أقول أظني مصختها صح
ماأنعطى وجه بس وش أسوي والله أحبكم وأعزكم مرة

هذاك أول ولا يهونون الباقين القصة اللي استأذنتك أقولها هي كالتالي الله يسلمك )))))))))قلبت فصحى على غفلة
المهم كنت رايحة للمستوصف وكان فيه وحدة تنتظر دورها وكل شوي يدق جوالها وكان المتصل زوجها وتتهاوش معه
المهم بدت تحكي سالفتها تقول أنا زوجة ثالثة (وهي من دولة عربية )تزوجت قبل أربع سنوات وكا عمري 16 سنة ودلعني زوجي مرة
وبالنسبةلزوجاته الأولى تقبلت الوضع والثانية ما قدرت تتحمل وزعلت عند أهلها
وجبت منه ولد ووداني أزور أهلي وقالي أفرحي بأهلك وأنا أبتمشى وأرجع آخذك وبعد ماجاها لقت جنبه حرمة عمرها 14سنة في السيارة قالها هذي زوجتي الجديدة رقم4
تقول ضاق صدري مرة ولقيتها أحلى مني بكثير
الخلاصة والزبدة أنها تقول أنا كنت أحاول أقهر زوجاته وأكايدهم لأنه زوجي كان طاير فيني مرة
والحين تندمت على كل اللي كنت أسويه فيهم لأن الله جاب لي وحدة تقهرني
فاللي أنا أبي أوصل له اللي حاسة أن زوجها أو ضرتها ظالمينها لا يضيق صدرها تراها بإذن الله راح تأخذحقها سواء بالدنيا أو بالآخرة يعني حقها بيرجع لها والله يوفق الجميع أولى ولا ثانية ولا ثالثة ولا رابعة ويعين الرجل على العدل
وأرجو أن لايفهم كلامي غلط من قبل الزوجات الثانية والثالثة
والله أنا ما أقصد العاقلات أقصد اللي تحب تكايد الأخريات
وأنتم بإذن الله محشومين عن هذا

ههههههههه له يقطع ابليسك ياعهه مادري وش المختصر حقك والله مت من الضحك بسم الله علي
انا اللي صار لي البارح قوزي ابو عيالي تأخر جت الساعة ثنتين ماجاء نزلت للمطبخ والبيت كان ظلام وصوت المطر والرعد( فيلم رعب) والهواء قوي وكنت اسوي لي صامولية جبن مع كأس حليب بالزنجبيل تعرفون وقت شتاء والواحد يجوع مارفعت راسي الا على زول( طن طن طن طن طن طن )موسيقى رعب صرخت من الروعه وطاحت الصاموليه من يدي الا هو رجلي دخل ماحسيت فيه يوم شافني اصارخ واقول بسم الله الرحمن الرحيم تدرون وش سوى زعل وطلع من البيت
انا والله تحسفت كثير تدرون وش عليه

--------------------------


--------------------------------



تحسفت على الصاموليه لأني كنت جوعانه والحين جالسه أكل شابوره مع شاهي
يارب يعجبكم فلمي
والى اللقاء في الحلقه القادمه

غصن الخزامى تسلمين على القصة وقالوها كنا تدين تدان
يابنات من يخاويني بكره للبر امطار وربيع يالله من فضك يالله يادوف تعرفين برد والواحد ينشف يحتاج كريم عقبال مايرقونك وتصيرين نيفيا
منتظره خبري انك طباخة مرقوق درجه اولى ورى ماتخاوينا
اقول كلكم لاتزعلون بس تراها قطه بينا الا فراشه هادئه والله اتفشل منها شكلها ماهي من الديره ولازم نعودها عواييدنا

بنات
وش رايكم في المواضيع الي تنكتب عن التعدد وخاصة الي يجعل الزوجة الاولى مريضة نفسيا
والا مخليها عدوانية تحب الانتقام او عندها نوبات امراض نفسية ههههههههههههههه

يالله خلونا نسولف بجدية اكثر

يامنتظره انا اعرف وش قصدك انتي تقصدين اللي كاتبه موضوع عن امراض الضره النفسيه
وانا رديت عليها لأن تخصصي علم نفس اكلينكي وجدت كاتبة الموضوع جاهله بعلم النفس للأسف لأنها كلتبه عن امور عامه تسمى في علم النفس مكنيزم وهي للأسف تجهل ماهو وانه امر طبيعي خصوصآ للأشخاص الأسوياء لآنه ردود فعل طبيعيه تنجم عن الفعل الذي يتعارض مع مشاعره
هل سمعت يومآ ان أمرأة قتلت ضرتها او اسأت لها بشكل اوأخر والله لايوجد الا في خيال كاتبة الموضوع وهي لوكانت تدرك جيدآ ماتكتب ماقالت الضره
هذه وجهة نظري وارجو يامنتظره ان ترجعي لردي على صاحبة الموضوع