممكن كل واحده تقولى رايها وليه الست بعد سنه ولا اثنين من الجواز بوصلتها بتضرب وبتصحى الظهر وناكشه شعرها؟؟
هو صحيح البيت ملل

طب اشمعنى جدتى يا اخونا كانت ست فى غايه النشاط والنظافه والله البيت بيبرق لغايه دلوقتى تقولوا كدابه المريات الزجاج الارض ملاياتها لها ريحه الصابون

ما فيش حاجه مش فى مكانها سجاده دوريا بيتغسل عند الكحال البيت بيبرق بمعنى الكلمه وعمرى ما سمعت منها كلمه ملل دى

تيته كانت تعلمنى حاجات منتهى الروعه واله ينفع يتفتح لها لينك

ممكن تقروا بقى ليها حبيبتى الفاتحه

بالنسبه بقى لفرق السن ايوه يا نانى يعنى اكثر من 12 سنه كثير قوى كان اتم على الاخر ومش مظبط وطول ما هو قاعد مش وراه حاجه غير التعديل عليا عامل لى بابا

رواء المفروض مناقشات الجواز تبقى هنا بس هى اتفتحت هناك بقى والى حصل حصل
معلش