اذا ماتبغين تشوفينها خلاص لاتروحين ولا تشوفينها اذا راحتك بعدم شوفتها
تصدقين انا ودي اشوفها احس لو اشوفها يبي يبرد قلبي لأني مقهوره منها اتصدقين اني طول الوقت افكر بها ودي وشفيها علشان زوجي يطيربها وكل اللي هشافوها يقولون انها شينه بس سبحان اللي محليها بعينه

يمكن رحمة لك ماشفتيها حتى مايزيد قهرك ،،

وعيونك تشوف غير عيون زوجك وبالتالي حكمك يختلف عن حكمه ،،وكل له نظرة ،،

وترى الجمال ماهو كل شيء بهالدنيا ممكن وحدة تأسرك بطيبها بأخلاقها بخفة دمها برجاحة عقلها ولو ناظرتيها إلا مافيها زود بالشكل ،،،

الله يريح قلبك

اقول ياحبايب وش سالفة الرجال هو مرض معدي ولا ايه

توي مكلمه وحده من جيراني وقطعت قلبي قالت زوجي

خطب وزواجه بعد شهرارجو منكم الدعاء لها

مساء الخير يا احلى بنات في العااااااااااااااااالم
مادري ايش الي صار لي صرت جريئه ومااخاف من حد
البارح كنت معزومه عند اخت زوجي ووصلت متأخره ولقيت الهانم قاعده سلمت عالكل سلام حار ماعدا هي والبزران بطرف الاصابع من غير تخطيط مسبق هي جت كذا امكن لانها مره دخلت علي وانا عند عمتي وطلعت تجري من غير ماتسلم عليه بحجة ان حالتها حاله
المهم كل الضيوف الي عند اخت زوجي انهبلوا علي وهات يامديح وانا صرت مثل البلونه
وباركوا لي دخلت دورة تجميل يعني قلت اشغل نفسي ومااحتاج على احد
سلالالالالالالالالالالالالام

حيالله هدؤ المساء وينك من زمان عنك وبصراحة وبدون زعل تصرفك خطأ تدرين ليه لأن لازم تكونين سباقه في الطيب معليش حبيبتي بس والله من حبي لك ودي تكونين الأفضل
وبعدين ياحبيباتي ضرتي ماعندها أولاد من زوجي وراح اشرح لكم الظروف هو تزوجها مسيار وبصراحة صرت انا المسيار المهم وهوحريص ماحد يعرف لا اهله ولا أهلي ولا أولادنا فكيف اتعرف عليها خصوصآ عيالي مو صغار وراح يفهمون وبصراحة اخاف يكون مصيرها مثل اللي قبلها يعني ماتستمر معه وهومتزوجها من مدة ثلاث شهور بس والله ماأكرهها واتمنى لها وله كل خير بس انا ابي اريح نفسي لأني اعرف زوجي متعب كثير انا يالله اتحمل نفسي وعيالي وانا بطبعي مجاملة حتى على حساب نفسي
وانا كتبت في ملف ألأخوات الزوجات الثانيات واقول التعدد في زمنا رحمة لأنه حلال مو حرام والزوجه الثانيه لها ظروفها والله بنات احنا نحكم على الظاهر ومانعرف وش الخافي
مثلا انا زوجي لما تزوج زوجته الثانيه وكان معلن طار فيها طيران وبس مدح وكنت اتقطع من داخلي واتخيل انهم مع بعض في نعيم تصدقون بس 6 شهور تشحططت معه شحططه وكان يسبها احيانا عرفت ان الأمور لاتؤخذ بالظاهر واللي كنت متصورته بناء على كلامه طلع خيال في خيال يعني انا اللي تخيلته كله مو صحيح وصارت تعاني منه يمكن اكثر مني
نصيحة لكل وحدة منكم عيشي يومك امسحي من خيالك اي تصور عنها صدقيني هي بشر مثلك وتحس مثلك ويمكن اكثر لما توصلين للقناعه بالأمر هذا راح ترتاحين
وخلي دائم دعوتك يارب اكتب لي الخيرة في امري وأرضني به