كان الله في عونك يا أم سلطان ..ولا يهمك تراهم يذلون المره اللي تظهر ضعفها وحاجتها لهم كوني اقوى من كذا والمفروض انك تستقوين اللي انتي خايفه منه صار(الزواج) ليش هالضعف اما العيال الله يعينك انتي امهم واكيد مايطاوعك قلبك تتركينهم لابوهم ومرته بس اذا كنتي تقدرين تخلينهم كم يوم عشان ترتاح نفسيتك وهو يحس فيك زين على زين والا فلا و انت ابخص ..ومشاويرك اذا دقيتي عليه ولا رد ارسلى له مسج بانك محتاجه ضروري ودقيتي عليه ولا رد فاظطريتي تروحين وبكذا يستحي على دمه ولا يقدر يقول شي يعني ما يرحم ولا يخلي رحمة الله تنزل .. شكلي تجاوزت *اسكيوزمي* الله يسخره لك ويسخرلنا حنا بعد ارجالنا..

ام سلطان هذا الدعاء لكي مني واسمحيلي ان اشرك نفسي واخواتي في الملف...اللهم اني اسألك باسمك الاعظم الذي اذا دعيت به اجبت وان سألت به اعطيت أن تفرج همومنا وان تجعل لنا من كل هم فرجا ومن كل ضيق مخرجا وان تنصرنا على من ظلمنا و تعيننا وتسعدنا دنيا وآخره وان تجعل اولادنا قرة اعين لنا و لا تريهم مكروها ابد وان ترزق كل محرومة ولدا يارب العالمين يا ذ الجلال و الا كرام يا رحمن السموات و الارض و رحيمهما هذا الدعاء ومنك الاجابه وهذا الجهد و عليك التكلان و لا حول ولاقوة الا با لله و صلى الله على نبينا محمد وعلى اله وسلم..آآآآآمييييييين.

اللهم اني اسألك باسمك الاعظم الذي اذا دعيت به اجبت وان سألت به اعطيت أن تفرج همومنا وان تجعل لنا من كل هم فرجا ومن كل ضيق مخرجا وان تنصرنا على من ظلمنا و تعيننا وتسعدنا دنيا وآخره وان تجعل اولادنا قرة اعين لنا و لا تريهم مكروها ابد وان ترزق كل محرومة ولدا يارب العالمين يا ذ الجلال و الا كرام يا رحمن السموات و الارض و رحيمهما هذا الدعاء ومنك الاجابه وهذا الجهد و عليك التكلان و لا حول ولاقوة الا با لله و صلى الله على نبينا محمد وعلى اله وسلم..آآآآآمييييييين.



آمين

آمين

آمين
يارب العالمين

أم سلطااااااااان حبيبتي

بقولج أنا كنت نفاس على السرير وزوجي يلبس رايح يلعب كوره

أقوله يافلان نبا ناكل ماشي أكل في البيت وعلى فكره كنت ايامها موظفه بس ماكانت سالفة فلوس

هو يدري إني بدفع بسسسسس كنت ياعالم نفاااااس وخياطة ولاده...

ماقدر اطلع وماعندنا سالفة دريول ومادريول

قال لي وانا راقده على السرير مااااااااااايخصني فيكم دبري عمرج.... تخيلي

كان الكلمه المعتاده مايخصني فيكم دبري عمرج انتي وعيالج وعيالي صغار خمس سنوات

وثلاث سنوات يعني اللي يسمعه يقول عندي شباب والا درزن عيال ...

طلع وخلاني وخفت ادق على اهلي يسوون له سالفه

طلعت الجمعيه اشتري اغراض البيت ومالي سبع ايام نفاس !!! وزوجي بكامل صحته

وانا النفاس ام خياطه وبلاوي من تحت قمت ورحت الجمعيه

والمشكله كنت امشي شوي شوي عشان ماأحس بالألم

والشباب على بالهم اني اتدلع في المشي وتعالي شوفي الكلام والغزل والأرقام ووراي

لين وصلت السياره وهم مستانسين وانا في داخلي بركان


رحت البيت وبكييييييييييييت لين قلت بس قلت يارب اني مسني الضر وانت ارحم الراحمين

يارب بالحرام لقيتهم بالعشرااااات وراي ... وبالحلال ماني قادره اخليه يسوي بس الواجب

ماريد غزل ولا يحزنون بس احس اني متزوجه وعندي ريّال اعتمد عليه بعد الله

... والله من بعدها حسيت انه ماشي فايده معاه.... واستعنت بالله وياتني قوه عجيبه

وقلت يابنت الناس ارجعي لنفسك مثل أول وأكثر

اعتبرته ميييييييييييييت ...مااااااااااااات خلاص واندفن

إنته تبا نعيش كل واحد في جهه ؟!! أوكيه اللي تباه بيصير إن شاء الله ...

ورحت اشتريت جهاز رياضي ودلّعت عمري خلطات ورياضه وسويت شعري وصبغته

المهم طلعت من الأربعين ماشاء الله لا قوة الا بالله

وصار هو مثل أي قطعة اثاث في البيت امر من قدامه ولا سلام ولاكلام ولا كأنه موجود

العب مع عيالي واتكشّخ وأسوي لهم أكلات وحلويات ونقعد مع بعض عند التلفزيون

ضحك وسوالف وهو قاعد يطالعنا وأول مايبا يدخل بينا اقوم أفز من مكاني كأنه شيطان دخل بينا خخخ

وادخل حجرتي وتخرب الجلسه ههههه

عشت حياتي بالطول والعرض تذكرت صديقاتي اللي نفاس واللي نقلت بيت ورحت اشتريت

لهم هدايا وزرتهم

دخلت دورات كمبيوتر .. وصرت اطلع انا وعيالي ولا ادري عنه

بس مسج انا رايحه المكان الفلاني وبسسس ....حس بإهانه

وصار يركض وراي مره يتصل عشان مدارس ومره يتعذر عشان مدري شو وكنت اقوله

نعم... انا مشغوله بكلمك بعدين وأخليييييه يولي هذا اللي ناقص ادق عليه بعد خخخخخخخخخ


والله صار يراكض وراي وحاول وحاول وطبعا آخر شي رضيت بشروطي أنا... رصيتها رص وقدام ابوي واخواني وإذا ماسواها بطلب الطلاق

وبتزووووووووج غيره خخخخخ <<< يلعن ابو الثقه الصبغه عملت عمايل هههه

وصارت هي تدق عليه في الوقت اللي هو معاي ولا عشرين مره في الدقيقه

وريلي من النوع اللي تركض وراه يعطيها بولبّاس <<< يعني طناااااااش



المهم ياأم سلطان انتي اهتمي بعمرج وادعي ربي يهديه واهتمي بنفسج أولا وأخيرا ابعديه عن تفكيرج

وطلّعيه من حياتج فتره وعيشي لنفسج ولو كم شهر واعتبريه مب موجود انزعيه لأنه هو سبب الألم

والصبر الصبر الصبر والله مرينا بنفس مامريتي فيه واكثر لكن تراه كل ماظلم كل

ماجنى على نفسه وعلى سعادته .. وكنتي انتي اقرب إلى الله منه والله بينصرج عليه

عاجلا غير آجل بإذن الله تعالى...

عين العقل