والله ياخواتي اني محتارة مدري وش اسوي صراحه قاعده اجامله على حساب نفسي وهو ولا شايف شي زي اللي يقول غصب عنك تسوين كذا ولو اطلبه شي يقول طيب لكن ماينفذ وهي طلباتها اوامر كان يبغى يروح لها الاربعاء وقالت لا والجمعه بعد الصلاه تقول يالله تعال وراح خلا الدوام ومدارس العيال والى اللحين مشرف وانا مثلها اهلي بالرياض لو يصير ظرف عندهم وابي اروح يقول دوامات وهي نسته نفسه انا اقول لوفيها خير مخلته يروح ايام المدارس وهي تدري ان عياله مافيه غيره يجيبهم انا صراحه احس اني معد عندي قدرة اتحمل حمل وعيال وهم زوج مايفكر الابنفسه حسبي الله ونعم الوكيل بكل من لحقني باذى اذا شفتك ياخت منتظرة تردين علي واقرا ردك اتطمن شوي مع اني اذا حطيت راسي على المخده اقعدافكر بكل شي مر علي لاني عشت معه ايام واسنين اغلبها فيه من القهر مايكفي علشان يجازيني بمره ماقول الا الحمدلله الذي لايحمد على مكروه سواه

ياخيتي خليك قدعة
خليك قوية
والله ياحال جاني انا
لاني كنت راعية غلا من يومي
وفجاءة كل هذا الغلا راح لغيري وش توقين يصير فيني
واقسم لك بالله العظيم اني كنت اكتب بالمنتدى والبنات ينصحوني ويقلون لي بيرجع لك وانا خلاص ياسه منه ومن رجعته
والحين الحمد لله
على الاقل صرت انا وهي مثل بعض مل وكل الرجال
فانا حاسة ان الي بزوجك الحين الطفة حقت الجديدة وبتروح بسرعة
والله اني اصبرك وانا حاسة فيك
وبنت الناس ان ظلمتك فحسبها الله ولا تخلين قول حسبي الله ونعم الوكيل
وان كان ودك تكلمين زوجك بهدؤ في مسالة عياله وتقصيره معم كلميه
لكن لا تجيبين سيرتها بسؤ عشان مايصير محامي عنها ويدافع وانتي تزدادين قهر
الله يكون بعونك وخليك معنا فضفضي واشكي وقولي كل الي بخاطرك وحنا لبعض وانا اختك لا يردك شي

اختي ام سلطان
انسيه هو والعروسه الجديدة صدقيني فزة عرس وراح يرجع متحسف انه فتح على نفسه باب من الشتات الذهني والنفسي

الله يجزاك خير يامنتظرة والله اني اخاف اكلمه بي شي علشان ميلقا علي حجه ويزعل ويروح لها لن تعرفين اللحين يبي اي شي يوديه لها وابي استشيرك انا متعوده اذا ولدت اروح لهلي اولد عندهم احيانا ارجع بعد الولاده باسبوع واذا اجازة اقعد على الاقل عشرين يوم واللحين ولادتي ايام عيد الضحية اوبعده بكم يوم اروح واقعد عند اهلي والا اجلس بيتي واخليه يمشي ليلتي عادي بعض صديقاتي يقولون لي لاتروحين وبعضهم يقول روحي احسن علشان يقابلها كل الشهر ويمل منها وهي طبعا ساكنه عند اهله وانا اذا ولدت وجت الدراسة ابي ارسل اللي يدرسون اتمنى انك تنصحيني بالموضوع هذا لأنه هو يبغاني اروح وانا ودي اعاند بحجة المدارس بس ودي اكبس على انفاسهم لانه يقول انا ابغى اسافربعطلة الحج وانتي على وشك ولادة ومافيه احد عندي اشريك ولو اني اخاف اولد بالقصيم

الله يجزاك خير اختي الاماسيه ويطمن قلبك ويرجعه لي ولعيالي ولا يذوقك مرراة الجارة آآآآآآآآمين يارب العالمين