الأخت هذاك أول الحمد له على السلامة لابأس عليك طهور إن شاء الله
أختي أنا مو ندمانه على ما سويته مع زوجي لأني متأكدة إن هذا راح ألاقيه عند أكرم الأكرمين
ولكن أنا أستغرب إنه في زوجات ما يقدمون لأزواجهم شيء ومع كذا هم مقدريهم ويخافون على زعلهم
وأحنا إلي فانين أعمارنا في خدمتهم ما يراعون مشاعرنا وأحاسيسنا ولا كأنهم جرحوا قلوبنا
هل الحب والأحاسيس الصادقه هذه مصيرها إنها تتحطم ؟
أختي منتظره صراحة إنت لازم تعيدين حساباتك
وتقفين وقفه جامده أمام المرآآآآه لأن شكلك بتنفقعين من السمنه المفرطه خخخخخخ:10_8_9:

^
^
^

خخخخخخخخخخ اي والله انك صادقة بعيد حساباتي كلها
الجسم والشعر والبشرة واللون والطول والوزن وكله على بعضه

واما السمنة حدث ولا حرج
ماخليت جاهز ماشريته
ماخليت دعاية ماطبقتها على نفسي
ماخليت منتدى للسمنة مادخلته
ماخليت رجيم ما عملته
وش السواه؟؟؟؟؟؟

انا ادري مانحفني الا شي واحد الي هو همي بعد زواج زوجي

تصدقون نزلت 14 كيلو او اكثر خلال شهر او شهر ونص
وكل من شافني صاح فيني
وش فيك انتي مريضة
وين الزين هذاك( السمنة زين ههههه)
والي تقول يابنت منتي اول ولا اخر وحدة يتزوج عليها زوجها
والي تنصحني اهتم بصحتي وواكل
والي تقول اذا كان زواج الزوج ينحف بزوج زوجي

مع العلم كانوا قبل ينصحوني اني اسوي رجيم وانحف

الناس مايرضيهم شي

لكن انا ابي انحف عشان نفسي
ابي اشوف نفسي واهتم بصحتي لان السمنة تعطي للوحدة عمر اكبر من عمرها الحقيقي



يالله قصيت لكم قصة حياتي لكن وش رايكم نبدا برنامج للاهتمام بالجسم كله من مجاميعه
وبلا هم وش سوت ضرتنا ووش سوا ازواجنا
يالله شجعوني

اذا شفت تجاوب منكم راح استمر وان ماشفت تجاوب










راح استمر ايضا خخخخ

أنا معاك أختي منتظره والأمل بالله
بس بصراحه أزواجكم إذا حسوا بملل :( يقولون لكم وإلا لا ؟؟
لأن زوجي امس يقول لي
(( تتوقعين في أزواج مثلنا إالى الحين يحبون بعض وكل يوم يزيد الشوق بينهم ))
قلت له أبدا ههههههههههههه ما في إلا إحنا زي الكناري:heart: بسم الله علينا مغير بالمناقير ههههههه
وأنا من داخل حاسه بممل وطفش من هالروتين يوم عندي ويوم عندها:hahaha:
الله يكون في العون

الله يهنيك بزوجك اختي زوجة اولى
وما شا الله تبارك الله عليك
الله يديم عليك محبته ورضاه قبل الزوج
اختي انا عن نفسي مايقول زوجي شي لان ماله في الرومنسية
وانا تعودت على ذلك
زوجي اذا بيعبر عن حبه جاب ذبيحة هههههههههههه
وودانا البر نذبح ونشوي هناك
واذا مابيعبر طقنا فالبيت وراح لاشغاله الي ماتخلص
واذا قلت له انت تحبني قال اي زوج لو مايحب زوجته ماخلاها عنده
قبل زواجه كنت اقول له فلان عندي سؤال
قال جواب سؤالك (ايه)

افسرها لك اختي زوجة اولى
قولي انا عندي سؤال يعني هل تحبني يازوجي العزيز
قوله ايه
جواب لسؤالي لانه حفظ هذا السؤال وجوابه
وبس

<< ياكثر هذرتي

حمدلله على سلامتك أختي هذاك أول ..
صج الزواج الثاني هم كان وزني شهر 8 تقريبا 63 وحاليا ما تصدقون صار وزني 49 .. والكل يسأل ما شاء الله ضعفتي .. شو الرجيم اللي اتبعتيه ؟ .. أقول تقليل من الأكل وفي داخلي أقول رجيم هم ؟؟
والحمد لله على كل حال ..
وأنا معاج في الاهتمام بأنفسنا .. عل وعسى نلقى اهتمام من أزواجنا .. أو حتى يكون لنفسنا .. على الأقل ننشغل بشي يعدل من نفسيتنا شوي ..
سبحان الله .. من اللي أشوفه من الزواج الثاني بالنسبة للرجال : أنه نزوة وتعدي ، وخاصة أن الرجل يحب التغيير والتجديد ، ويشوف في التعدد متنفس له .. لكن بعد الزواج يشوف إن الحياة اللي كان يحلم فيها ما بتصير له .. وين الاستقرار وين راحة البال .. والله الرجل يشيل هم وحمل كبيييير ،، مو بسهولة يقدر يمشي المركب .. والله المستعان ...

وكل هاذي على حساب المرأة الضعيفة المسكينة .. لكن سبحان الله الصبر والايمان بالله والتسليم لأمر الله يعطي المرأة القوة والثبات على مواجهة المشاكل والأزمات ..

والله ياخوات .. أعظم سلاح في أيدينا وأحنا مو مقدرين هذا الأمر حق قدره .. أتعلمون الدعاااااااء ثم الدعاء .. يقول الرسول صلى الله عليه وسلم " لا يرد القدر إلا الدعاء " .. فالصبر والاحتساب والدعاء هو سلاحنا حاليا ،، لا أهله يستطيعون عمل شيء ولا أهلنا ولا واسطة ولا أي انسان .. ولكن الله بقدرته وبضل دعائنا سييسر لنا بإذنه تعالى .. ولابد أن نكون متيقنين بالفرج .. وأن بعد العسر يسرا .. وأن كل ذلك مدون عند خالقنا ولن ينقص في أجورنا شيء ....

والدعاء لا يكون مرة وحدة فقط وخلاص ، دعينا ما استجاب لنا ، إنما الدعاء بإلحاح في كل وقت أوقات الاجابة وغير أوقات الاجابة ،، ولتيقن بالاجابة أثناء الدعاء .. والله بفضله وقدرته سينزل سكينته وطمأنينته على قلوبنا .. وسييسر لنا أمورنا .. " لا ملجأ من الله إلا إليه ""
سبحانك يارب .. والحمد لله على نعمه وفضله ..