الزوجات الاولات تعالن ابغاكن في سؤال خاص جدا

توكلي على الله وارجعي بيتك

صحيح الامر صعب بالبدايه لكن شوي شوي ربي يسهلها

بعدين تتأقلمين ع الوضع

وتعيشين طبيعي

بس الاهم انك تشيليها من تفكيرك علشان ترتاحي

اما بالنسبه لحبه ياقلبي الرجل مو زي المره

الرجل يقدرة يحب اكثر من وحدة ارجعي لبيتك عشان اولادك

ترى الدنيا ماتسوى

كبريها تكبر صغريها تصغر

الله يهون عليك ويربط على قلبك

الله يكون بعونك هذولي الرجاجيل لازم يمرضون اما يتزوجون ولا يخنون
ياقلبي لا يضيق خلقك لايصير اكبر همك عيشي حياتك لنفسك واعيالك ,,,,,,,,

ياغاليه الدنيا ماتسوى
ولاتنسين ان الدنيا زرع الاخره
والله يعينك على مصيبتك
وياغاليه ماتدرين وين الخيره فيه؟؟؟
والحمدلله انه في الحلال مو في الحرام
والزمي ياغاليه الدعاء والاستغفار
وكويس ما شاء الله تبارك الله انه جبر بخاطرك الله يسخره لك
وش رأيك في وحده اعرفها زوجها يوم تزوج عليها ناوي يخليها تختار انها تتنازل عن يومهااو يطلقها
الله يصبرها
الواحد اذا شاف مصيبة غيره هانت عليه مصيبته
استعيني يااختي بالله ولستخيري في امورك كلها
والله يصبرك ويصبر كل مسلم على بلواه

اشكر اللي ردوا علي بس انا ابي تجارب الولات يصارحوني شلون عايشين قدروا يتأقلمون مع الوضع ولا انغثوا ومشاكل وغيره وقهر وصحيح ممكن الوحده تتهنا مع زوجها بعد مايتزوج عليها وماتصير الزوجه الثانيه نكد وحرقه في قلبها انا اللي اشوفه اني افضل لي ولاعصابي البعد اتحمل بعد زوجي شهر شهرين اكثر اقل وبعدين انسى اما لو رجعت راح ادمر نفسي واعصابي وححرق دمي وهذا بيأثرعلى حياتي وعلى اولادي من التجارب اعرف وحده بعد ماتزوج زوجها اندمرت وصارت ذليله ومكسوره وحده تحلف انها عايشه على المهدئات ةغير ان طول الوقت مشاكل وراحت وانا مارحت ومشاكل لها اول ومالها اخر تشغل الوحده حتى عن دينها وتشغلها عن عيالها يعني تصير الوحده مالها هم الا الثانيه اش قالها واش سوالها وراضين والا زعلانين وعلى ايش اضيع حياتي في حرقة الدم هذي بس زوجي ومشايخ يقولون لي ان ممكن الوحده تعيش سعيده وتكون الزوجه الاخرى مصدر خير لها وان زوجها يعرف قدرها اكثر ويحبها اكثر ومن الكلام اللي عقلي ما يصدقه فاذا وحده عندها تجربه تفيدني بها ابي احد يقنعني بهذا الكلام اذا موجود على ارض الواقع اعتقد اذا كانت الوحده ماتحب زوجها ممكن تتقبل والا لا والله ماني عارفه كيف ممكن الوحده تقدر على هذا الوضع اعتقد حتى اللي تقدر تكون مجبوره ولا هي سعيده ابد وحياتها ونفسيتها كلها دمار في دمار

والله حبيبتي باقولك تجربه اختي وزوجه اخوي اختي كرهته موت مع انه كان طيب معها جدا من قبل بس هي تخاف على عيالها بشكل غير عادي ورجعت قالت والله لو اصير عنده خدامه بس مافارق اطفالي واول الامر تعيبت جدا حتى اهملت نفسها وماعاد وثقت في اي احد وهو ماشاء الله ارضاها ب 80 الف وغير كل اثاث بيتها وقال والله لو تبين من راسك لا رجولك ذهب لا عطيك

وتحلف بالله انه صار احسن من اول بمليون مره بس هي في قلبها جرح منه اكيد
والحين ماشاء الله عايشه ومستانسه
والا تجيب طاري الثانيه ابد مالها الي في اولادها ونفسها وهو مجيه زي روحته عندها يعني هايشه لنفسها

زوجه اخوي اخوي شكله مارتاح مع الثانيه هاذي هي الكل في الكل الي هي الولى وعايشه حياتها وهاذيك اكثر من مره بغى يطلقها ويقول بيتزوج عليها

انتي قرري من الان ياما انك ترجعي بس تقوي نفسك بمعنى الكلمه تصيري جبل مايهزك ريح وتاخذي حقك كامل وتقولي له لا تجيب طاريها عندي باي كلمه ولا تعلمني عنها باي شئ وانا بعد لا تجيب طاريي عندها
وعيشي لنفسك وعيالك انا اشوف انه ارحم بمليون مره من انك تفارقي اطفالك
والا تخلين زوجك لها تاخذه بارد مبرد نشبي في حلقها وجاهدي في ذالك
وتفنني لكي يرجع لك وش دراك ممكن يرجع لك وحتمال كبير
والله يكون بعونك ويسعدك لا تنسي الاستغفار وقراءه سوره ياسين بنيه ان يرجع زوجك لك
وترى الدنيا فانيه
وما يسوى عليك تشوفي اطفالك مع مره ابو تعذبهم
ممكن بعدين ياخذ عيالك ثم حتموتي الف مره اكثرمن زواج زوجك عليك