على العموم انا حاليا قاعدة براجع فقه السنة مرة تانية و ان شاء الله نتناول موضوع الزواج من جميع جوانبه يعني مش بس فى الجهاز

رواء جزاكي الله كل خير علي الموضوع ده فعلا الدنيا اتلغبطت علي بعض في مسائل الجواز , انا اعرف ناس دلوقتي بيقولوا كفاية ان الرجل جاب الشقة وجهزها العروسة بقي تفرش
طيب ياريت نمسك كل مواضيع الجواز زي القايمة , موقفها ولو صح تتكتب ازاي كذا بنت سالت عن الموضوع ده
زربنا يكرمك يا حبيبي قلبي

عزيزتي رواء الإسلام
المدن الصغيره في مصر بيمشي الجواز فيها علي حسب الشرع زي ما بيقولوا
وللزواج عدة أركان مهم وجودها
االولي ( الأب أو الوصي ) .. الشاهدان .. العقد .. المهر
أما موضوع الجهاز ده مش من أركان الزواج
والسكن والفرش كل ده علي الزوج ..
يعني هو إللي يجيب الشقه ويفرشها علي حسب إمكانياته ..
وفيه عرسان كتير كمان بعد مايجيبوا ده كله يكتبوا قايمه بالمنقولات للزوجه ..
والمهر مهم في الزواج .. أما الشبكه في حدود المعقول وبدون مغالاه
ده واقع في مدينتي وغيرها كثير من المدن
أما المحافظات الكبيره .. أسمع الشيئ العجيب ..
أشياء ماديه مفروضه علي الزوج وأخري علي الزوجه ووالد الزوجه وأصبح عرف سائد وكأنهاالأصول في الزواج

للحديث أكيد له بقيه

عندك حق يا ناني المحافظات الكبيرة في مصر الجواز فيها اصبح شئ في منتهى الصعوبة و المشكلة ان الحاجات ده اصبحت عرف سائد بين الناس لدرجة انهم لما يسمعوا ان حد عايز يمشي على الشرع يبصوله على انه مش فاهم حاجة و ده حصلي انا في جوازي لما حبينا ننفذ الشرع في الاتفاق

و اللي ساعد على كل ده ان معايير اختيار العريس اختلفت عن زمان او عن القرى الصغيرة يعني اهم شئ حاليا في المحافظات الكبيرة و هاخد القاهرة كمثال ليها ان الاهل بيدوروا على العريس الجاهز اللي معاه الشقة و العربية و فلوي في البنك و ابتدوا ينسوا اهم شئ في العريس و هو مدى تدينه و ارتباطه بربه و ان هو ده الامان الحقيقي لبنتهم مش موضوع الشقة و لا العفش
علشان كده سبحان الله الرسول عليه الصلاة و السلام اكد على موضوع الدين في البداية علشان كده عنه صلى الله عليه و سلم انه قال ( اذا جاءكم من ترضون دينه فزوجوه ) الى آخر الحديث و عنه ايضا ( من زوج كريمته من فاسق فقد قطع رحمها)
و طبعا الدين مش هو المعيار الوحيد في الاختيار يعني فلابد من مراعاة التقارب في المستوى الثقافي و الاجتماعي و المادي ان امكن ذلك و كذلك التقارب في الطباع الشخصية و التقارب في السن
و اذا الانسان التزم بمراعاة كل ما سبق يكون قطع نصف المشوار لانه في هذه الحاله هيكون الاتفاق ممكن لتقارب التفكير من حيث الثقافة الدينية و الدنيوية
و للحديث بقية